7M04123 Мемлекеттік және жергілікті басқару (1ж. бейіндік) в Қазақ ұлттық аграрлық университеті

Пән магистранттарда негізгі теориялық-әдіснамалық тәсілдер мен мемлекеттік басқарудың қазіргі заманғы тетіктері туралы тұтас түсінік қалыптастыруға бағытталған. Мемлекеттік басқару проблемаларын сипаттау үшін салыстырмалы институционалдық талдауды қолданады. Қазіргі заманғы мемлекеттік басқару теорияларының негізгі ережелерін жаңғыртады. Мәселені қою және қойылған міндеттерді шешу үшін ресурстық-ақпараттық базаны қалыптастырады.

"Әлеуметтік саладағы менеджмент" пәні әлеуметтік саланың құрылымы, оның даму ерекшеліктері туралы теориялық аспектілерді қарастырады. Әлеуметтік саланы басқару институттарының пайда болуы мен эволюциясы туралы түсінік, Мемлекеттік әлеуметтік саясаттың рөлін, қоғамның нарықтық қатынастарға көшу кезеңінде әлеуметтік саланы басқарудағы қайта құрулардың жалпы бағытын түсіну, әлеуметтік саланы дамыту тұжырымдамалары, стратегиялары, бағдарламалары қарастырылады.

Аймақтық және муниципалдық билік органдарының бизнес-құрылымдармен өзара іс-әрекеттерін ұйымдастыру" пәні магистранттардың бизнес - құрылымдардың билік органдарының өзара іс-қимылын ұйымдастыру саласындағы жүйелі теориялық білімін; экономиканың корпоративтік секторы өкілдерінің, бизнесмендердің, кәсіпкерлердің мемлекеттік билік органдарымен сыртқы байланыстар жүйесін құру және жетілдіру қабілеттерін қалыптастырады.

«Менеджмент» пәнін меңгерудің мақсаты басқару туралы кәсіби қызмет түрі ретінде ғылыми түсінік қалыптастыру; студенттердің әлеуметтік-экономикалық жүйелерді басқарудың жалпы теориялық ережелерін меңгеруі; басқарушылық проблемаларды практикалық шешудің біліктері мен дағдыларын меңгеру; менеджменттің әлемдік тәжірибесін, сондай-ақ қазақстандық менеджменттің ерекшеліктерін зерделеу, ұйымдар қызметінің әртүрлі аспектілерін басқарумен байланысты практикалық мәселелерді шешуге үйрету болып табылады.

Шешім қабылдау процесінің, математикалық моделін құру, шешу, сонымен қатар шешім нәтжелерін компьютер көмегімен талдау жүргізуге көп көңіл бөлінеді. Шешімдер қабылдауда өндірістік, транспорттық және қаржылық есептердің модельдері, шешімдер қабылдау теориясының элементтері және нақтылы тәжірибелік есептерді компьютерде шешу алгоритмдерді шығару қабілеттілігі қалыптастырылады.

Бұл пәнді оқу қажеттілігі соңғы жылдары Қазақстанда корпоративтік әлеуметтік жауапкершілікке қызығушылықтың артуымен байланысты. Бизнес-ортаның технологиялары мен құралдарын пайдалану арқылы магистранттарға биліктің, бизнес пен қоғамның өзара іс-қимылының заманауи тәсілдері мен тетіктерін, мемлекеттік және муниципалды басқару бағдарламасын ұйымдастыруға үйрету. Нәтижесінде магистранттар билік, бизнес және азаматтық қоғам институттары арасында сындарлы диалогты ұйымдастыру дағдыларын меңгереді.

Пән психологияны басқару психологиясының тақырыбын, сипатын, міндеттері мен құрылымын, оның психологиялық зерттеулер әдістерін және оны зерттеудің негізгі тәсілдерін қарастырады. Басқару әрекетіндегі тұлға психологиясын, танымдық әрекет психологиясын перцептивтік, мнемикалық және ойлау ұрдістерін басқару қызметтінде зерттейді. Курс заманауи іскерлік адамның қызметінде этикет туралы, менеджердің коммуникативті құзыреттілігі, басқарушылық қызметтегі эмоционалды және ерікті күйлері туралы және қызметті басқара білу туралы қабылеттерін қалыптастырады.

Пән заңнамалық және атқарушы билік органдарының бизнес-қоғамдастықпен өзара іс-әрекетінің өзіндік механизмін ұсынады. Бұл өзара іс-қимыл өзінің нақты іске асырылуын әр түрлі нысандар мен бағыттардың бірлігінде: экономикалық жүйенің тікелей инфрақұрылымын құру; экономиканың тиімді жұмыс істеуіне қолайлы жағдайларды қамтамасыз ету; өнеркәсіптік саясатты қалыптастыру және іске асыру; мемлекеттік және муниципалдық тапсырыстарды орналастыру; бизнес құрылымдарының мүдделік қолдау қызметін институттандыру; корпоративтік секторды және т. б. институционалдық ресімдеу.

Жобаларды басқару әдістерінің даму тарихымен таныстырады; жобаның тұжырымдамасын әзірлеу, оны құрылымдау және бағалау бойынша шешімдер қабылдаудың әдістемелік тәсілдерін зерттейді; жобаның өмірлік циклінің түрлі сатыларында жоба менеджерінің рөлін және функцияларын меңгеру; жобаларды басқарудың ұйымдастырушылық нысандары және оларды әзірлеу, оңтайландыру әдістерімен таныстырады. Жобаның жетістіктерін жоспарлау және бақылау құралдарын зерттейді; зерттеу және шығармашылық жұмыс дағдыларын дамытуға, бағдарламалық құралдарды пайдалана отырып жобаларды экономикалық модельдеуге көмектеседі.

Пәннің негізгі мақсаты - болашақ магистрдың кәсіби қызметінде ағылшын тілін белсенді меңгеру дағдылары мен қабілеттерін одан әрі дамыту негізінде шет тілін оқытудың халықаралық стандарттарының шеңберінде коммуникативтік құзыреттілікті жүйелі түрде тереңдете білу. Магистранттың дағдыларын дамытудағы негізгі принциптер: - ғылыми ақпарат алу және беру үшін мамандық бойынша ағылшын тіліндегі әдебиеттерді оқу; - аудармалар, аннотациялар, рефераттар түріндегі алынған ақпаратты тіркеу; - магистрлік мамандығына және ғылыми жұмысына байланысты тақырыптар бойынша ағылшын тілінде әңгіме жүргізу.

Бұл курс мемлекеттік-жеке әріптестікті стратегиялық басқарудың әдіснамалық негіздерін; мемлекеттік-жеке меншік әріптестік аумақтарды дамыту субъектілері кооперациясының құралдарын; тиімділік өлшемдері мен көрсеткіштерін; экономикалық саясатта мемлекеттік-жеке меншік әріптестікті дамытудың институционалдық шарттарын зерттейді.

Мемлекеттік және муниципалды басқаруды зерттеудің әдіснамалық негіздері келесі әкімшілік-құқықтық, экономикалық, политологиялық, мәдени-ағартушылық, үрдістік тәсілмен айқындалады. Мемлекеттік және муниципалдық басқару жүйесін зерттеудің әдіснамалық тәсілдерін қолдану азаматтардың қоғамдық-саяси және әлеуметтік-экономикалық процестерін реттеуге тұрақты түрде мүмкіндік береді

Ғылыми танымның құрылымын, кезеңдері мен әдістерін; басқару қызметі субъектілерінің психологиясын көрсете білу.

Басқарушылық шешімдерді әзірлеу үшін мотивациялық теорияларды, көшбасшылықты және іскери келіссөздер жүргізу дағдыларын қолдана білу.

Елдің экономикалық дамуын болжаудың экономикалық-математикалық модельдерін құру және шешу үшін ақпарат жинау мен түсіндіруді жүзеге асыру.

Бизнес-қоғамдастықты басқару процесін тиімді ұйымдастыру және олардың өзара әрекеттесу тетіктерін қолдана отырып, оның билік органдарымен өзара әрекеттесу проблемаларына егжей-тегжейлі талдау жасау.

Қазақстан Республикасының орнықты әлеуметтік-экономикалық дамуын қамтамасыз ету мақсатында мемлекеттік және жекеше әріптестіктің өзара тиімді іс-қимылы үшін жағдайлар жасау.

Блокчейн технологиясын, ұйымның кірістілігі мен қаржылық жағдайын, кәсіпкерлік қызметтегі өндіріс тиімділігін арттыру резервтерін пайдалана отырып, жобаларды басқару жөніндегі міндеттерді шешу.

Шет тілдерін білуді, әлеуметтік өзара іс-қимыл және мәдениетаралық қарым-қатынас дағдыларын кәсіби деңгейде пайдалану білу.

Өз пікірін қалыптастыру үшін әлеуметтік-экономикалық көрсеткіштердің статистикалық және эксперименттік деректерін сыни тұрғыдан талдауға және тексеруге дағдылану.

Әлеуметтік-экономикалық жағдайдағы мемлекеттік басқару тетіктерін және басқарудың әртүрлі деңгейлеріндегі биліктің, бизнес пен қоғамның өзара іс-қимылының тиімді стратегиясын бағалай білу.