8D07306 Геокеңістіктік цифрлік инженерия в Satbayev University

Курс шеңберінде докторант гетерогенді геодезиялық, гравиметриялық, астрономиялық және жерсеріктік өлшеулер бойынша жер фигурасын бірізді жақындату әдісімен анықтау мүмкіндігін: жер фигурасын бірізді нақтылау әдісімен анықтау тұжырымдамасын, сондай-ақ жер фигурасы мен сыртқы гравитациялық өрісін сипаттайтын параметрлердің өзара байланысын меңгереді.

Осы пән аясында докторант ғылыми зерттеулерді орындау кезінде, кәсіби, басқарушылық шешімдерді қабылдау кезінде ГАЖ технологияларын практикалық игеруді, осы аумақтардың кеңістіктік өңделуі мен талдауын автоматтандыру мәселелерін тиімді және нақты қажеттіліктерді ескере отырып шешеді . Курс нәтижесінде докторант мәліметтер базасын, сандық модельдерді талдау, синтездеу және жобалау қабілетін көрсетуі керек.

Курс инженерлік және жаратылыстану ғылымдары бойынша докторанттарға академиялық жазылым дағдыларын және жазылым стратегияларын дамытуға бағытталған. Курс академиялық жазылымның негіздері мен жалпы қағидаларын басты назарда ұстанады, олар: -тиімді сөйлемдер мен абзацтарды жазу; ғылыми еңбекте шақтардың және де стильдер мен тыныс белгілерінің қолдану; - абстракт, кіріспе, тұжырым, талқылау, қорытынды, пайдаланылған әдебиеттер мен ресурстарды жазу; -мәтінге сілтеме жасау; - плагиатты алдын- алу және конференцияда баяндама жасау.

Пән іргелі сегменттің негізгі міндеттері мен құрылымы туралы идеялар мен түсініктерді қалыптастыруға, Аспан мен жердің тірек координаттар жүйесін анықтауға, Аспан мен жер жүйелерінің оңайлатылған модельдеріне, іргелі координаталық-уақыттық қамтамасыз етуді шешудің қазіргі деңгейіне, ЖСҚЖ параметрлеріне, құралдар кешеніне қойылатын талаптарға, координаттық-уақыттық қамтамасыз етуде ҒНСС қолдануға бағытталған.

Геодезиялық өлшеулерді өндіру мен өңдеудің іргелі базасын құрайтын математика бөлімдерінің теориялық және практикалық негіздерін зерттеу. Математикалық статистика, геодезиялық желілерді жобалау үшін модельдеу әдістері, өлшеу қателіктері және геодезия, картография, геокеңістіктік технологиялар саласында зерттеу жұмыстарын жүргізу кезінде оңтайландыратын геодезиялық есептерді шешу.

Геожүйелер, геомодельдеу және жер бетінің, ғимараттар мен құрылыстардың қозғалысына мониторинг жүргізудің технологиялық схемасы туралы негізгі ұғымдар мен мәліметтер. Деформациялық үдерістер динамикасының үрдісін анықтау үшін корреляциялық-регрессиялық талдау әдістерін; шөгудің болжамды модельдерін құру үшін жасушалық автоматтарды зерттеу; зерттеу жұмыстарын жүргізу кезінде Matlab бағдарламалық жасақтамасындағы заттай бақылаулардың басқа түрлерінің қолда бар сандық және сапалық деректерін пайдалана отырып, геодезиялық бақылау нәтижелері негізінде жер бетінің, ғимараттар мен құрылыстардың деформацияларын болжау.

Ғылым және ғылыми зерттеулер түсінігі, ғылыми зерттеу әдістері мен әдістемесі, ғылыми деректерді жинау және өңдеу әдістері, ғылыми зерттеулерді ұйымдастыру принциптері, қазіргі ғылымның әдіснамалық ерекшеліктері, ғылым мен ғылыми зерттеулердің даму жолдары, қазіргі ғылымдағы техника ғылымдарының, информатика және инженерлік зерттеулердің рөлі, техникалық ғылымдардың құрылымы, жалпы ғылыми, философиялық және арнайы әдістерді теория мен практикадағы ғылыми зерттеулер.

Қазіргі ғылымның үрдістерін талдау, кәсіби қызметтің пәндік саласындағы ғылыми зерттеулердің перспективалық бағыттарын, зерттеу жұмыстарының құрамын, олардың факторларын анықтау.

Ақпараттық және білім беру технологиялары негізінде білімін кеңейту дағдыларын көрсете отырып, қолданбалы және инженерлік-техникалық проблемаларды талдау және шешу кезінде математикалық, сандық және компьютерлік модельдеу әдістерін пайдалану.

Қазіргі даму деңгейін көрсететін кәсіби қызметтің пәндік саласында терең білім алу.

Кәсіби және/немесе Басқару шешімдерін қабылдау кезінде қоршаған әлемнің кеңістіктік аспектілерін зерттеу бөлігінде болашақ ғалымның тұжырымдамалық дүниетанымын қалыптастыру.

Кеңістіктік есептерге математикалық-статистикалық тәсілді, соның ішінде геоақпараттық жүйелер мен статистикалық мәліметтерді өңдеуге арналған пакеттердің әдістерін қолдану.

Жердің және басқа планеталардың фигурасы мен сыртқы гравитациялық өрісін зерттеудің заманауи тәсілдеріне, әдістері мен құралдарына, сондай-ақ осы мәселені шешу әдістерінің даму тенденциялары мен жолдарына назар аудару.

Шет тілінде қабылданған нормаларға сәйкес ғылыми жарияланымдарды талдау және өз зерттеулерінің нәтижелерін жазбаша баяндау.