7M04201 Құқықтану в Сәрсен Аманжолов атындағы Шығыс Қазақстан мемлекеттік университеті

Пән құқық туралы дауларды реттеудің баламалы тәсілі ретінде соттан тыс медиацияның теориялық және практикалық сұрақтары мен мәселелерін зерттеуге, сондай-ақ бітімгерлік рәсімдерді дамыту, субъективті құқықтарды қорғаудың соттан тыс нысандары, медиация, делдалдық және т. б. саласында заманауи іргелі білімді қалыптастыруға; медиативтік рәсімдер бойынша құжаттарды (медиация тәртібі мен дауларды реттеу туралы келісімдер, медиацияны жүргізу туралы шарттар) құрастыру дағдыларын дамыту; медиативтік рәсімдерді жасау кезінде материалдық және іс жүргізу заңнамасының нормаларын түсіндіре және қолдана білуді үйретуге бағытталған.

Пән міндеттемелік қатынастарды құқықтық реттеу туралы, зиянды өтеу түсінігі мен шарттары, зиянды өтеу тәртібі, деликтілік міндеттемелер саласындағы сот және өзге де құқық қолдану тәжірибесін қорыту дағдыларын қалыптастыруға бағытталған.

Пән қылмыстық және қылмыстық іс жүргізу заңнамасының құқық қолдану тәжірибесінің проблемалық мәселелері туралы теориялық білім жүйесін қалыптастыруға, ғылыми-зерттеу қызметінің дағдыларын дарытуға, сондай-ақ саяси-құқықтық жүйенің қазіргі даму тенденциялары контекстінде қылмыстық, қылмыстық іс жүргізу құқықтық мәселелерін өзектілендіруге бағытталған.

Пән қылмыс пен басқа да құқық бұзушылықтарды анықтау, бұлтартпау, ашу және тергеу үшін қажетті қылмысқа қарсы күресте халықаралық ынтымақтастықты құқықтық регламенттеуге қатысты жалпы теориялық білімді, іскерлікті және дағдыларды қалыптастыруға бағытталған.

Пән азаматтық істер бойынша соттарда сот төрелігін жүзеге асыру кезінде туындайтын қоғамдық қатынастарды реттейтін, сондай-ақ азаматтардың, заңды тұлғалардың және мемлекеттің бұзылған немесе даулы құқықтарын, бостандықтары мен заңды мүдделерін қорғау және қалпына келтіру тәртібін реттейтін құқық нормаларын зерттеуге бағытталған; азаматтық сот ісін жүргізуді одан әрі дамыту мақсатында ұсыныстарды әзірлеу, талдау үшін отандық, шетелдік зерттеушілердің құқықтық санаттарын, ғылыми көзқарастары мен тұжырымдамаларын қарау, сондай-ақ азаматтық іс жүргізу заңнамасы мен оны қолдану жөніндегі сот тәжірибесін зерттеуге бағытталған.

Пән азаматтық және азаматтық іс жүргізу заңнамасының теориясының мәселелерін, сондай-ақ Қазақстан Республикасында қолданыстағы азаматтық заңнаманы қолдану практикасын зерделеуге; салыстырмалы талдау үшін отандық, шетелдік азаматтық құқық пен жеке құқықтың қазіргі мәселелерін, аналитикалық көзқарастарын қарастыру, азаматтық және азаматтық іс жүргізу құқығын одан әрі дамыту мақсатында ұсыныстар, ұсынымдар әзірлеу; құзыретті соттар мен және ҚР-ғы субъективті құқықтарды қорғаудың соттан тыс нысандары мен азаматтық және азаматтық іс жүргізу заңнамасын қолдану мәселелерін зерттеуге бағытталған.

Пән құқық саласында ғылыми зерттеулер жүргізу дағдыларын қалыптастыруға және дамытуға; шығармашылық ғылыми потенциалын ашуға; нақты ғылыми зерттеулердің әдіснамасын әзірлеуге бағытталған.

Пән Қазақстан Республикасында және шет елдерде осы салада өзінің кәсіби міндеттерін жүзеге асыру кезінде, сондай-ақ қылмыстық жазаны орындайтын мекемелермен өзара іс-қимыл жасау барысында алған білімдерін табысты қолдану үшін қажетті қылмыстық-атқару құқықтық қатынастарын құқықтық реттеудің қазіргі заманғы үрдістерін игеруге бағытталған.

Пән салыстырмалы құқықтану туралы мазмұнды түсінік қалыптастыруға, оның маңызын теориялық және практикалық юриспруденция үшін түсінуге; мемлекеттердің ұлттық құқықтық жүйелерінің пайда болуы, дамуы және өзара іс-қимылы, олардың құқықтық отбасына бірігуі туралы; мемлекетаралық және халықаралық байланыстардың кеңеюі жағдайында осы процестердің ерекшеліктері туралы білімге бағытталған.

Курс білім алушыларды грамматиканы, лексикалық материалды, әртүрлі стильдегі мәтіндердің ерекшеліктерін (ресми-іскерлік, көркем, ғылыми-функционалдық), академиялық жазу нормаларын, оларды кәсіби және өзге де қызметте пайдалану мүмкіндіктерін оқу арқылы өзге тілді коммуникативтік құзыреттілікті қалыптастыруға бағытталған. Пән меңгерілген тілдік білім мен сөйлеу біліктерін; шет тіліндегі әдебиеттермен жұмыс істеу дағдыларын, сондай-ақ кәсіби қарым-қатынас, презентациялар, хабарламалармен және баяндамалармен сөз сөйлеу, кәсіби қарым-қатынас жасау үшін қажетті ауызша қарым-қатынас формаларының дағдыларын; кәсіби қарым-қатынас жасау үшін қажетті жазбаша дағдыларын (іскерлік хат, хабар, кәсіби бағыттағы мәтіндерді талдау және т.б.); қазіргі заманғы ақпараттық технологияларды пайдалана отырып, кәсіби саладағы коммуникативтік міндеттерді шешу дағдыларын жүйелендіруге мүмкіндік береді.

Пән кәсіби құқық шығармашылық, құқық қолдану, құқық қорғау, сараптамалық-кеңес беру, ұйымдастыру-басқару, қоғамдық билік органдарында, заң қызметтерінде, департаменттерде, әртүрлі заңдық бағыттағы бөлімдерде, конституциялық принциптер мен құндылықтар негізінде мемлекеттік мекемелер мен ұйымдарда, оның ішінде ғылыми мамандық мәселелері шеңберінде оқу орындары мен ғылыми-зерттеу мекемелерінде ғылыми-зерттеу және педагогикалық қызмет конституциялық құқықтық сананы басшылыққа ала отырып, кәсіби құқық шығармашылық, құқық қолдану, құқық қорғау, сараптамалық-кеңес беру, ұйымдастыру-басқару қызметтерін жүзеге асыру үшін қажетті білім мен дағды кешенін қалыптастыруға бағытталған.

Пән білім беру қабілетін қалыптастыруға және оларды меңгеруге басшылық етуге бағытталған. Бұл курс әдістемелік ой-өрісін кеңейтеді, педагогикалық практикаға дұрыс қарым-қатынасты қалыптастыруға көмектеседі, қоғамның әлеуметтік-экономикалық даму деңгейіне негізделген тәрбие және оқыту теориясы мен практикасын дамыту үрдісі туралы айқын түсінік береді.

Пән қылмыстық құқық ғылымында өзекті мәселелерді және Қазақстан Республикасының қылмыстық заңнамасын жетілдіру мәселелерін зерттеуге бағытталған.

Пән ғылыми-зерттеу қызметін ұйымдастыру әдістері мен әдістемесін зерттеуге, зерттелетін процесс шарттарын қалыптастыру ерекшеліктері туралы білімді тереңдетуге, зерттелетін проблеманың құрылымдық-мазмұндық теориялық моделін әзірлеуге, зерттеудің теориялық және эмпирикалық әдістері негізінде тәжірибелік-эксперименталдық қызметті жүзеге асыруға, жаңа теориялық және практикалық ғылыми нәтижелерді алуға бағытталған. Пәнді оқу сондай-ақ білім алушылардың академиялық сауаттылығын дамытуға, олардың форматтары, өлшемдері, жанрлары, академиялық жазу стилінің ерекшеліктері туралы білімдерін тереңдетуге ықпал етеді. Пәнді оқу нәтижесінде магистранттарда ғылыми, кәсіби, зерттеу мәтіндерін жазу, әртүрлі ақпарат көздерімен жұмыс істеу, практикалық міндеттерді шешуде зерттеу әдістерін қолдану, ғылыми-зерттеу жұмыстарының бағдарламаларын өз бетінше құру құзыреттілігі дамиды.

Пән келісім-шарт құқығының принциптері мен институттарын терең талдауға, келісім-шарт құрылымдарын қазіргі реттеудің тиімділігін және оның даму келешегін бағалауға, құқықтық нормалардың мәнін өз бетінше талдай білуді қалыптастыруға, келісім-шарт құқығының барлық көздерін пайдалануға, келісім-шарт құқығының нормаларын қолданудың қазіргі мәселелерін зерттеуге және оларды шешудің мүмкін жолдарын анықтауға, сонымен қатар келісім-шарт құқығының теориясы мен тәжірибесінің негізгі мәселелері бойынша ғылыми өріс жүргізудің тәжірибесін алуға бағытталған.

Пән жазалау баламаларын дамыту және қолдану мәселелерін зерттеуге, қазіргі қылмыстық және қылмыстық-атқару заңнамасын және қылмыстық әділет саласындағы халықаралық стандарттарды қолдану негізінде қоғамнан оқшаулаусыз жазаларды тағайындау және орындау ерекшеліктерін зерттеуге бағытталған.

Пән мемлекеттік-құқықтық құбылыстардың ғылыми-теориялық негіздерін, тарихи қозғалыс заңдылықтарын және мемлекет пен құқықтың қызмет етуін зерделеуге; мемлекет пен құқықтың ішкі өзара байланысы мен бірлігі туралы, құқықтың үстемдігі туралы, құқықтық Заң және құқықтық мемлекет туралы түсініктер мен тұжырымдамаларды меңгеру және тәжірибелік қолдануға бағытталған.

Пән қылмыстық істер бойынша өндіріс процесінде халықаралық нормалар мен принциптерді, құқық қорғау органдары мен соттардың қызметі мен ұйымдастырылуына ұсынымдарды қамтитын халықаралық принциптер мен нормаларды, қылмыстық сот ісін жүргізудің халықаралық принциптерін оқып-үйренуге бағытталған.

Пән қазіргі әлеуметтік және тұлғалық болмыстың маңызды факторы ретінде Ғылым туралы жүйелік түсініктерді қалыптастыруға, тарихи дамудың негізгі тенденциялары мен негіздеріне, ғылымды зерттеуде негізгі ғылыми мәселелер мен пікірталас мәселелеріне, қазіргі ғылыми танымның әдіснамалық негіздеріне бағытталған. Курста ғылымның қоғамдағы әлеуметтік, экономикалық, рухани процестерге ықпал ету мәселелері оқытылады.

Пән ұлттық және халықаралық деңгейде қалпына келтіру сот төрелігі саласындағы негізгі зерттеу бағыттарын тұжырымдау және түсіндіру қабілетін қалыптастыруға, қалпына келтіру сот төрелігі институттарын қолдануды кешенді зерттеуге және қылмыстық-құқықтық жанжалдарды шешудің баламалы құралдары ретінде әлеуметтік жұмыстарға бағытталған.

Пән студенттердің ғылыми заңды дүниетанымын қалыптастыруға, корпоративтік құқық нормаларын жүзеге асыру барысында қалыптасатын түрлі заңды жағдайларды талдай білуге бағытталған.

Пән магистранттардың педагогика мен педагогикалық шеберліктің теориялық негіздері туралы, жоғары мектепте оқыту үшін оқу-тәрбие үрдісін басқару туралы іргелі білім алуға; кәсіби қызметте заманауи педагогика принциптері, дәстүрлі және инновациялық формалары, жұмыс әдістері, жоғары мектептің педагогикалық міндеттерін шешуде әдістемелік тәсілдер туралы білімді қолдану қабілетін дамытуға, сонымен қатар жоғары кәсіби білім беру мәселелерін шешуге, оның әрі қарай даму перспективаларын анықтауға; адам туралы ғылым жүйесіндегі және педагогтың практикалық қызметіндегі жоғары мектеп педагогикасының орнын, рөлі мен маңызын түсіндіруге бағытталған.

Пән ҚР азаматтық заңнамасының теориялық негіздерін және тиісті құқық қолдану практикасының мәселелерін зерттеуге; азаматтық заңнаманың ерекшеліктерін және оның жүйесінің сипаттамаларын зерттеуге; азаматтық заңнаманың негіздерін қарастыру, олардың әрекеті қоғам мен мемлекеттің қызметін қамтамасыз етуге, тауар-ақша айналымы саласында жеке және заңды тұлғалар арасындағы өзара қарым-қатынасты қамтамасыз етуге; азаматтық заңнаманы жетілдіру үшін ұсыныстар, ұсынымдар әзірлеу мақсатында азаматтық заңнама, сондай-ақ нормативтік құқықтық актілер жүйелерін талдауға бағытталған.

Пән қазіргі басқару қызметінің психологиялық механизмдері және ұйымдардағы адамдардың мінез-құлқын басқару жүйесі туралы білімді қалыптастыруға бағытталған. Курс барысында магистранттар басқару психологиясын меңгереді, психологиялық жағдайларды талдауды жүзеге асырады, басқару ерекшеліктерін, психологиялық жағдайды диагностикалау мен болжауды, басқарудың ішкі жүйесінің өзгерістерін, бағынышты қызметтің бағдарламаларын қалыптастыруды, басқару қажеттіліктері мен қабілеттерін, диагностикалық құралдарды құру тәсілдерін, менеджерлерді оқытудың белсенді әдістерін әзірлеуді, консалтинг түрінде іс жүзінде іске асыруды зерделейді. Пән қоғамның қазіргі даму жағдайында басқару процесінің психологиялық мазмұнының теориялық-әдіснамалық негіздерін қалыптастырады.

Пән төрелік сот ісін жүргізу арқылы дауларды шешу мен байланысты құқықтық қатынастардың теориялық негіздерін зерттеуге; төреліктің құқықтық институтын, ұйымдастыру принциптерін, құрылу тәртібін, сондай-ақ төрелік қызметінің ұйымдастыру-құқықтық негіздерін қарастыру; құқық туралы дауларды дамытудың баламалы тәсілдерінің бірі ретінде төрелікті одан әрі дамыту мақсатында салыстырмалы талдау және ұсыныстар, ұсынымдар әзірлеу үшін ҚР және шетелдердің төрелік сот ісін жүргізу саласындағы нормативтік-құқықтық актілерді зерттеуге бағытталған.

Нормативтік-құқықтық актілері жобаларының заңды сараптамасын өткізуге

Заң пәндерін жоғары теориялық және әдістемелік денгейде оқытуға

Нормативтік құқықтық актілерді жасауға және талқылауға

Басқару мәні, басқарудың инновациялық технологиялары, әдістері мен құралдарының мәні жөніндегі білімдерін кәсіби қызметінде қолдануға

Жаңа ақпараттық-инновациялық технологияларды қолдана отырып заңтану саласында ғылыми зерттеулерді жүзеге асыруға

Заң қызметінің нақтылы салалары бойынша білікті заңды қорытындылар мен кеңестер беруге

Кәсіби қызметте басқару инновацияларын енгізу

Кәсіби қызметін тиімді жүзеге асыру және жетілдіру үшін қажетті психологиялық пен педагогикалық амалдар мен құралдарды қолдануға

Өзінің кәсіби міндеттерін адал ие болуға, заңгер этикасының қағидаларын орындауға

Кәсіби қызметінде материалдық және іс жүргізу құқығы нормаларын жүзеге асыруға

Кәсіби, қоғамдық және жеке өмірінде отаншылдық өмірлік мақсаттарын көрсетуге

Жемқорлық іс әрекеттерге төзбеушілік білдіруге, жеткілікті денгейдегі кәсіби құқықтық санаға ие болады