8D01504 Химия в Сәрсен Аманжолов атындағы Шығыс Қазақстан мемлекеттік университеті

Пән физикалық химия мен электрохимияны ғылым ретінде және оқу пәні ретінде оқыту әдістемесін, химияның осы бөлімдерін оқытудың білім беру функцияларын, химия ғылымындағы физхимия мен электрохимияның орнын, физикалық химияның мектептегі курсын қалыптастыруды, физикалық химияның орта және жоғары білім беру орындарына арналған курс құруды, мектептер, колледждер мен жоғары оқу орындары үшін оқулықтардағы химияның осы бөлімдерінің мазмұнын талдауды, физхимия және электрохимия оқытукезінде дидактикалық ұстанымдарды жүзеге асырудың әдістемелік аспектілерін, оқыту нәтижелерін бақылау әдістерін қарастырады.

Пән органикалық химиядағы ғылыми танымның логикасы мен әдіснамасын қалыптастыруға, органикалық қосылыстар, сонымен қатар пәннің қазіргі өзекті мәселелері саласындағы білімді кеңейтуге бағытталған.

Пән докторлық диссертацияны дайындау процесімен байланысты жүйелі білімді тереңдетуге бағытталған, атап айтқанда, зерттелетін мәселе шеңберіндегі теориялық мектептердің негізгі ережелерін талдау, ғылыми зерттеудің теориялық және әдіснамалық негіздерін іріктеу және жүйелеу, ғылыми зерттеу процесінің мәнін, ерекшеліктерін және логикасын қарастыру; өзінің ғылыми қызығушылықтары саласындағы аса маңызды мәселелер мен үдерістердің кешенді ғылыми әдістері негізінде сыни тұрғыдан түсіну; докторлық диссертацияны сәтті жазу үшін әртүрлі дереккөздерден ақпарат синтезі; зерттеу қызметін ұйымдастыру және оның нәтижелерін ғылыми мақалалар мен докторлық диссертация түрінде ресімдеу кезінде логикалық заңдарды, халықаралық ережелер мен стандарттарды қолдану. Пәнді оқу концепциялар, өлшемдер, ережелер, академиялық жазу стилінің ерекшеліктері және ғылыми-зерттеу қызметін ұйымдастыру тәсілдері туралы іргелі білім негізінде білім алушылардың зерттеу құзыреттілігі мен академиялық сауаттылығын дамытуға ықпал етеді.

Пәндер мектеп курсының оқу процесі негізінде жатқан нормативтік құжаттарды, химиялық білімнің жаңартылған мазмұнының ерекшеліктерін, жалпы және бейорганикалық химия бөлімдерін зерттеу әдістемесін талдауға, өтпелі тақырыптарды, функционалдық және жаратылыстану-ғылыми сауаттылықты қалыптастырудағы жалпы және бейорганикалық химияның бөлімдерінің рөлін зерделеуге бағытталған.

Пән зерттеудің физико - химиялық әдістері негізі болатын эксперименталды заңдылықтар, олардың қазіргі технологиялармен байланысы туралы білімді кеңейтуге, сонымен қатар докторанттарда физика-химиялық қасиеттердің өзгеру заңдылықтарын эксперименталды ғылыми анықтауды жүзеге асыруға және зерттеу жұмыстары аясында тиісті физико-химиялық шамалардың сандық есебін жүргізуге мүмкіндік беретін құзыреттіліктерді қалыптастыруға бағытталған.

Пән ғылыми зерттеулердің методологиясы мен әдістері, ғылыми-зерттеу жұмысының дағдылары, ғылыми-зерттеу үрдісінің құрылымы мен кезеңдерінің мазмұны туралы білімді қалыптастыруға бағытталған.

Пән эксперименталды есептерді, заттардың химиялық қасиеттері бойынша, тұздардың гидролизі бойынша, электролит ерітінділерінің электролизі бойынша, сандық талдау бойынша, қышқылдық-негізгі титрлеуге негізделген, тотығу-тотықсыздану титрлеуге негізделген, комплексонометриялық титрлеуге негізделген, стандартты және стандартты емес олимпиадалық есептерді шешу әдістемелерін жетілдіруге бағытталған.

Пән аналитикалық химияны ғылым ретінде, қазіргі аналитикалық химияның құрылымын, химиялық талдаудың мәні мен қолдану саласын, аналитикалық ғылымның әдіснамалық аспектілерін зерттеуге, сынамалар мен сынама дайындауды, нақты жүйедегі химиялық тепе-теңдікті, химиялық жүйелердің тепе-тең құрамын есептеуді, аналитикалық химияда қолданылатын химиялық реакциялардың негізгі түрлерін меңгеруге, аналитикалық химияның метрологиялық негіздерін, бүркемелеу, бөлу және концентрациялау әдістерін, классикалық талдау әдістерін зерделеуге бағытталған.

қазіргі заманғы үрдістерді, химия-педагогикалық білім берудің концепциялары мен технологияларын ескере отырып, дәстүрлі, off-line және on-line форматтарда жоғары мектеп дидактикасы саласында және арнайы салада білім интеграциясы негізінде жоғары оқу орны мен мектепте сабақтардың барлық түрлерін өткізу үшін тәлімгердің басшылығымен білім беру ұйымының миссиясы мен мақсаттарына сәйкес пәндердің ОӘК және авторлық курстарды әзірлеу;

дәстүрлі және қазіргі заманғы ақпараттық технологияларды пайдалана отырып, кәсіби қызмет үшін қажетті жаңа білімді өз бетінше алу;

студенттердің, магистранттардың, докторанттардың ғылыми зерттеулеріне жетекшілік ету, практикаға енгізу барысында әлеуметтік, экономикалық, экологиялық салдарлар контекстінде жүргізілетін ғылыми зерттеулердің нәтижелерін болжау;

оқушылар мен студенттерді химия бойынша түрлі деңгейдегі олимпиадаларға қатысуға дайындау;

зерттеудің бастапқы нәтижелерін әр түрлі деңгейдегі академиялық басылымдарда жариялай отырып, академиялық және кәсіби ортада ғылыми пікірталастарға қатысу;

Қазақстанның ұлттық басымдықтарын ескере отырып, білім беру және тәрбиелеу процесін құрастыру;