7M08402 Балық шаруашылығы және өнеркәсіптік балық аулау (1ж. бейіндік) в Қазақ ұлттық аграрлық университеті

Балық шаруашылығы ақпаратының құрамы мен құрылымы; Ихтиологиялық бақылауларды ұйымдастыру әдістемесі; бассейндерде, көлдерде және тоғандарда тауарлық бекіре тұқымдастарын өсіру. Балық шикізатын ұтымды (кешенді) пайдалану үшін оның химиялық құрамын, құрылымдық—механикалық, физикалық қасиеттерін, анатомиялық құрылысын, морфологиялық ерекшеліктерін, өлшемдік сипаттамаларын білу қажет.

Пәннің негізгі мақсаты - болашақ магистрдың кәсіби қызметінде ағылшын тілін белсенді меңгеру дағдылары мен қабілеттерін одан әрі дамыту негізінде шет тілін оқытудың халықаралық стандарттарының шеңберінде коммуникативтік құзыреттілікті жүйелі түрде тереңдете білу. Магистранттың дағдыларын дамытудағы негізгі принциптер: - ғылыми ақпарат алу және беру үшін мамандық бойынша ағылшын тіліндегі әдебиеттерді оқу; - Аудармалар, аннотациялар, рефераттар түріндегі алынған ақпаратты тіркеу; - магистрлік мамандығына және ғылыми жұмысына байланысты тақырыптар бойынша ағылшын тілінде әңгіме жүргізу.

Пән басқару психологиясының тақырыбын, сипатын, міндеттері мен құрылымын, оның психологиялық зерттеулер әдістерін және оны зерттеудің негізгі тәсілдерін қарастырады. Басқару әрекетіндегі тұлға психологиясын, танымдық әрекет психологиясын перцептивтік, мнемикалық және ойлау ұрдістерін басқару қызметтінде зерттейді.

Су қоймаларының функциональдығының экологиялық негіздері және су биологиялық қорларының қазіргі кездегі жағдайы. Өзендердің, көлдердің, жасанды су қоймаларының, теңіздердің биологиялық өнімділіктері. Табиғи және су қорларды тиімді пайдаланудың экологиялық негіздері. Қазақстан суларында жергілікті ихтиофаунаның қалыптасу заңдылығы. Адамзаттың тигізетін әсерінің : өндіру. Қоршаған ортаның ластануы, интродукциялау жағдайындағы су биологиялық қорлаының динамикасы. Қазақстандағы аймақтар бойынша кәсіптік маңызы бар балықтарды және кәсіптік балық аулау. Қоршаған ортаға әсерді бағалау (ҚОӘБ): судың биологиялық обьектілері. Ерекше қорғалатын табиғи аймақтардың түрлері.

Гидробионттарды жерсіндірудің теориялық негіздері, су экожүйелері және олардың ерекшеліктері, жерсіндіру жұмыстарына тәжірибе жүргізу, жерсіндіру жұмыстарының бастамашылары, гидробионттарды жерсіндіру жұмыстарын жүргізуге биологиялық негіздеме жасаудың құрамы мен талаптары, жерсіндіру нәтижелерін бағалау, биологиялық және кәсіптік (шаруашылық тиімділігі, Қазақстанға тән емес түрлерді жерсіндіру және гидробионттарды жергілікті (эндемиктер) түрлерін сақтаудың қазіргі таңдағы өзекті мәселелері.

Аквакультура: мәселесі және даму болашағы. Бекіре балықтарын жасанды өсіру. Тауарлы бекіре балықтарын бассейндерде, көлдерде және тоғандарда өсіру. Қазақстанда және ТМД елдерінде бекіре зауыттарының тәжірибе жұмыстары. Каспий теңізіне бекіре балықтарымен балықтандыру.

Курстың мақсаты - магистранттарда белгіленген бюджет, уақыт және сапа шеңберінде жаңа өнім/қызмет жасау бойынша мақсатты іс-шаралар кешенін жүзеге асырумен байланысты кәсіби қызмет ретінде жобаларды басқару саласында тұрақты білімді қалыптастыру; болашақ мамандардың нақты экономикалық жағдайларда әртүрлі қызмет салаларында жобаларды басқару бойынша теориялық және практикалық мәселелерді шешу үшін қажетті методология мен практикалық дағдыларды қалыптастыру.

Пән білім алушыларды ұйымдастырушылық жүйелерді басқарудың іргелі негіздерімен таныстырады; бәсекелестік ортаның қатаң жағдайларында жұмыс істейтін ұйымдардағы процестердің мәні мен мазмұны туралы логикалық ойлауды дамытады; өндірістік, инновациялық, қаржылық, Әлеуметтік және ұйым қызметінің басқа да салаларындағы операцияларды басқару білімі мен іскерлігін қалыптастырады.

Қазақстандағы балық шаруашылықтарымен және су қоймаларымен таныстыру. Жасанды жағдайда тауарлы балықтарды өсіру технологиясы. биоресурстарға зерттеу жүргізу, іздестіру, бақылау және өлшеу, олардың сипаттамасы мен тұжырымын жасау; - балық аулаудың шикізат базасын пайдалану кезінде оның жағдайын сауатты бақылау; - алынған нәтижелерді және балық аулаудың шикізат базасының жай-күйі бойынша басқа да ақпаратты сауатты бағалау.

Бұл сабаққа лекциялар, практикалық жұмыстар жүргізілуі, рефераттардың жазылуы мен қорғалуы кіреді. Қарастырылатын мәселелер: сабаққа кіріспе, мақсаты және міндеттері. ҚР ғылым туралы заңы. Нормативті-құқықтық актілер. Комитеттің метрология бойынша қызметі. Ғылыми зерттеу қызметін лицензиялау. ҒЗЖ қаржыландыруды іздестіру. Зертеулерді жоспарлау, ҒЗЖ бағдарламасын қарастыру және ережелерін құрастыру. ҚР бойынша ғылыми-зерттеу мекемелерінің құрылымы. Балық шаруашылығын ғылыми зерттеу мекемелерінің әдістері. Алғашқы материалды жинау және өңдеу әдістемелері. Лабораториялық, өндірістік және далалық тәжірибелерді ұйымдастыру. Ғылыми зерттеу нәтижелерін құжаттандыру.

Қазақстан паразитофаунасын зерттеу тарихы. Қазақстан балықтары паразитофаунасына систематикалық шолу. Қазақстанның протопаразитофаунасы. Жерсіндірудің балықтар паразитофаунасына әсері. Аурулардың жіктелуі, балықтың инфекциялық, инвазиялық және жұқпайтын ауруларының сипаттамасы, этиологиясы, олардың туындауына және таралуына ықпалын тигізетін факторлар, профилактикасы және күрес шаралары. Балықтың типтік патологиялық процесстерінің, инфекциялық, инвазиялық, жұқпайтын және этиологиясы белгісіз ауруларының диагностикасы. Тасымалдаушысы балық болып табылатын адам мен жануарлар ауруларының диагностикасы. Балық аурулары диагностикасының әдістері.

Пәнде конфликтологияның негізгі категориялары, қақтығыстық технологияларды жанжалды басқару типологиясы қарастырылады. Курста қақтығыс жағдайында адамның мінез-құлқы туралы теориялар, тиімді қарым-қатынас технологиялары және қақтығыстың ұтымды мінез-құлқы зерттеледі. Жанжалдарды шешудегі келіссөздер процесінің психологиясын, жанжалдарды шешу технологиясы ретінде медиация қолданады. Қоғамдағы қақтығыстар, ұйымдардағы қақтығыстар, жанжалдар мен стресстер қарастырылады.

Ғылыми зерттеулерді ұйымдастыру және жүргізу кезінде көшбасшылық қасиеттерді, бизнес шешімдерді моделдеу кезінде іскерлік қасиеттерін көрсете білу қабілеті, кәсіпкерлік қызметті тиімді басқара білуі

Қазақстанның ішкі су айдындарындағы балық ауруларын анықтау мен оларды алдын алу және күресу шараларын жүргізу қабілеті

Су қоймаларының биоөнімділігінің және ішкі су айдындарының биологиялық ресурстар қорының қалыптасуыныңтеориялық негіздерін дәлелдеу, сондай-ақ Қазақстанның аквакультурасын білуі

Халықаралық ортада ағылшын тілінде кәсіби әңгіме жүргізу қабілеті, ғылыми-техникалық және педагогикалық сұрақтардың кең шеңбері бойынша сұхбаттаса білуі

Ішкі су айдындарында гидробионттарды жерсіндіру негіздері мен олардың мүмкіндіктерін анықтап, пікір қалыптастыру үшін ақпарат жинауды және түсінік беруді жүзеге асыру;

Балық өсіру шаруашылығы мамандарының жұмысын бағалау және басқару қабілеті, көшбасшылыққа және қалыпты психологиялық жағдаймен қамтамасыз етуге дайындығы, идеяны, қорытындыларды, проблемаларды және шешімдерді нақты және тиянақты түрде хабарлау

Менеджменттің теориялық және методологиялық негіздерін және топтық менеджментті игере отырып, өндіріс орындарын тиімді басқару, ұйымда әр түрлі мәселелерді шеше білуі

Балық шаруашылығы саласындағы кәсіпорындарда, мемлекеттік органдарда сарапшылар ретінде, ғылыми-зерттеу ұйымдарында ғылыми қызметкерлер ретінде жұмысты жоспарлау.

Су организмдерінің тіршілігін ғылыми-зерттеулердің қазіргі бағыттарын білуі, ихтиологиялық және гидробиологиялық зерттеулер жүргізу, зерттеудің далалық әдістерін меңгеру, мәселелерді зерттеу және шешу бойынша міндеттерді қою және шеше білуі

Өндірістік, ғылыми-зерттеу жұмыстарын ұйымдастыру және жүргізу, балық шаруашылығы қызметін дербес жоспарлау қабілеті

Асыл тұқымды балық өсіру, балықтың бағалы түрлерін өсіру биотехникасы, су биоресурстарының мониторингін жүргізу бойынша жұмысты ұйымдастыру қабілеті