8D02212 Түркітану в Л.Н.Гумилев атындағы Еуразия ұлттық университеті

Түркі халықтары діни танымының мәдени-тарихи негіздерін терең меңгерту, діни жүйелер (шаманизм, тәңірлік, буддизм, манихейлік, нестериандық бағыттағы христиан, ислам) туралы ғылыми білімін жетілдіру, ғылыми талдаудың дағдылары мен тәсілдерін игерту

Ерте және кейінгі орта ғасырлардағы жазба ескерткіштерінде және түркі әдеби мәтіндерінде көрініс тапқан түркі халықтарының рухани құндылықтарын зерделеу

Түркологиялық ғылыми дәстүрге, зерттеу бағытына сәйкес эссе, ғылыми мақалаларды мазмұндық және құрылымдық тұрғыдан талдай білуге үйрету; өздігінен реферат, ғылыми мақала, диссертация, сондай-ақ рецензия, эссе дайындау дағдыларын игерту

Жүйелі-құрылымдық әдіснама аясында жазба ескерткіштер тілінің фонетикалық, морфемдік-деривациялық, лексикалық және грамматикалық жүйелерін зерттеу

Түркі халықтарының тілін, әдебиетін, тарихын, мәдениетін зерттеу үшін интегративті түркітанудың ғылыми әдіс-тәсілдерін үйрету; түркітанудағы лингвистикалық зерттеу парадималарының маңызын түсіндіру

Жазба ескерткіштердің тілдік жүйесі, лексикалық құрылымын игерту, ежелгі түркі тілінің қазіргі түркі тілдерімен байланысын, ежелгі түркі тілінің ішкі құрылымы, кейінгі кезеңдегі түркі тілдерімен байланысын сабақтастыра отырып түсіндіру

Түркі жазба ескерткіштерінің хронологиясы, таралу географиясы, жанры, тілі, жазу таңбаларының генезисі жайлы көзқарастарды талдау және жүйелеу

Қолданыстағы ғылыми әдістер мен тәсілдерді олардың зерттелетін объектіге сәйкестігі тұрғысынан бағалай білу; түркология саласындағы негізгі қағидалар мен ғылыми тұжырымдамаларды, лингвистикалық талдаудың принциптері мен әдістерін білу.

Түркі әдебиетінің негізгі даму тенденцияларын, әдеби шығармалар жанрларының типологиясын, жалпы сюжеттер мен мотивтерді, сондай-ақ түркі халықтарының әдебиетіндегі көркем бейнелеу құралдарының ерекшеліктерін меңгеру; түркі халықтарының дінінің алуан түрлі формаларын талдай білу.

Руна, ұйғыр, манихей, араб, армян-қыпшақ, шағатай графикаларымен жазылған түркі жазба ескерткіштерінің мәтіндерін тіл мен әдебиет, тарих және мәдениет тұрғысынан талдай білу.

Жазба ескерткіштердің құрылымдық байланысы мен тілдік жүйесін: графема белгілерінің мағыналарын, олардың дыбыстық және әріптік белгілерін, фонетикалық және фонологиялық заңдылықтарын, көне түркі сөзінің компоненттік құрамының көздерін, жазба ескерткіштер тілінің туынды потенциалын және ішкі грамматикалық заңдылықтарын білу.

Ғылыми дәстүрге, автордың зерттеу бағытына сәйкес эссе, ғылыми мақалаларды стилистикалық және композициялық тұрғыдан талдай білу; басылымдар мен электронды ресурстар бойынша библиографиялық сипаттама жасауды; өздігінен конспект, аннотация, реферат және ғылыми мақала, диссертация, монография, сондай-ақ рецензия, эссе дайындау дағдысын меңгеру.