6B01407 Кәсіптік оқыту в Қожа Ахмет Ясауи атындағы Халықаралық қазақ-түрік университеті

Балалар мен жасөспірімдердің дене бітімінің жасқа байланысты екендігін үйрету және дене бітімінің қалыптасуында антропометриялық әдісті қолдану туралы түсініктеме беру. Балалар мен жасөспірімдердің өсуі мен дамуының биологиялық заңдылықтарымен таныстыру.

Студенттерді сыныптан тыс тәрбие жұмыстарын ұйымдастырудың әдіснамалық-теориялық білімімен қаруландырып, кәсіби тәжірибелік дағдыларды игерумен бірге білікі құзыреттілікке баулу. Сондай-ақ модуль тәрбие жұмыстарының теориялық және әдістемелік негіздерін сипаттайды, орта және жоғары оқу орындарындағы тәрбие үдерісін басқару мен ұйымдастыруға қажетті тәрбие жұмыстарының жалпы теориялық негіздерімен, тәжірибеде тәрбие жұмыстарын жүргізу әдістемесін меңгерумен таныстырады.

Сопылық ілімнің ерекшеліктері, Ясауидің өмірі мен ілімі, оның негізгі ұстанымдары; түркі халықтары тарихында және бүгінгі күндегі Ясауи ілімінің маңызы; Ясауидің нақыл-өсиеттері, адамның рухани-моральдық дамуына қатысты ойлары; Ясауи ілімінің қазақ дүниетанымындағы орны мен рөлі, маңызы туралы жүйелі рухани-танымдық білім беріледі.

Түрік тіліндегі дыбыстар; қалыптасуы, артикуляциялық ерекшеліктері, сөздерде орналасу тәртібі, қызметтері және өзгерістерге ұшыраған әр түрлі жағдайы оқытылады.

ХІХ ғасырдың соңы ХХ ғасырдың басында Осман империясының құлауы мен өз жалғасын тапқан түрік ұлтының тәуелсіздік үшін күресі және мемлекеттің құрушысы болған Мұстафа Кемал Ататүріктің принциптері осы пәннің басты мазмұны. Севр келісімін қабылдамаған түрік ұлтының басшысы ретінде 1923 жылы Мұстафа Кемал мемлекетке байланысты бірнеше принциптер ұстанады, пән осы принциптерді білімгерге түсіндіруді басты негізге алады.

Түркі мемлекеттер тарихы пәні студенттерге өзінің төл тарихы мен мәдениетін, тарихи ерекшелігін ұғып білуді, сондай-ақ, жаһандану процесінде ұлттық болмысын сақтауда қажетті біліммен қаруландыруды мақсат етеді. Түркі халықтарының көне дәуірден бүгінге дейін тарихы оқытылады.

«Материалдарды өңдеу технологиясы» бағдарлама негізіне сәйкес оқу процесінде тігін машиналарының негізгі құрылысын, түрлерін, қол және машина тігістерінің технологиясын, қол және кесте түрлерін қамтудан тұрады.

Түрік тілінің лексикасы, сөз құрылымы, сөздердің жасалу жолдары, жалғаулары мен жұрнақ түрлері туралы мәлімет беріледі.

«Материалдарды өңдеу практикумы» курсының мазмұны бағдарлама негізіне сәйкес тігін бұйымдарының қарапайым және түйінді бөлшектерін өңдеу, белдікті киімдердің бел қырларын, қалтасын, етегін өңдеу.

Сыни ойлау бөлімі - дүниетанымдық ұғымдар мен категориялар арқылы адам өз өмірін қайта құруға талпынады деуге болады. Ол жеке адамның ғана емес, бүкіл қоғамның тыныс-тіршілігін сыни сараптан өткізеді, адам мен қоғамның ақиқатқа жету жолындағы қателіктерін жоюға ықпал етеді.

Жобаларды басқарудың мәні және түсінігі, Жоба мақсаты. Жобалық және тұрақты қызмет: ұқсастығы және ерекшелігі. Жобаның фазалары және сатылары. Жобаны басқару қызметтері: жоспарлау, басқару, бақылау, ұйымдастыру, әкімшілік және басқа жалпы жүйелік қызметтері. Жобалардың классификациясы. Жобаны аяқтау процесі. Жобаны түзетуші іс-қимылы және тәжірибиесі. Жобаны аяқтау мерзімінің мәні және маңыздылығы.

«Еңбекті қорғау» пәні студенттерге мамандығы бойынша еңбек қатынастарына түскен кезде, өндірісте ҚР Еңбек заңдарымен көзделген еңбекті қорғау жөніндегі ережелер мен нормаларды, еңбекті қорғауды ұйымдастыруды, еңбекті қорғау саласындағы мемлекеттік басқару және бақылауды, қызметкерлердің еңбекті қорғау кепілдіктері, еңбек қызметіне байланысты жазатайым оқиғаларды үйретеді.

Тұлғаның лидерлік қасиеттерінің дамуына ықпал ететін факторларды анықтап, ақпараттарды жинақтайды. Лидер болу туа біте ме, әлде тәжірибе арқасында қалыптаса ма деген сауалға жауап іздеуге тырысады.

ХХ-ХХІ ғасырларда экология әлемдік өркениеттің басты жаңалығы бола отырып, кез келген қоғамның, мемлекеттің әлеуметтік-экономикалық және саяси жұйелерін дамытуда экологиялық танымды пайдаланбай жүргізу мүмкін емес болды. Сол себепті «Экология және тұрақты даму» пәнін оқыту дәстүрлі үрдіске айналды.

Менеджменттің ғылыми теория ретінде қалыптасуын, мектеп менеджерінің іс-әрекетінің теориялық негіздерін зерттейді. Менеджменттің негізінде мектепті басқару принциптері. Мектептің тәжірибелік іс-әрекетін менежментті өндірудің тиімділігін қарастырады. Болашақ мамандарды білім берудегі менеджмент жайлы қазіргі нарықтық жағдайда сәйкес білім, білік, дағдыларымен қаруландыруды.

Акмеологияның негізгі ұғымдарымен таныстыру, олардың әлеуметтік педагог және өзін өзі тану мұғалімінің кәсіби қалыптасуы бағытындағы теориялық білімдерді меңгеруіне ықпал ету. Әлеуметтік педагогика және өзін өзі тану мамандарының әрекетін ұйымдастыру туралы білімдерін жинақтауға көмектесу. Таңдаған мамандық саласында олардың әлеуетті мүмкіндіктерін бағалау дағдыларын қалыптастыру.

Мәдениеттің негізгі элементтерінің ең бастысы және осыған сәйкес басты атқаратын қызметі таным, яғни таңба – символдық элемент болып саналады. Дін мәдениеттің субстанциясы, ал мәдениет – діннің формасы. Діни мәдениет күрделі, кешенді құрылым болып саналады, қоғамдық жүйе ретіндегі діннің барлық аспектілері әлеуметтік-мәдени салада көрінеді.

Педагогикалық мамандық және оның ерекшеліктері. Педагогика адам туралы ғылымдар жүйесінде. Педагогиканың аксиологиялық негіздері. Педагогиканың әдіснамалық негіздері. Ғылыми-педагогикалық зерттеудің мәні мен мазмұны. Педагогикалық зерттеудің әдістері. Зерттеу мәдениетін қалыптастыру.

«Тігін өнімдерін өңдеу технологиясы» пәнін оқыту мақсаты студенттерге адам тұлғасының пропорциялық өлшемін алу, тігін машинасында жұмыс жасауда желет пен шалбардың модельдерін өңдеуде сыртқы түрін, астарлық өңірді өңдеу және оларды өңірастылықтармен біріктіру жолдарын уйрету.

Графика - жазуда қолданылатын таңбалардың жиынтығы, орфография – біркелкі жазуды қамтамасыз ететін ережелер жүйесі. «Латын графикасы және орфография» пәні латын негізді орфографияны үйретеді.

Құқық негіздері мемлекет және құқық теориясының негізгі түсінігін және қағидаларын, сонымен қатар қазақстандық құқықтың жетекші салаларын енгізетін кешенді оқу пәні. Оқу курсында құқық саласының негізін қалыптастыратын құқықтық нормалар мен негізгі түсініктер қарастырылады.

Студент кәсіпкерлік негіздерін игеріп, тарихы мен қызметі, кәсіпкерліктің даму кезеңдерін, кәсіпкерлікке байланысты құқықтық нормативтік құжаттармен танысады

«Мәңгілік Ел» пәнінің іргелі мәселесі «Мәңгілік Ел» ұлттық идеясын ұлттық бағдарлама мәртебесіне дейін көтеріп, жаңартылатын әлемдегі ұғымдардың, қағидалардың және ұстанымдардың мән-мағынасын нақтылайды, әртүрлі көзқарастардың ауқымын қоғамдық сұранысқа орай үйлестіре отырып қарастырады.

Психология ғылымының жалпы курсының әлеуметтік психология мен тіл психологиясында қарым-қатынас психологиясы деп аталатын арнайы саланың негізгі түсініктері қарастырылады.

«Тіршілік қауіпсіздігі негіздері» курсында адамды төтенше жағдайлар кезінде қорғау жолдары қарастырылады. Оның негізгі себептеріне адамдардың өмір сүру ортасындағы кездесетін қауіп-қатерлерімен бірге еліміздің ата заңының негізгі мақсаты жатады.

«Психикалық денсаулық және суицид превенциясы» курсының мазмұны психологиялық денсаулық көрсеткіші болып табылатын жекелеген қасиеттердің балалардағы даму ерекшеліктері, қамтамасыз ету жолдары мен амалдарын анықтау. Психологиялық денсаулық балалардың өзін - өзі дамытып, жетілдіруін, реттей алуын, балалардың ересектермен және басқа балалармен қарым-қатынасын реттейді

Кәсіпкерлік пен өндіріс негіздері курсы нарықтық экономика жағдайында кәсіпкердің іс-әрекеттері, кәсіпкерлік істің түрлері, ұйымдастыру әдістері, тактикасы, стратегиясы, кәсіпкерлік бәсекелестік, тәуекел, бизнес жоспардың құрылымы, мазмұны және өндіріс негіздері жөніндегі білім қоғамдық өндірісте адам және техника функцияларының бірінен-біріне ауысуы туралы кеңінен түсінігі болуы қажет.

Білімгерлерді кәсіпке баулиды, бағыт-бағдар береді. Ғаламтор мүмкіндіктерін кең ауқымда қолдана отырып, халықаралық бизнес мектептердің тәжірбиесіне сүйеніп бизнес кейспен, ойын түрінде кәсіпкерлік ойлауды дамытады. Білімгерлер әлемдегі кәсіпкерлік, стартап мәдениет, заманауи стартап мәдениеті, кәсіпкерлік пен инновацияның жаңа тенденциялары, салық, директор басқа да компания құрылымы және оның жұмысын танысады және кәсіпкерліктегі бәсекелестік орта туралы біледі.

Қазіргі саяси, экономикалық, күнделікті-тұрмыстық, қоғамдық-саяси, ғылыми және мәдени байланыс, барлық ғылым саласы мен мемлекеттік басқарушы органдардағы терминологиялық және арнайы лексиканы, сондай-ақ іскер хаттар жазысу ережелерін, шарттар мен келісім жасай білуге және іскерлік қарым-қатынаста сөйлеуге дағдыландырады.

Әр түрлі материалда жұмыс жасауды қалыптастыру. Сән функцияларының құрылымы. Киім түрлерінің әртүрлі стильдерде бөлінуі. Киім даярлауда түстердің бір-бірімен түстік үйлесімділігі. Тоқыма материалдарының фактурасы. Маталардың беттері. Маталардың суреттері. Әртүрлі стильдерде киімдер даярлау, оның технологиялық картасын құрастыру,материалдарды өңдеу.

Өзін-өзі тану пәні болашақ мұғалімдерінің педагогикалық және психологиялық қарым-қатынас компонентерін қалыптастырып жетілдіреді. Білім беру арқылы рухани-әдептілік құндылықтар жүйесін дамытады. Өзін тұлға және болашақ маман ретінде тануға мүмкіндік береді. өзінің өмірлік позициясын анықтауға көмектеседі және болашақ рухани денсаулық бетбұрысына бағытталған көзқарасын калыптастырады.

Тігін бұйымдарын автоматты жобалау жүйесін құру негіздері. Тігін өндірісіндегі автоматты жобалау жүйесіне жалпы сипаттама. Тігін өндірісінде АЖЖ құрудың алғы шарттары. Киім өндірудегі компьютерлік технологияның рөлі. Киімнің импрессивті тәсілін АЖЖ арқылы бейнелеу. Ақпараттық негізде басқарылатын тігін машиналары.

Киім туралы жалпы түсінік: ассортимент, талаптар, функциялары; денені өлшеу әдістері мен тәсілдері, қонымдылыққа берілетін қосымшалар; конструкциялау жүйелері, киімнің базалық коснтрукцияларының сызбасын тұрғызу, пішіндерді даярлау және олардың градациясы; сән журналдары бойынша дайын пішімдермен жұмыс, ақаулар және оларды жою әдістері.

« Мектептегі сәндеу ісі» пәнінің мақсаты мен міндеттері. Қолөнер үлгілерін әзірлеу, көркем өнер туындыларының жасалыну ерекшеліктері. Киіз үйдің ішкі жабдықтары, тұрмыста қолданылатын бұйымдарды жасау барысы.

Ғылыми таным мен шығармашылықтың әдіснамалық негіздері. Студенттердің ғылыми-зерттеу жұмыстары жүйесі. Педагогикалық зерттеу бағыты және оны таңдау. Ғылыми ақпаратты іздестіру, жинақтау және өндеу. Педагогикалық эксперимент және эксперимент нәтижелерін өндеу.

Ежелгі Шығыс халықтарының киім үлгілерінің түрлері және түстік ерекшеліктері. Антикалық әлем, Орта ғасыр кезеңіндегі еуропалық, Қайта өрлеу кезеңіндегі еуропалық костюмдеріндегі қалыптасқан стильдік бағыттар. Қазақтың ұлттық киімдері түрлері мен түстік шешімдері.

Сыбайлас жемқорлыққа қарсы күрес негіздері мазмұны мен түсінігін білуге, қоғамға қауіпті дәрежесін айыра білуге және олардың алдын алып, әшкерелеуде қолданылатын әдіс-тәсілдерді білікті пайдалануды оқып үйретеді.

Этнопедагогиканың теориялық негіздері. Халықтың педагогикалық көзқарастары мен этнопедагогика. Халықтың педагогиканың этникалық компоненті. Халық педагогикасындағы идеал тұлғаның бейнесі. Халықтың тәрбиелеу құралдарының көптігі.

«Үй мәдениеті және тұрмыстық техника» пәнінде қыз балаға тән ұлттық мәдениет үлгілері және этностық мәдениетке баулуға бағдарланған оқу-тәрбие ісі жұмыстарының мазмұнында технология пәнінде аспаздық жұмыстар технологиясы, қолөнері мен үй мәдениеті тақырыбына қатысты оқу материалдары мен іс-әрекеттер туралы мәліметтер қарастырылады.

Қазақ халықтарының сәндiк-қолданбалы өнерiнiң дәстүрлi кiлем тоқу өнерi. Қазақстандағы қолдан кiлем тоқудың тарихи шолу. Кiлем кәсiпшiлiгi пайда болуының табиғи географиялық және экономикалық салдарлары. Түктi кiлем түрлерi. Кiлем тоқу технологиясымен тоқылған бұйымдарының топтастырылуы.

Тоқыма материалдардың және былғарының түрлері. Қазақстан жеріндегі тері өңдеу. материалдарды және былғарыны қөркем өңдеу түрлері. Тоқыма материалдарды және былғарыны қөркем өңдеу әдістері (макраме, қол және машина кестелері, аппликация және т.б. техникалары).

Кәсіптік оқыту мамандығы түлектерін дайындауда «Кәсіби педагогика» пәнінің ролі зор. Өтілетін курс бойынша жеке адамды қалыптастыруда оқу-тәрбие жұмыстарының әдіс-тәсілдері мен формаларын ғылыми тұрғыдан қалыптастырудың жолдары қарастырылады.

Кәсіптік оқыту мамандығы түлектерін дайындауда «Кәсіби психология» пәнінің ролі зор. Өтілетін курс бойынша жеке адамды қалыптастыруда олардың мінез құлқын психологиялық тұрғыдан қалыптастырудың жолдары қарастырылады.

Менеджменттің ғылыми теория ретінде қалыптасуын, мектеп менеджерінің іс-әрекетінің теориялық негіздерін зерттейді. Менежменттің негізінде мектепті басқару принциптері. Мектептің тәжірибелік іс-әрекетін менежментті өндірудің тиімділігін қарастырады.

Пәннің оқыту бағдарламасында ауыл шаруашылығы салаларын ұйымдастырудың жалпы мәселелері, мал азығын дайындау және сақтау, топырақтану және егіншілік негіздері, топырақты негізгі және тұқым себу алдында өңдеу технологиясы, дәнді дақылдарды өсіру технологиясы мен жинауға арналған ауылшаруашылық техникалары бойынша материалдар беріледі.

Инклюзивті білім беру оқыту процесінде балаға жеке көмек көрсету мен психологиялық-педагогикалық қолдауды қамтамасыз етеді, жалпы білім беретін мектепте мүмкіндігі шектеулі балаларға кедергісіз білім алуға ғана емес, баланың психофизикалық мүмкіндігін ескере отырып оқу-тәрбие процесің ұйымдастыру болып табылады.

Пәннің мақсаты болашақ мамандарды қазіргі замандағы өндіріс саласы және өндіріс саласының технологиялары туралы, өндіріс саласында атқаратын адам еңбектері, өндіріс саласының негізгі шикізат өнімдерін дайындаудың технологиясымен таныс етіледі.

Оқу қызметіндегі педагогикалық өлшеу және бағалау пәні жоғары оқу орны студенттеріне білім беру квалиметриясының теориялық негіздерін, дидактикалық тестілеудің классикалық әдістерін, оқуды меңгерудегі табыстарын, білім нәтижесін, оған қол жеткізудің жолдары мен тәсілдерімен байланыстыра отырып қарастырады және білім беру жүйесінің әр деңгейінде білім алушылар даярлығының сапасы туралы объективті ақпарат беруді қамтамасыз етуді көздейді.

«Сәндік қолданбалы өнер» пәнінің мақсаты мен міндеттері. Сәндік қолданбалы өнер жөнінде жалпы мәліметтер. Қазақтың ою-өрнек композициясын құрастыру ерекшеліктері. Ұлттық нақышта сыйлықтық бұйымдар әзірлеу және басқада шығармашылық тапсырмалар орындау барысы.

Педагогикалық шеберлік және оның тәрбиедегі мәні. Педаго- гикалық техника педагогикалық шеберлік элементі ретінде. Мұға- лімнің іс-әрекет шеңберіндегі ролі. Педагогикалық қарым-қатынас шеберлігі. Мұғалімнің оқу-тәрбие процесін басқарудағы шеберлігі.

Кәсіби бағдар берудің мазмұны, формалары мен принциптері, бастауыш, орта сынып, жоғары сыныпта, сабақтан тыс уақытта жүргізілетін кәсіптік бағдар мазмұны ашып.

Тігін бұйымдарының конструкциялық материалдары жайында, оның ішінде: талшықтардың жіктелінуі, алыну жолдары, қасиеттері,мата ассортименттері,жасанды былғары, жылытқыш материалдарға жататын жасанды мех, қосарланған материалдар, үлпектік материалдар, тігін жіптері, сәндік және төсемдік материалдардың түрлері, талшықтық құрамы, қасиеттері, қолданылуы жайындағы теориялық мәліметтер қарастырылады.

Пәнді оқыту барысында технология пәнін оқыту формаларымен әдіс-тәсілдерімен таныс етіп, бүгінгі таңдағы білім беру жүйесіндегі әлеуметтік және экономикалық жағдайларда еңбекке дайындауға қажетті білім, іскерлік және дағдысын қалыптастырады.

Кәсіптік оқыту мамандығы студенттеріне «Оқушылардың бейіндік оқытуын ұйымдастыру» пәні жаңадан енгізілген үлгі оқу бағдарламасы бойынша қазақстандық мектептердің 12 жылдық білім беру жағдайына көшуіне орай білім беру мазмұнын қайта жаңғыртуға байланысты оқу үдерісін ұйымдастырудың әдістері мен құралдарын жетілдіру мақсатында өтіледі.

«Кәсіптік оқыту әдістемесі» пәнінің мақсаты мен міндеттері. Оқытушыларды дайындау ерекшеліктері, педагогикалық білім берудің мазмұнын жетілдіру, кәсіптік пәндерді оқыту формасымен, әдіс-тәсілдерімен, принциптерімен таныстыра отырып, олардың кәсіби шеберлігін арттыру мәселесі қарастырылады.

Білім беру мәнінің жаңа бағытына сәйкес көркем еңбек технологиясының теориясы мен практикасы пәнінің мақсаты – еңбек іс-әрекеті арқылы білімгерлердіңжеке тұлғасын шығармашылық қабілетін дамыту деп айқындалады. Оқушылардың технологиялық даярлығын жүзеге асыратын оқу пәні ретінде жаңа сипаттамаға ие болады. «Көркем еңбек технологиясы» бөлімінде қолданбалы қолөнер негізінде бұйымдарды жасап безендіреді. Бұйымдарды көркемдеп безендіру үшін ою өрнек үлгілерін қолдана отырып, эстетикалық жүйеде, безендіруге, әшекейлеуге үйренеді.

«Тігін материалдарын көркем сәндеу» пәнін оқыту мақсаты Киімдегі ритмдік заңдылықтарымен таныстыру. Киімді сәндеп тігуде түр-түстеріне жалпы түсінік беру. Әйел киімін көркем жобалау ерекшеліктері мен жұмыс жасау.

Оқу шеберханасының практикумы пән бойынша оқу үрдісін үйымдастыруды оқу материалдық базасына сай студенттерге медициналық киім түрлерін (чепчик, шалбар, футболка) тігуден тұрады

Көркем шығармашылық негіздерін оқыту барысында студенттердің эстетикалық талғамы мен шығармашылық қабілеттіліктерінің қалыптасуы, оқушыларды шығармашылық еңбекке тарту, оқушыларды еңбек обектілерін үлгілеу мен макеттеуге оқыту.

Пән бағдарламасының мазмұны жалпы білім беретін орта мектептерде өтілетін пәндерді оқытудың жаңа технологияларымен байланыстырып өтудің әдістемелік жолдарын оқытады.

Қазақ халықының кесте тоқу өнерi. Қазақстандағы кесте тоқу тарихина шолу. Кесте түрлерi. Кесте тоқу технологиясының ерекшеліктері. Кесте тоқуда қолданылатын жіп пен құрал жабдықтар. Кесте тоқуда қолданылатын ою-өрнектер.

Пән бағдарламасының мазмұны жалпы білім беретін орта мектептерде өтілетін пәндерді оқытудың жаңа технологияларымен байланыстырып өтудің әдістемелік жолдарын оқытады.

Оқу үрдісін ұйымдастырудың білім беру және материалдық-техникалық базасына сәйкес пайдаланылатын материалдар, (гафри, стикер қағаздарынан) гүлдер жасау технологиясын үйрету

Кәсіби бағдар берудің мазмұны, формалары мен принциптері, бастауыш, орта сынып, жоғары сыныпта, сабақтан тыс уақытта жүргізілетін кәсіптік бағдар мазмұны ашылады

Пәннің оқыту бағдарламасында техникалық сызбалардағы кескіндер, геометриялық денелердің проекциялары, механикалық берілістерді кескіндеу және белгілеу, бұйымдардың құрастырылған сызбалары және суреттің техникасы - перспектива туралы материалдар беріледі.

Қазіргі кезең сән және киім стиліне, сұлба және қазіргі киімнің сәнді бағыттарына сипаттама. Костюм композициясы заңдылықтары мен принциптері. Түстік гамма. Сәндік элементтер. Әлемдік және отандық дизайнерлер. Қазақстандық сәнгерлердің авторлық киім топтамалары.

Дұрыс тамақтану негіздері. Көкөністерді кесу түрлері. Механикалық және жылулық өңдеу түрлері. Жартылай фабрикаттар дайындау. Ұннан жасалатын тағамдар

Тігін технологиясы негіздері пәні бойынша конструкциялық ойлау қабілетін дамытып, бұйымдардың сызбасын сызуға қажетті өлшемдерді алуға, сызбаны есептеп құрастыруға, оларды тәжірибеде қолдану

Тоқыма бұйымдарды көркем безендіру түрлері. Тоқыма материалдарды қөркем өңдеу, безендіру түрлері. Тоқыма материалдарды қөркем өңдеу әдістері (макраме, қол және машина кестелері, аппликация және т.б. техникалары).

«Бейнелеу сауаттылығы» пәні эстетикалық білімнің негізін құрайды. Осы пәнді оқып, үйрену арқылы студенттерге өмір мен өнердегі әсемдігін эстетикалық мәдениетін дамыту арқылы тани білуге көмектесу. Дүние жүзі мен ұлттық бейнелеу өнерінің мысалында көркемдік талғамын қалыптастыру болып табылады.

«Оқушылардың техникалық шығармашылығы» пәнінің мақсаты мен міндеттері. Өндірістегі ғылыми-техникалық шығармашылық, ғылыми-техникалық шығармашылықтағы жастардың қатынасу формалары, негізгі бағыттары және ерекшеліктері туралы қарастырылады.

Мамандықтың болашақ мамандарына бұйым беттерін әшекейлеу жұмыстарының қырсырын теориялық-практикалық білімдермен қаруландыру

Дұрыс тамақтану негіздері. Қазақтың ұлттық тағамдары, олардың денсаулыққа әсері, дайындау технологиясы.

Білімін қолдану: -білімін және дағдыларын тәжірибе жүзінде қолданады

Ақпаратты сыни ойлау арқылы басқару: - ақпараттың артықшылықтары мен кемшіліктерін жазып көрсетед; - конструктивті ойлайды, өзінің көзқарасын идеяларға жүгіну негізінде дәлелдейді; - өзіндік тұжырым қалыптастыру үшін әртүрлі көзқарастарды мақсатты түрде зерттейді;

Ақпараттық коммуникациялық технологияларды қолдану: - заманауи ақпараттық технология түрлерін қолдануды жазып көрсетеді; - АКТ құралдарын өзінің кәсіби іс-әрекетіне сәйкес дәлдікпен басқарады; - АКТ құралдарын қолдануда ұқыптылық қатынаста болуды түсінеді және көрсетеді;

Өзін-өзі дамыту: - кәсіби және тұлғалық тұрғыдан өсуге ұмтылады;

Өзін-өзі ұйымдастыру: - өз уақытын тиімді ұйымдастырады, пайдаланады; - өзінің әрекетінде жауапкершілікті сезінеді, техникалық қауіпсіздік ережелерін сақтайды, қоршаған ортаны қорғауда белсенділік танытады;

Топта жұмыс жасау: - командада өз ойын нақты жеткізеді, жаңа шешімдерді нәтижеге сәйкес ұсынады; - топта жұмыс істеуге қабілетті, өз пікірін ұжым пікірімен ұштастыра біледі, қақтығыстарды шешуде өз көзқарасы мен идеалдарын жақтауда жоғары сенім көрсетеді;

Этика және құндылықтар: - қоғамдық нормаларға негізделетін әлеуметтік-этикалық құндылықтарды түсіндіреді; - кәсіптік қызметінде дәлдікпен қолданады; - өзге халықтардың мәдениетіне толерантты;

Қоғам және кәсіби ортада коммуникативті дағдыларды қолдану: - ауызша және жазбаша сөйлеу әрекеттерін жүйелі, сауатты, дәлелді және нақты түрде білім беру мақсаттарында қолданады; - конструкциялық диалог ауқымындағы іскерліктері мен дағдыларын нұсқауларға сәйкес жүзеге асырады; - көпмәдениетті, көпэтикалы, көпконфессионалды қоғамдағы қарым-қатынас, педагогикалық ынтымақтастыққа қабілетті және толерантты;

Педагогикалық әдіснама: - педагогикалық процестің ерекшеліктерін біледі; - оқу-тәрбие үдерісін жоспарлай алады; - білім беру барысында заманауи әдіс-тәсілдерді қолданады;

Кәсіби маманның педагогикалық шеберлігі: - жаңашылдыққа қабілетті болады; - педагогикалық шеберлікті жетілдіруге ұмтылады; - ынталылығы мен еңбекқорлығын көрсете білуге қабілетті;

Өндірістік – оқыту қызметін ұйымдастыру: - оқыту шеберханаларында технологиялық процестерді бақылауға үйренеді; - өндіріс негіздерін ұйымдастыруға қабілеттілігін көрсетеді;