6B02303 Филология (қазақ) в Семей қаласының Шәкәрім атындағы университеті

Пән мақсаты: тіл теориясы, тіл білімі тарихы мен әдіснамасы сияқты маңызды мәселелер бойынша және қазіргі кездегі өзекті ғылыми білімнің лингвистикалық парадигмаларымен таныстыру. Қарастырылатын мәселелер: Лингвистикалық бағыттар мен ғылыми парадигмалар, жалпы ғылыми түсініктер, қазіргі жалпы тіл білімінің қағидалары, әртүрлі ағымдардың, бағыттардың және мектептердің негізгі идеялары

Пән мақсаты: тіл білімінің негізгі ұғымдар жүйесімен және тілдік терминдермен таныстыру, тілдің құрылымдық, жүйелік, танымдық болмысы, мәні жайлы түсінікті қалыптастыру және тілдік талдау дағдыларын қалыптастыру. Қарастырылатын мәселелер:тілдің мәні, тілдің тарихи дамуы, тіл білімінің методологиялық негізі, қазақ тілі білімінің қалыптасу, даму кезеңдері

Экология және тіршілік қауіпсіздігі саласындағы принциптер мен негізгі әдістемелерді, құқық негіздері мен сыбайлас жемқорлыққа қарсы мәдениетті, экономиканы, кәсіпкерлік пен көшбасшылықты қамтитын интеграцияланған тәртіп. Нормативтік құқықтық актілерді қолдану ерекшеліктері. Экологиялық-құқықтық қатынастардың ерекшелігі, экологиялық-құқықтық қатынастар субъектілерінің құқықтары мен міндеттері.

Пән мақсаты: тіл біліміндегі іргелі зерттеулер, оның концепциялары мен теориялары, лингвистикалық зерттеулердегі заманауи ғылыми парадигмалардың принциптері, тілдің гносеологиялық (когнитивтік) функциясы туралы мәлімет беру. Қарастырылатын мәселелер: тіл біліміндегі іргелі бағыттар, олардың қол жеткен табыстары мен нәтижелері, қолданбалы сипаттағы зерттеулер, жаңа ғылыми бағыттардың, ағымдардың, көзқарастардың, түрлі ғылыми мектептердің ерекшеліктері

Бұл пәннің мазмұны Елбасы Н. Ә. Назарбаевтың өмірі мен шығармашылығын, Тәуелсіз Қазақстанның қалыптасуына бағытталған Елбасының инновациялық жобаларының құрылымын, "Бақорда", "Мәңгілік Ел", "Рухани жаңғыру" ұғымдарын жіктеуге және Елбасы жұмысының ғылыми және әдіснамалық маңыздылығын анықтауға бағытталған.

Пән мақсаты: қазіргі қазақ тілі дыбыс жүйесінің зерттелуі, тіл дыбыстарының құрамы мен ерекшеліктері, қазақ тілінің фонологиялық ерекшелігі, орфоэпия мен орфография мәселелері, қазақ тілінің фонетикалық даму заңдылықтары туралы жүйелі білім беру. Қарастырылатын мәселелер: тіл дыбыстары, сөздердің буындық құрылымы, дыбыс тіркесімі, буын, екпін, сөз просодикасы, интонация т.б.

Пән мақсаты: ауыз әдебиеті мұраларының көп қырлы табиғаты мен туу, таралу, сақталу ерекшеліктері, жанрлардың классификациясы, жанрлық түрлердің бөліну жолдары жайлы ұғым қалыптастыру. Қарастырылатын мәселелер: ауыз әдебиетінің әлеуметтік маңызы, фольклорлық ерекшеліктері, фольклор мен әдебиет, фольклор және жазба әдебиеті.

Пән мақсаты: морфеманың теориялық негіздері, морфтар жүйесі,қазақ тілінің сөзжасамы, лексика-грамматикалық сипаты, функциялық ерекшеліктері, грамматикалық нөльдік морфемат.б. ғылыми ұғымдармен таныстыру. Қарастырылатын мәселелер: сөздің морфологиялық құрылымы, түбір морфема және сөздің негізі және т.б.

Пән мақсаты: қазақ тілінің дамуы барысында қалыптасқан сөзжасам жүйесінің негізгі заңдылықтары мен тәсілдерін, сөзжасам ұғымының өзіне тән ерекшеліктерімен таныстыру. Қарастырылатын мәселелер: сөзжасамдық тәсілдер мен белгілер, сөзжасамдық ұялар, олардың құрамы және т.б сөзжасамға қатысты мєселелер

Пән мақсаты: түркі тілді халықтарға ортақ әдебиет пен ХV-ХVIII ғғ. қазақ әдебиеті тарихының мазмұнымен, осы кезең әдебиетін зерттеген ғалымдардың еңбектерімен таныстыру. Қарастырылатын мәселелер: ежелгі дәуірдегі көне түркі әдебиетіне ортақ әдеби-мәдени ескерткіштер, ХV-ХVIII ғасырлардағы ақын-жыраулар поэзиясы, жауынгерлік тақырып, Қазақ хандығының құрылуы, қазақтың төл әдебиетінің тууы, т.б. мағлұмат.

Пән мақсаты: Көне түркі әдебиетінің қазіргі қазақ халқының этникалық құрамына енген тайпалар мен ежелгі түркі ру-ұлыстарының бірге жасаған көркем сөз өнері екендігін түсіндіру, жыраулар поэзиясымен сабақтастық пен ерекшеліктерді айқындау. Қарастырылатын мәселелер: көне түркі әдебиетінің әдеби мұрасы, жыраулар шығармашылығы, олар жырлаған адамшылық, имандылық, қаһармандық тақырыптары, олардың қазақ әдебиетінде зерттелуі.

Пән мақсаты: ежелгі және Қазақ хандығы кезеңіндегі әдеби мұра тарихы мен олардың көркемдік ерекшеліктері, зерттелуі мен түркі халықтарына ортақтығы туралы мәлімет беру. Қарастырылатын мәселелер: «Күлтегін», «Құдадғу білік», «Даналық кітабы», «Бақырғани кітабы», «Рабғузи қиссалары», «Кодекс Куманикус» т.б. әдеби ескерткіштер пен хандық кезеңіндегі жауынгерлік тақырып.

Пән мақсаты: сөздердің, күрделі сөздердің мағынасы мен шығу төркіні, лексикологияның салалары, сөздік құрам жайында және қазақ лексикографиясының тарихы, теориясы жайлы мағлұмат беру. Қарастырылатын мәселелер: қазіргі қазақ тілінің лексикологиясының қазіргі жай-күйі және тарихи даму үдерістері, лексикология салалары, сөздің лексикалық мағыналарының түрлері, қазақ тілінің лексикографиясы туралы

Пән мақсаты: қазіргі қазақ тілінің сөзжасамы мен морфологиясының негізгі тұжырымдарымен, даму тарихымен, грамматикалық мағыналар мен олардың берілу жолдарымен, амал-тәсілдермен және грамматикалық категориялармен таныстыру. Қарастырылатын мәселелер: қазіргі қазақ тілінің сөзжасамы мен морфологиялық құрылысының теориялық негіздері, сөздердің морфологиялық құрылымы, негізгі грамматикалық ұғымдар, тілдің сөзжасам жүйесі, сөзжасамдық бірліктер, заңдылықтар, амал-тәсілдер

Пән мақсаты: әдебиет теориясының негізгі ұғымдары мен теорияларын, әдеби-теориялық терминдерді, әдеби үдерістерді, әдебиеттің жанрларын, көркемдік әдістер мен бағыттарды, ағымдар мен стиль мәселелері туралы түсініктерді игерту. Қарастырылатын мәселелер: сөз өнері, әдебиеттің жанрлары, әдеби процесс, ағымдар мен бағыттар.

Пән мақсаты: қазақ тілінің эволюциялық даму жолдары жайлы және жаңа қазақ жазуымен, жаңа әліпбиге негізделіп жасалған орфографиялық және орфоэпиялық ережелермен таныстыру. Қарастырылатын мәселелер: жаңа ұлттық әліпбиге көшудің маңыздылығы мен оны үйренудің негізгі себептерін түсіндіру, латын графикалы әліпби және жаңа орфографикалық жүйедегі жаңалықтар

Пән мақсаты: Пайдаланылатын ЭББР-ды оның мақсаттылығы, ғылыми және әдістемелік мазмұны тұрғысынан талдай білу; пәндік аумақ бойынша электронды оқыту құралдары мен Интернет-ресурстарға баға беру. Қарастырылатын мәселелер: Қоғамның ақпараттық ресурстары. Ғаламдық ақпараттық орта ресурстарымен өзара іс-қимыл формалары мен құралдары. Қашықтық технологияларды қолданудың негізгі бағыттары. Электрондық білім беру ресурсының (ЭББР) ұғымы. ЭББР жіктелуі.

Пән мақсаты: Зар заман кезеңінде өмір сүріп, отарлық езгідегі халықтың тағдырын жырлаған Д.Бабатайұлы, Ш.Қанайұлы, М.Мөңкеұлы, Ә.Кердері, А.Асан т.б. ақындар мен ХХ ғасыр басындағы қаламгерлердің шығармашылық мұрасымен таныстыру. Қарастырылатын мәселелер: М.Әуезов т.б. зерттеушілердің Зар заман ақындарына қатысты зерттеулері, ХХ ғасыр басындағы проза, лирика, драматургиядағы тақырып тереңдігі, проблематикасы мен табыстары.

Пән мақсаты: кириллицаға негізделген қазақ әліпбиі мен латынграфикалы әліпбилерге негізделген емле ережелерін салыстыру арқылы жаңа жазу жүйесін меңгерту. Қарастырылатын мәселелер: латынграфикалы әліпбидегі графемалардың сипаттамасы, емле ережелеріндегі өзгерістер, орфографиялық принциптер мен жазуға қатысты басқа да ұғымдар.

Пән мақсаты: қазақ жазуының орфографиялық жүйесіндегі ең маңызды теориялық мәселелерді қарастырып, жаңа емле ережелерін қолдану дағдысын қалыптастыру. Қарастырылатын мәселелер: жаңа емле ережелері

Пән мақсаты: Отарлық езгіге қарсы туған азаттық танымды бейнелейтін шығармаларды талдау, әлем әдебиетінің озық үлгілерін ұлт жадына сіңіруге еңбек еткен, сөз өнерін ағартушылық бағытта өрістеткен қаламгерлердің әдеби мұрасымен танысу. Қарастырылатын мәселелер: осы кезеңдегі әдебиеттің мәні мен мазмұны, өзара сабақтастығы. Әдеби бағыт, ағымдар, жанрлары мен түрлері, көркемдік дамуы мен поэтикалық өрнектері.

Пән мақсаты: ХІХ ғасыр мен ХХ ғасыр басындағы әдебиеттің дамуы, кезеңдері, осы кезең әдебиетінің көрнекті қаламгерлерінің өмірбаяны, шығармашылық ізденістері, олар туралы іргелі зерттеулер мен еңбектер туралы мағлұмат беру. Қарастырылатын мәселелер: көрнекті қаламгерлердің әдебиеттің дамуына қосқан үлесі, қазақ прозасының жанрлық байлығы мен стильдік көпқырлығы, жаңа ізденістер мен табыстар.

Пән мақсаты: сөз тұлғалардың бір-бірімен байланысу заңдары мен амалдары, сөз тіркесі мен жай сөйлем, олардың құрамы мен түрлері туралы мəліметтермен таныстыру. Қарастырылатын мәселелер: жай сөйлемнің мағыналық, құрылымдық, айтылу мақсатына қарай түрлері, жай сөйлемнің күрделену жолдары, сөз тіркесі, оның түрлері, сөйлем мүшелері

Пән мақсаты: Шетел әдебиеті дамуының заңдылықтарын, туындылардығы көркемдік ерекшеліктерді әлемдегі қоғамдық-әлеуметтік сипаттармен байланыста қарастыру. Қарастырылатын мәселелер: Ежелгі грек әдебиетінің ерекшелігі. Рыцарьлық әдебиет жанры. Рим прозасы. XVII ғасыр поэзиясындағы рококо стилінің пайда болуы. ХІХ ғасырдағы батыс әдебиетіндегі романтизм. Шығыс әдебиетінің өзіндік ерекшеліктері. Түркі тілдес халықтарының әдебиеті. Қазіргі кезеңдегі әдеби ағымдар, бағыттар.

Пән мақсаты: Ұлы отан соғысы және соғыстан кейінгі жылдардағы қазақ әдебиетінің тарихы (1940-1960) әдеби процесс пен әдебиеттану ғылымының қол жеткізген бүгінгі табыстары негізінде тиянақты білім беру. Қарастырылатын мәселелер: 1940-60 жылдар аралығындағы әдебиеттің даму жайы, жаңа дәуір әдебиетінің негізін салушылар мен Алаш арыстары шығармашылықтарының әдебиетте алар орны

Пән мақсаты: Әлем әдебиеті процестерінің заңдылығын түсініп, шығармалардың көркемдік маңызын қоғамдық жағдайлармен, замандардың мәдениетімен байланыста қарастыру. Қарастырылатын мәселелер: ежелгі Грекия, Рим мәдениетінің әлемдік өркениеттегі орны. «Одиссея» эпопеясы. Грек лирикасы, драмасы, комедиясының кезеңдері. Рим прозасы, Овидий шығармашылығы. Еуропа әдебиетіндегі қайта өрлеу дәуірі, Фр.Петрарка, Дж.Боккаччо. М.Сервантестің «Дон Кихот» романы т.б.

Пән мақсаты: Көркемдік дамудағы жалғастық пен жаңашылдықты ескере отырып, Тәуелсіздік жылдардағы қазақ поэзиясын идеялық, жанрлық, әдеби көркемдік тұрғыда талдату арқылы студенттерді әдеби туындыны саралай білуге баулу. Қарастырылатын мәселелер: Ж.Сәрсек, Т.Көпбаев, А.Елгезек, Б.Алдияр, Б Бабаш, А.Арыстанбек, Е.Жүніс, Т. Толқынқызы, Қ. Омар, М.Райымбекұлы, Б.Айтболатұлы, Б.Беделханұлы т.б. поэзиясындағы жаңашылдық пен еркіндік.

Пән мақсаты: стилистика ғылымының теориялық негіздерімен, қазақ әдеби тілінің стилистикалық құралдарымен таныстыру. Білім алушыларға стилистикалық норманы меңгерту, басқа да тілдік тұлғалардың қолданылуына қарай туындайтын мағыналық реңктерін, стильдік қырларын ажырата білуге үйрету. Қарастырылатын мәселелер: стилистиканың негізгі ұғымдары мен категориялары, стилистикалық құралдар және әдеби тілдің функционалды стильдік тармақтары.

Пән мақсаты: тілдің қызметі және оның өмір сүру формалары, синтаксис ғылымының өзекті мәселелері, сөйлем және сөз тіркесі құрамындағы сөздің айтылуы мен жазылуы, күнделікті қарым-қатынастағы көрінісі, мәні мен сипаты, ерекшеліктері туралы түсінік беру. Қарастырылатын мәселелер: сөйлем, оның құрылымдары, сөз тіркестері, сөйлеу және жазудың маңызы, арақатынасы, тілдегі орны.

Пән мақсаты: Қазіргі қазақ тіліндегі құрмалас сөйлемнің құрылымдық белгілерін таныту, сол белгілеріне сай топтаудың методологиялық принциптерін игерту. Қарастырылатын мәселелер: құрмалас сөйлемнің грамматикалық, семантикалық сипаты, құрмалас сөйлемдердің салалас, сабақтас болып топтасу принципі, көп компонентті сөйлемдер. Құрмалас сөйлем мен жай сөйлем жүйесінің құрылымдық, функционалдық қарым-қатынасын зерделеу.

Пән мақсаты: күрделі сөйлем синтаксисінің теориялық мәселелерін, күрделі сөйлемнің синтаксистік құрылымын (және синтаксистің басқа бірліктерін); синтаксистің даму жолдарын зерттеу. Қарастырылатын мәселелер: синтаксис жүйе мәселелері, құрмалас сөйлемнің табиғаты, құрмалас сөйлемнің жасалу тәсілдері мен жолдары.

Пән мақсаты: қазіргі қазақ әдебиетінің қалыптасып, дамуы жайлы, тәуелсіздік тұсында туған шығармалардың өзіндік ерекшеліктері туралы терең білім беру. Қарастырылатын мәселелер: тәуелсіздік алған жылдардан бергі қазақ әдебиетінің дамуы, қазақ поэзиясында ұлттық сипаттың тереңдеуі, ақындар шығармашылығындағы тәуелсіздік тақырыбы, поэзия мен прозадағы, драматургиядағы ізденістер, жаңашыл әдебиеттану.

Пән мақсаты: қазақ әдеби тілінің стилистикасы мен сөйлеу мәдениеті туралы өзара тығыз байланысты мәселелер бойынша мағлұмат беру. Қарастырылатын мәселелер: тіл мәдениетіндегі коммуникативтік мақсат, сөз стратегиясы, тактикасы, амалдары, тіл мәдениетіндегі орфоэпиялық норма, орфографиялық норма, этикет формулалары, тілдесу этикасы, тілдесу жанрлары, сөзбен әсер ету тәсілдері.

Пән мақсаты: Тәуелсіздік кезеңіндегі қазақ әдебиеті қол жеткізген бүгінгі табыстары, жаңашылдығы туралы студенттерге толық білім беру. Қарастырылатын мәселелер: Қазіргі қазақ сатирасы, қазіргі қазақ романдары, қазіргі қазақ повестері, қазіргі қазақ әңгімелері, деректі проза, қазіргі қазақ драматургиясы, қазіргі қазақ лирикасы, қазақтың философиялық лирикасы, қазіргі қазақ поэмалары, қазіргі қазақ сыны.

Пән мақсаты: Абай поэтикалық мектебінің ерекшеліктерін зерттеу: тақырыптың кең көлемділігін, көркемдік тәсілдерді, шығармашылық көздерін, жанрлық әртүрлілікті зерттеу. Қарастырылатын мәселелер: Абайдың поэзиялық мектебі, шығармашылық орта, ақынның ақын шәкірттерінің шығармашылықтары

Пән мақсаты: мәдениетаралық қарым-қатынас теориясы мен практикасы және аударма мәселелері, мәдениетаралық қарым-қатынас зерттеулеріндегі психологиялық, социологиялық және лингвистикалық бағыттар жайлы мағлұматтар беру. Қарастырылатын мәселелер: коммуникация және тілдік қарым-қатынас, аудармашының тілдік қарым-қатынасының мәдениеті, аудармашының мәдениетаралық қарым-қатынас жасау кезіндегі вербалды және вербалды емес құралдардың өзара әрекеттестігі.

Пән мақсаты: Абайдың Шығыс ойшылдарымен, батыс әдебиетімен, орыс әдебиетімен, Абай шығармашылығын қоректендіретін әдеби үлгілермен; Абайдың шығармашылық мұрасын сақтайтын кітапханалармен байланысын зерттеу Қарастырылатын мәселелер: Абайдың дүниетанымын қалыптастыру көздері: Шығыс мәдениеті, батыс мәдениеті, орыс мәдениеті; Абайдың ақындық кітапханасының жағдайы

Пән мақсаты: қазақ әдеби тіл тарихындағы стильдердің пайда болуын қайта қарау, көркем әдебиет тілін лингвистикалық поэтикамен байланыста зерттеу, мәтін стилистикасының құрылымы тәрізді өзекті мәселелерді игерту. Қарастырылатын мәселелер: қазақ тілі стилистикасының жалпы мәселелері, қазақ тілінің практикалық стилистикасы, мәтін стилистикасы.

Пән мақсаты: Әлемдік әдебиеттің ХХІ ғасырдағы даму заңдылықтарын, оған әсер етуші факторларды анықтау. Қарастырылатын мәселелер: Франция әдебиеті. Роман жанрының модификациясы. Қазіргі кездегі ағылшын әдебиеті және Питер Акроид шығармашылығы. Мартин Эмись шығармаларындағы қазіргі кезеңдегі қоғам құбылыстары. Америка әдебиетіндегі жаңа бағыттар. Ғылыми фантастика жанрының америка әдебиетінде даму тарихы. Германия әдебиетіндегі «ұрпақтар» мәселесі.

Пән мақсаты: аударма теориясы мен практикасының қалыптасуы мен даму тарихымен, аударма теориясының түрлерімен, оның негізгі бағыттарымен, аударманың қоғамдық мәні, және аудармашылық іс-әрекеттермен таныстыру. Қарастырылатын мәселелер: аударма теориясының жалпы мәселелері, аударма процесінің психологиялық және лингвистикалық ерекшеліктері, аудармаға қойылатын талаптар және т.б.

Пән мақсаты: қазіргі аударма ісінің даму заңдылықтары, аударматану ғылымының теориялық мәселелері, аударма теориясының аспектілерін меңгерту. Қарастырылатын мәселелер: аударманың грамматикалық, лексикалық және стилистикалық ерекшеліктері, аударманың лексика – семантикалық мәселелері, фразеологизмдердің аудару мәселесі, аударма мәселелері және терминология және т.б.

Пән мақсаты: Абайдың өмір жолы мен шығармашылық, қоғамдық, философиялық, эстетикалық көзқарастары туралы түсінік беру; Абай шығармаларын оқып-үйрену; Абайтанудың негізін қалаушылардың еңбектерімен таныстыру. Қарастырылатын мәселелер: ақынның шығармашылығы, шығыс, батыс әдебиеттерінің Абай поэзиясына әсері, Абай шығармаларының зерттелуі; Абай шығармашылығы туралы зерттеу әдебиеттерін зерттеу

Пән мақсаты: 1960-2000 жылдардағы әдебиеттің эстетикалық, саяси- әлеуметтік дамуын қарастыра отырып, осы кезеңдегі қаламгерлер шығармашылығының өзіндік сипаттарын таныту, көркемдік ерекшеліктерін айқындау. Қарастырылатын мәселелер: 1960-2000 жылдардағы қазақ проза жанрының тақырыптық тенденциялары, поэзияның жаңа көркемдік белестері, драматургияның дамуы, әдеби сын мен әдебиеттану ғылымының жаңашылдық қырлары.

Пән мақсаты: қазақ әдебиетінің тарихындағы маңызды кезең – ХХ ғасырдың 60 жылдарынан кейінгі әдеби процесс пен әдебиет тарихы қол жеткізген табыстары негізінде әдебиет дамуын көрсету. Қарастырылатын мәселелер: ХХ ғасырдың 60 жылдарынан кейінгі қазақ әдебиетінің дамуы, тарих пен әдебиет сабақтастығы, әдебиеттегі тарихи шындық, осы кезеңдердегі әдебиет өкілдерінің шығармалары.

Пән мақсаты: тіл құралын баспасөзде, телевизия мен радио материалдарында орынды да сауатты қолдана білу шеберлігіне үйрету, публицистикалық жанрлардың тілі мен стилі туралы тиянақты білім беру. Қарастырылатын мәселелер: газет, телевизия-радио жанрларының тілі мен стилі, оған қойылатын талаптар, акпарат жанрының тілдік ерекшеліктері, баспасөздегі тіл мәдениеті мәселелері.

Пән мақсаты: қолданбалы лингвистиканың негізгі бағыттары мен салалары жайлы, статистикалық лингвистика, машиналық аударма, ақпаратты автоматты тірде іздеу және т.б. жайлы мәліметтер беру. Қарастырылатын мәселелер: тілдің қолданылуындағы практикалық мәселелер, ғылыми терминологияны стандарттау, мәтін құру, мәтінді машинамен аудару.

Пән мақсаты: қазақ әдебиетін оқыту әдістемесінің методологиялық-теориялық негіздерін, оқыту тарихын, тиімді заманауи әдіс-тәсілдерін меңгерту, әдістеме саласындағы соны өзгерістермен таныстырып, оны тиімді қолданудың жолдарын үйрету. Қарастырылатын мәселелер: ғылыми-әдістемелік еңбектерді саралау, қазақ әдебиетін оқытудың амал-тәсілдері, көркем шығарманы жанрлық ерекшеліктеріне қарай оқыту, мұғалімнің жұмыс жоспарлары т.б.

Пән мақсаты: қазіргі қазақ мерзімді баспасөзіндегі медиа-мәтіннің прагматикалық әлеуетінің мәселелерін қарастыру,қазақ баспасөзіндегі әдеби тілдің қызметін кеңейтіп, тіл мәдениетін арттырудағы рөлін анықтау. БАҚ тілінің тазалығы, оның тіл нормаларын дұрыс қолдануға үйрету. Қарастырылатын мәселелер: прагматика және дискурс ұғымына берілген анықтамалар, қазіргі қазақ медиа-мəтінінің прагматикасы, қазақ баспасөзінің материалдары.

Пән мақсаты: қазақ тілін оқыту процесінің ерекшеліктерін теориялық және практикалық тұрғыдан меңгерту. Қазақ тілін оқытудың заманауи әдістерін, методологиясын қолдануды үйрету. Пән қазіргі әдістеме, лингвистика, халықтық педагогика және психология ғылымдарының жетістіктеріне негізделеді. Қарастырылатын мәселелер: қазақ тілін оқыту әдістемесінің қалыптасу және даму жолдары, оқыту ерекшеліктері, тілдік категорияларды оқыту әдіс-тәсілдері, сабақты ұйымдастыру жолдары.

Пән мақсаты: білімалушыларға тілдік құбылыстардың аса күрделі мәселелері жайлы мағлұмат беріп, грамматика салалары бойынша грамматикалық талдау тәртібін терең меңгертіп, әртүрлі грамматикалық құбылыстарды талдай алу дағдысын қалыптастыру. Қарастырылатын мәселелер: грамматикалық талдаудың әдіс-тәсілдері

Пән мақсаты: Тәуелсіздік кезеңге дейінгі қазақ әдебиетінің даму жайы, жаңа дәуір әдебиетінің негізін салушылар өмірі мен әдеби мұрасы, әдебиет тарихындағы орны мен шығармашылығының ерекшелік қырларымен таныстыру. Қарастырылатын мәселелер: Б.Бұлқышевтің өмірі мен шығармашылығы, Қ.Бекқожиннің әдеби мұрасы, Ж.Саиннің поэзиясы, Т.Жароковтың өмірі мен шығармашылығы, Ғ.Ормановтың лирикасы, Х.Ерғалиев поэзиясы, И.Байзақовтың ақындығы, С.Мәуленовтің ақындығы т.б.

Пән мақсаты: әдебиет теориясы ауқымындағы поэтика, стиль, жанр тәрізді негізгі мәселелері және әдеби процес (ағым, бағыт, кезең, дәуір), көркем шығарманы талдау, қабылдау заңдылықтары туралы түсінік беру. Қарастырылатын мәселелер: әдебиет теориясы ғылымының қалыптасу, даму кезеңдері, әдебиеттану ғылымын құрайтын ұғымдар мен категориялар, көркем шығарманы талдаудың ғылыми принциптері

Пән мақсаты: когнитивті лингвистика негіздерімен – таным аспектісінде тіл мен сананың арақатынасы мәселелерін зерттейтін қазіргі заманғы бағытпен таныстыру. Қарастырылатын мәселелер: білім мен танымның табиғаты мен мәні; адамның танымдық қызметі, адамның танымдық қызметіндегі тілдің рөлі

Пән мақсаты: көркем мәтінді талдаудың үлгілері мен теориясы, көркем мәтінді талдаудың ұстанымдары, көркем мәтіннің мүшеленуіне байланысты жүргізілетін талдау түрлері жайлы мәлімет беру. Қарастырылатын мәселелер: көркем мәтінге лингвистикалық талдаудың сатылары, жолдары, ұстанымдары және оларға қойылатын талаптар, стилистикалық талдау жасау түрлері және мәтіннің мазмұндық, құрылымдық-композициялық және тілдік жақтары.

Пән мақсаты: жалпы теориялық және нақты әлеуметтік лингвистиканың мәселелерімен, методологиялық негізімен, әлеуметтік лингвистиканың мәселелерімен таныстыру. Қарастырылатын мәселелер: тілдің қоғамдық табиғаты, әлеуметтік мәні, тілдің әлеуметтік қызметі, тілдік болмыстың формалары, тілдің әлеуметтік саралануы, тілдік қалып, тілдік жағдай, тіл саясаты, билингвизм

Пән мақсаты: әдеби шығармашылықтың табиғатын және оның құрамдас түрлерін, түрін, әуезділігін, стилін, бағыттарын және т. б. зерттеу. Қарастырылатын мәселелер: әдеби шығармашылықтың табиғаты, әдеби тек пен түр мәселесі, өлеңнің құрылысы мен ұйқасы, жазушы стилі туралы, әдебиеттегі ағымдар мен бағыттар туралы

Пән мақсаты: тіл білімі ғылымының қалыптасу және дамуын, лингвистикалық мектептер мен бағыттар, лингвистикалық талдаудың әдістері, тілдің даму заңдылықтары туралы түсіндіру. Қарастырылатын мәселелер: тілдің табиғаты мен мәні, қоғаммен байланысы, тіл білімінің тарихы, кезеңдері, тіл білімі тарихындағы негізгі бағыттар мен мектептер.

Пән мақсаты: прагмалингвистика ғылымының теориялық негіздерімен, ғылым ретінде қалыптасып, дамуы, оның әдіс–тәсілдерімен, негізгі ұғымдарымен таныстыру. Қарастырылатын мәселелер: прагмалингвистиканың құрылымдық және функционалдық ерекшеліктері, прагмастилистика мәселелері, прагмалингвистиканың мәтіннің эмоционалды әсер ету теориясының мәселелері

Пән мақсаты: әдебиет теориясының методологиясын, қазіргі әдебиет теориясындағы ғылыми ағымдарды, қазақ әдебиеті ғылымындағы эстетика мен теория мәселелерімен таныстыру. Қарастырылатын мәселелер: әдебиет тарихын зерттеу аялары мен жолдары, историография, библиография пәндерінің мәні, текстология мен әдебиет сынының теориялық, практикалық ерекшеліктері

Пән мақсаты: этнолингвистика ғылымының қалыптасуы, дамуы, зерттелу тарихы, этнолексика, ұлттық символика, этнолингвистикалық этюдтер, этнографизмдер мен этнофразеологизмдер жайлы мағлұмат беру. Қарастырылатын мәселелер: этностың рухани-мәдени мұрасы, энолингвистика; этнолексика, ұлттық рәміздер; этнографизмдер; этнофразеологизмдер

Тіл білімі мен әдебиеттанудың ортақ заңдылықтары жайлы өзіндік уәжді пікір айтып, көркем мәтінге тілдік және әдеби талдау жасай алады.

Мамандық бойынша барлық кәсіби қызмет түрін жүзеге асыруға қабілетті болады; кәсіби біліктілік пен филологтың жұмыс істеу қабілетіне ие болады; мамандық бойынша кәсіби әрекет тәжірибесі мен тәжірибиелік біліктілікке ие болады.

Қазақ тілі мен әдебиетінің тұжырымдамалық және теориялық негіздерін, оның жалпы ғылым мен құндылықтар жүйесіндегі орнын талдап, өз кәсіби қызметінде қолдана алады.

Тілдің, мәдениеттің, қарым-қатынас саласы ерекшеліктеріне сәйкес жеке тұлғалық, әлеуметтік қарым-қатынас жағдайларында құзыреттілік танытады

Лингвистикалық және әдеби деректерді жинайды және талдайды, филологиялық талдау жасау және интерпретациялаудың негізгі дағдыларын игереді

Әдеби үдерісте жанрлардың даму ерекшелігін сараптауға дағдыланады. Ғылыми идеяларға сын көзбен қарап, дәлелдей алады және тұжырымдамалар мен теорияларды талдай білуге дағдыланады.

Кәсіби қызметте теориялық білімдерді қолдана алу біліктері мен дағдыларын меңгереді, тіл маманының кәсіби парызын ұғынады, қызмет нәтижесіне жауапкершілікпен қарайды.

Педагогика, экономика және құқық, сыбайлас жемқорлыққа қарсы мәдениет негіздері, экология және тіршілік қауіпсіздік саласында еркін және сыни ойлау қабілетін дамыту, гуманитарлық ғылымдар саласында базалық білімді меңгеру, оларды кәсіби қызметтің әр түрлерінде, сондай-ақ қоғамдық-саяси өмірде қолдануға қабілеті.

Өркениеттің дамуындағы филология саласының негізгі нормаларын, даму бағыттарын біледі, кәсіби қызметте теориялық білімдерді қолдана алу дағдысын қалыптастырады.

Тіл білімі мен лингвистикалық ілімдер тарихы аясында тілдік заңдылықтарды, олардың теориялық негіздерін игереді.