6B05201 Экология в Нархоз Университеті

Курс студенттерде экономикалық ойлауды қалыптастыруға бағытталған, экономикалық субъектілердің мінез - құлық заңдылықтары және микро және макро деңгейлерде экономиканың жұмыс істеу механизмі туралы жалпы түсінік береді. Курстың мазмұны экономикалық категорияларды, экономикалық заңдарды және өндірістегі, бөлудегі, алмасудағы және тұтынудағы қатынастарды реттейтін шаруашылық жүргізу механизмін, сондай-ақ экономикалық жүйенің әртүрлі құрылымдық деңгейлерін зерттеуді қамтиды. Курсты оқу барысында студенттер тауарлар мен ресурстардың нақты нарықтарындағы жағдайларды талдаудың практикалық дағдыларын игеріп, проблемалық жағдайларды микро және макроэкономикалық деңгейде анықтауға үйренеді.

Студенттер экология, техногенді әсер етудің негізгі түсініктерін және тұрақты дамудың принциптерін меңгереді. Студенттер практикалық тапсырмаларды орындай отырып, биосфераның негізгі заттарының белгілерін сипаттайды, тірі ағзалардың жаһандық рөлін түсіндіреді. Топпен жұмыс жасай отырып, студенттер халықаралық ұйымдардың статистикалық материалдарына сүйене отырып, тұрақты дамудың жергілікті, өңірлік, мемлекеттік және жаһандық деңгейлерінің сипаттамасын құрайды.

Курсты оқу ғылыми зерттеулер жүргізудегі құзыреттілікті, сондай-ақ, академиялық ортада тиімді қарым-қатынас жасау үшін қажетті жазбаша ғылыми коммуникацияны дамытуға және жетілдіруге бағытталған. Студенттер ғылыми мәтінді құрылымдау дағдыларына ие болады, түпнұсқалық дереккөздермен жұмыс істеуді үйренеді, электрондық ресурстарда дәйексөзділік индексі жоғары мақалаларды іздейді, нәтижесінде ғылыми мақалаларды, аннотацияларды, абстрактілерді, рецензияларды және эсселерді өз бетінше жасау дағдыларына ие болады, сондай-ақ, ғылыми жұмыстарды көпшілік алдында ұсынып, талқылай алады.

Математикалық модельдер құру, программалық қамтамасыз етуді қолдану және смарт технологиялармен байланысты практикалық міндеттерді шешудің заманауи әдістерін оқып үйренуге арналған математикалық логика мен математикалық модельдеу, статистика, ықтималдылық теориясы, қаржылық математика негіздерінен тұрады. Өмірдің барлық салаларына қатысты міндеттерді шешуге арналған программалық өнімдермен жұмысқа ерекше назар аударылады.

Пән келесілерді қамтиды: жобаларды басқару аясындағы үдерістік және жағдайлық тәсілдер негізіндегі білім мен тәжірибелік дағдыларды меңгеру. Студент сандық технологияларды (MSProject) пайдалану арқылы жобалар жұмысына қатыса алады; жоба бойынша басқарушылық ақпараттармен қамтамасыз етіп, түсіндіреді; жобаларды тиімді жүзеге асыру үшін жобалық ресурстарды оңтайлы пайдалану мен мерзімдік шектерді сақтауды айқындайды. Студенттер мұндай іс-шараларды тәжірибеге барынша жақын жоба жасау арқылы меңгереді

Курс A2 жеткілікті деңгейде ағылшын тілін меңгеруде 4 негізгі дағдыларды дамытады: сөйлеу, тыңдау, оқу және жазу. Курс A1 деңгейінде алған білімдерін қайталауға және бекітуге арналған. Бұл деңгейде сөздік қор 1500 және одан көп сөзге дейін кеңейеді және келесі тақырыптарды қамтиды: тамақтану, достар, ойын-сауық, отбасы, хобби, саяхат, жаңалықтар, жануарлар т.б. Бұл білім күрделі сөздерді, жұмысқа, бизнеске арналған арнайы тақырыптарды есте сақтауға арналған лексикалық платформа болып табылады. Коммуникативті әдістермен қатар кейс-стади, рөлдік ойын, жобалық жұмыс сияқты интерактивті әдістер қолданылады.

Бұл пәнде азық-түлік қауіпсіздігінің ішкі және сыртқы қатерлері, эконарық сегменттері мен ерекшеліктері, экологиялық бизнестің қазіргі мүмкіндіктері қарастырылатын болады. Студенттер ішкі және сыртқы мүдделі тараптар үшін экологиялық қызмет нарығындағы сұраныс пен ұсынысты басқару мақсатындағы ақпараттарды талдай отырып, экологиялық өнімдер мен бизнес жобаларды әзірлейді.

Академиялық мақсаттағы ағылшын тілі B2 деңгейлі материалдың екінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, жетілдірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Академиялық мақсаттағы ағылшын тілі B2 деңгейлі материалдың бірінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, кіріктірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Курс мазмұны: биоалуандылықты сақтау принциптері, ерекше қорғалатын табиғи аумақтардағы (ЕҚТА) жұмыстардың құқықтық және ұйымдастырушылық аспектілері және экотуризм негіздері. Студенттер топпен немесе жекелей ҚР қорғалатын аумақтарында зерттеу жұмыстарын жүргізе отырып, ЕҚТА басым бағыттары мен механизмдерін талдайды және жазады; рекреациялық жүктеменің мүмкін нормаларын анықтайды және туристік соқпақ жолдармен нысандардың құрылысы туралы іс-шараларды ұсына алады.

Пән келесідей тақырыптарды қамтиды: кәсіпкердің кім екені; бизнес идеяларды іздеу құралдары, шағын бизнес нысандары, шағын бизнесті жоспарлау мен басқару, қаржыландыру көздерін іздестіру, сыртқы және ішкі орта мүмкіндіктеріне сәйкес стратегияны дамыту, базалық қаржылық жоспарлау, сонымен қатар әлеуетті инвестор үшін бизнес жоспар жасау. Студенттер өз бизнес идеяларын сыни бағалайды және де топтағы жобалау жұмысы арқылы нақты қызмет жасайтын бизнестегі стратегияны ілгері дамыта алады

Курстың негізгі мақсаты ретінде студенттерді менеджменттің заманауи ұғымдарымен таныстыру, ұйым менеджменті саласында негізгі теориялық білім мен практикалық дағдыларды қалыптастыру. Курсты меңгеру барысында студенттер: басқарудың қажеттілігі мен табиғатын; басқару деңгейлері мен еңбек бөлінісінің түрлерін; қазіргі заманғы бизнес пен кәсіпкерлікті дамыту бағыттары тұрғысынан менеджерлердің кәсіби құзыреттілігіне қойылатын талаптарды; негізгі функцияларды, олардың ұйым мақсаттарына қол жеткізу үшін өзара байланысы мен маңыздылығын; ұйымдық құрылымдардың әртүрлі түрлерін, менеджменттің байланыстырушы процестері және адами ресурстарды басқарумен байланысты негізгі ұғымдарды меңгереді. Кәсіби қызметтерді жүзеге асырумен байланысты мақсаттарды анықтап, міндеттерді тұжырымдай алады; басқарушылық шешімдер қабылдау дағдыларын қолдана алады. Студенттер білім алу барысында менеджменттің негізгі аспектілері бойынша дағдыларға кейс-стади, пікірталас, талқылаулар, топтық және жеке жұмыстар, презентациялар жасау арқылы ие болады.

Бұл пәнде әлеуметтік-экологиялық мәселелер спектрі тереңнен қарастырылады, адамның әлеуметтік және табиғи ортаға әсер етуінің себепті-салдарлы байланыстары ашылады. Студенттер статистикалық ақпараттарды өңдейді, негізгі әлеуметтік мәселелер (кедейшілікті жою, демографиялық дағдарыс) бойынша ғылыми жұмыстарға талдау жасайды.

Курс генді инженерияның маңыздылығы туралы және гендік-өзгеріске ұшыраған ағзаларды құрудың негізгі принциптерін қарастырады. Студенттер әртүрлі ақпараттарды пайдалана отырып, топта талқылап, гендік өзгеріске ұшыраған ағзалардың тұтынушылық қасиетін айқындайды. Студенттер зертханалық жағдайларда негізгі көрсеткіштерді анықтай отырып, гендік өзгеріске ұшыраған өнімдердің сапасы мен қауіпсіздігін бағалайды.

Академиялық мақсаттағы ағылшын тілі курсы В1 деңгейінің екінші бөлігін - тіл бойынша академиялық дайындықтың базалық жеткіліктілігін оқып - үйренуге арналған. Курс студенттерді академиялық ортада ағылшын тілінде оқуға дайындайды. Курс академиялық мәтіндерді оқу, академиялық жазу, дәрістерді тыңдау арқылы тілдік дағдыларды дамытады, сонымен қатар жалпы білім, сыни ойлау, бастапқы көздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуге үйретеді.

Курстың мазмұны: экологиялық мониторингті ұйымдастыру және оның құрылымын, түрлерін қарастыру. Студенттер тәжірибелік, егістік зерттеулерге қатыса отырып, судың, топырақтың, атмосфералық ауаның ластануының өлшемдерін ала отырып, соңында экологиялық зертханаларда үлгілерді химиялық өңдеулерден өткізеді. Нақты өнеркәсіптік нысандарда қолданылатын шаблондарды пайдалана отырып және қоршаған орта сапасының нормативтері мен жүргізілген мониторинг нәтижелеріне сүйене отырып, экологиялық көрсеткіштер бойынша әртүрлі есептіліктерді құрастырады.

Академиялық мақсаттарға арналған ағылшын тілі курсы B1 деңгейінің бірінші жартысын - академиялық тілді оқытудың негізгі жетістігін оқып-үйренуге арналған. Курстың міндеттері: студенттерді академиялық ортада ағылшын тілінде оқуға дайындау. Курс тілдік дағдыларды - академиялық мәтіндерді оқу, академиялық жазу, дәрістерді тыңдау арқылы, сонымен қатар, жалпы білім, сыни ойлау, түпнұсқалық дереккөздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуді дамытады.

Студенттер «Климаттық өзгеруі және техногендік қатерлер» курсын меңгергеннен кейін осы пәнде метеорологиялық және климаттық шамаларды бақылап, өңдеп талдаулар жүргізеді. Тәжірибелік сабақтарда картографиялық материалдарды оқиды, аумқтың рекреациялық жарамдылығының биоклиматтық индексін есептейді, сонымен қатар, климаттық көрсеткіштермен экологиялық қамсыздандыру есептеулерін жүргізеді. Курс соңында студенттер қала құрылысында, ауыл шаруашылығында, рекреация және туризмдегі климаттық шамаларды пайдалануды бағалайтын топтық жұмысты қорғайды.

Пән топтау, орташа шамалар, вариация көрсеткіштері және деректерді талдаудың басқа әдістері сияқты қоғамның экономикалық, әлеуметтік дамуын сипаттайтын статистикалық деректерді өңдеу және зерттеу әдіснамасын қамтиды. Студенттер жеке немесе топтық зерттеулер негізінде нақты статистикалық деректерді жинап, талдап, әрі қарай шешім қабылдау мақсатында нәтижелерді жоба түрінде қалыптастырады.

Пәнді оқу барысында студенттер қоршаған ортаға техногенді әсер ету туралы түсініктерін ары қарай дамыта алады, мысалы: физикалық (шу, діріл, электромагниттік өріс, жылулық, ультракүлгін, лазерлік, иондық сәулелену); сонымен қатар химиялық және биологиялық ластанулар. Жағдаяттық есептеулерді шеше отырып, студенттер ақылдылар сараптамасын жүргізеді және табиғатқа антропогендік ықпал етудің үш негізгі нысандары және оның салдарын жою тәсілдері туралы негізделген пікірталастарға қатысады.

Пән қоршаған ортада болып жатқан химиялық және химиялық-биологиялық үдерістерді түсіндіретін жүйелік тәсілден тұрады. Студенттер әртүрлі тапсырмалар мен жазбаша жұмыстар арқылы қоршаған ортаға ластаушылардың таралу үдерісіне ықпал ететін факторларды анықтайды. Тәжірибелік сабақтарда студенттер қоршаған ортада болып жатқан негізгі физикалық-химиялық үдерістерді анықтау үшін, әртүрлі препараттармен жұмыс істеу дағдыларын үйренеді.

Бұл пәнде дәстүрлі емес және жаңартылатын энергия көздері, технологиялары және оларды пайдалану, рентабельділік есептері, сонымен қатар «жасыл» экономиканы басқару принциптері қарастырылады. Студенттер әртүрлі баламалы қондырғылардың (гидротурбиналар, жер қондырғылары, күн коллекторлары) параметрлерін есептейді, оның экономикалық тиімін анықтайды, қауіптіліктерді айқындайды. Командалық жұмыс барысында баламалы энергияны пайдалану бойынша нақты жобаларды экологиялық экономикалық критерийлер бойынша анықтап бағалайды.

Пән биологиядағы және эволюциядағы тірі ағзалардың көпжақтылығы туралы, олардың құрылымы туралы жан-жақты қарастырады. Студенттер тәжірибелік тапсырмалар мен зертханалық зерттеулерді жүргізе отырып, тірі әлемнің көпжақтылық механизмдері мен заңдарын меңгереді. Тәжірибелік және зертханалық сабақтар барысында студенттер өз беттерінше зертханалық препараттарды дайындау әдістемесін үйренеді, ағзаларды морфологиялық және жүйелік белгілері бойынша жіктейді және идентификациялайды.

Курс су ресурстарын бірлесе басқаруды (СРББ) оны ұтымды пайдалануды және тиімділігін бағалау әдістерін қарастырады. Студенттер өңірдегі СРББ принциптерін жүзеге асыруды бағалайды, ҚР су пайдалануды, су ресурстарының жай-күйін және ШӘҰ елдеріндегі су заңдылығын сыни тұрғыдан талқылайды. Трансшекаралық өзендердің бассейндері арқылы СРББ экономикалық, саяси, институционалдық, технологиялық көрсеткіштерінің динамикасын бағалайды.

Пәнде табиғи ресурстарды пайдаланудың ғаламдық мәселелері (табиғи ресурстардың таусылуы және оның ластануы), осы мәселелердің себептері, олардың негізгі теріс салдары қарастырылады. Студенттер командада жұмыс істей отырып, табиғи ресурстарды жеке түрлері бойынша орналастырудың экологиялық салдарын, табиғи ресурстық потенциалдың жай-күйін талдайды, ресурсүнемдеу мен ресурссақтаудың мүмкіндіктері бойынша шешімдерді қарастырады.

Пәнді оқытудың мақсаты қазіргі және болашақ ұрпақ үшін табиғи орта мен ресурстарды сақтау және ұтымды пайдалану, қоршаған ортаның қолайлы сапасын қамтамасыз ету және табиғатты ұтымды пайдалануды ұйымдастыру, биосфера мен адам үшін қоршаған ортаның ластануы мен техногендік әсерді азайту, қоршаған ортаны құқықтық қорғау және қоршаған ортаның жай-күйін реттеудің табиғи биологиялық тетігі мүддесінде қоғам мен табиғаттың өзара іс-қимылы саласындағы экологиялық қатынастарды реттейтін құқықтық нормалар жүйесін зерделеу болып табылады. Экологиялық құқық бойынша міндеттерді шеше отырып, экологиялық құқық мәселелері бойынша шығармашылық тапсырмаларды орындай отырып, оның ішінде таныстырылымдар дайындау арқылы студент кәсіпкерлік субъектілерін қорғау бойынша, оның ішінде қауіпсіздік талаптары мәселелері бойынша қабылданған шешімдердің құқықтық салдарын бағалау, дәлелдер ұсыну және зерттеулер жүргізу арқылы дағдыларға ие болады.

Пәнді меңгерудің мақсаты студенттердің бойында шаруашылық (кәсіпкерлік) қатынастардың отын-энергетикалық кешенінде құқықтық реттеу туралы біртұтас түсінік қалыптастыру, мүліктік құқықтар мен меншік құқығы қатынастарын, мемлекеттік реттеуді , шаруашылық жүргізуші субъектілердің құқықтық мәртебесінің ерекшеліктерін, шарттық қатынастардың ерекшеліктерін , ҚР отын-энергетикалық кешеніндегі кәсіпкерлік қатынастарды регламенттейтін көздерді және шет елдердің заңнамасын зерделеу болып табылады. Энергетикалық құқық бойынша құқықтық кейстерді шеше отырып, студенттер энергетикалық сала субъектілерінің кәсіпкерлік қызметін заңдық сүйемелдеу, олардың мүдделерін соттарда және мемлекеттік органдарда білдіру және қорғау бойынша, оның ішінде ықтимал тәуекелдерді ескере отырып, шешімдердің заңды нұсқаларын пысықтау жолымен құзыреттерге ие болады.

Бұл курста климаттық үдерістер жүйесі, олардың ғаламдық үдерістермен байланысы, қоршаған ортаға және табиғатты пайдалануға әсерін зерттеу мен болжаудың әдістері сипатталатын теориялық білімдер қарастырылады. Студенттер SWOT, PESTEL әдістерімен және басқа да экологиялық, басқарушылық ақпараттарды талдаудың түрлерін пайдалана отырып талдау жүргізеді, климаттың өзгеруі салдарынан болатын экологиялық қауіптер мен техногенді қауіптерді анықтайды, статистикалық дерек көздерін пайдалана отырып, климаттық сценарийлерді құрастыратын болады.

Пәннің мазмұны: топырақ түзілудің негізгі үдерістері мен факторлары, топырақтың құрамы мен қасиеті. Студенттер топырақ жамылғысының қазіргі жағдайына баға береді және түсіндіреді. Практикалық және зертханалық жұмыстарда студенттер топырақтың әртүрлі қасиеттерін анықтайды, талдамалық практикада өлшегіш приборларды, зертханалық құралдарды пайдалана отырып, топырақ құрамындағы әртүрлі ластаушы заттарды анықтап, оларға талдау жүргізеді.

Курс барысында студенттер өндірістік технологиялық іс-әрекеттерде негізгі экологиялық принциптерді пайдаланудың экологиялық маңыздылығын қарастырады. Студенттер экологиялық зертханаларда қоршаған орта құрамындағы зиянды заттардың максималды жерүсті шамасын және ШРШ есептеулерді үйрену арқылы зиянды шығарындылардың түзілуі жағдайындағы үдерістерге техникалық параметрлердің әсерін талдайтын болады. Курс соңында студенттер өнеркәсіптік салалардан болатын экологиялық зиянды бағалай отырып, командалық жобаны қорғап шығатын болады.

Пән қаланы экологияны құраушы негіз ретінде қоршаған табиғи ортамен өзара байланысының дамуының күрделі заңдылығымен жасанды жүйесі ретінде қарастырады. Алматы қаласының даму Орталығының воркшоптарына шақырылған практиктердің дәрістеріне қатыса отырып, студенттер урбоэкологияны басқару құралдарын қарастырады және урбандалудың әлемдік үдерісіндегі ағымы мен қала адамдарының тұрғын үй экологиясына әсер ететін факторларды талдап, бағалайды. Курстың қорытынды жұмысы – топтық жобаны қорғау.

Оқу практикасы кәсіпорындарда, ұйымдарда немесе кафедра базасында жұмыс арқылы оқу үдерісінде алынған теориялық білімді бекіту мен тереңдетуді қамтитын бастапқы кәсіби құзыреттіліктерді алуға бағытталған. Оқу практикасынан өту барысында студенттер болашақ кәсіби қызметінің функциялары мен міндеттерімен, ұйымдастыру-құқықтық формасымен, ұйымның құрылымымен танысады және ұйымдастыру үдерісіне қатысады, іскерлік хат-хабарлар мен есеп беруді жүргізеді, сондай-ақ еңбек ұжымында жұмыс істеу дағдысына ие болады. Практикадан өту барысында студенттер есеп жазу үшін ақпараттық базаны қалыптастырады және талдайды, оны студенттер практикадан өту нәтижелері бойынша тапсырады және қорғайды.

Курста атом энергетикасын экологиялық-экономикалық реттеу, радиациялық жағдайларда аумақты және халықты қорғау мәселелері, тірі ағзаларға радиоактивті сәуленің әсер етуі жағдайындағы физикалық-химиялық үдерістер қамтылады. Тәжірибелік сабақтарда студенттер дозиметрлік құралдарды қолданады, радиациялық сәулеленудің қуаттылығын есептейді, биологиялық және медициналық мақсаттарды оларды пайдалану туралы міндеттерді шешуді қарастырады. ҚР атом өнеркәсібін дамыту жөніндегі дебаттарды ұйымдастырып жүргізеді.

Курста өңірлік экологиялық қауіпсіздік, қоршаған ортаны қорғау туралы ақпараттардың ашықтығы, экологиялық құқық бұзушылық болған жағдайдағы мүлікке және адам денсаулығына келген зиянның орнын толтыру мәселелері қамтылады. Студенттер егістік зерттеулерге және экспедицияларға (Арал, Байқоңыр, Ферғана алабы), сонымен қатар, ұтымды жобалармен айналысатын сарапшылардың мастер-кластарына қатысады. Экономикалық, экологиялық, демографиялық және әлеуметтік көрсеткіштерге талдау жүргізеді және өңірдің тұрақты дамуына арналған мүмкін жолдарын қарастырады.

Пән келесілерді қарастырады: қалдықтарды басқару механизмдері, қалдықсыз өндірістің негізгі принциптері, қалдықтармен жұмыс жасау барысындағы инновациялық технологиялар. Студенттер инфрақұрылымның жай-күйін бағалайды, қалдықтарды басқару мәселелерін шешуді ұсынады, қалдықтарды кәдеге жаратудың экологиялық жобаларын әзірлейді, есептілік құрауды үйренеді. Қалдықтарды басқару бойынша экологиялық акцияларға, қонақ дәрістеріне және барып қатысу дәрістеріне қатысу жоспарланған.

Пән барысында студенттер ЭРА компьютерлік бағдарламасын қолдана отырып, ластанудың экологиялық-экономикалық есептеулерін жүргізу әдісін үйренетін болады. Студенттер компьютерлік өңдеу көмегімен топырақ және су ресурстарының, әуе бассейнінің жай-күйіне «есептік» байқау нәтижелерін бағалайды. Имитациялық компьютерлік модельдер негізінде (оқытушымен ұсынылатын және студенттер өздері әзірлейтін) қоршаған ортаға әсер ету деңгейі бағаланады. Ол бағалауды студенттер топпен не болмаса жеке есеп түрінде өткізетін болады.

Пән тәуекел-менеджменттегі шешімдер негізінде тәуекелдерді статистикалық талдау әдістемесінен тұрады. Студент тәуекелдер деңгейін бағалай алады, түрлі жағдайларда тәуекелдерді анықтай алады және қабылданған шешімдердің тәуекелдердің төмендеуіне әсерін бағалай алады. Практикалық сабақтарда студенттер жағымсыз оқиғалардың пайда болу ықтималдығын бағалайды, ортаның сыртқы және ішкі факторлары арасындағы байланысты анықтайды, сапалық және сандық әдістер негізінде болашақ тәуекелдерге болжау жасайды.

Пән тірі ағзалар мен қоршаған орта арасындағы химиялық элементтердің көшуі және массалық алмасуын қарастырады. Студенттер жазбаша және ауызша тапсырмаларды орындай отырып және топта талқылау арқылы қоршаған орта мен адам арасындағы экотоксиканттардың өзара әрекеттесу заңдылығы мен механизмдерін түсіндіреді. Тәжірибелік сабақтарда студенттер экотоксиканттарды, ксенобиотиктерді анықтайды және салыстырады, қоршаған ортаға және тірі ағзаларға олардың түсу жолдарын анықтайды.

Курс барысында студенттер экологиялық-экономикалық талдау принциптерін үйренеді және тәжірибелік кейстерді шешу үшін экономикалық-математикалық үлгілеу әдістерін қолданады. Соның ішінде, экологиялық игіліктер мен табиғи ресурстардың құндылығын бағалайды, қаржылық нарықтың тұрақсыздық қауіптілігін, шикізатқа бағаның төмендеуін және т.б. есептейді. Студенттер топтық жобаларды орындай отырып, экологиялық-экономикалық реттеудің нақты механизмдерін ұсынады және дөңгелек үстел түрінде баяндамалар әзірлейді.

Пәннің мазмұны тұрақты даму парадигмасына сәйкес, кәсіпорындағы ISO 14000 және 9001 стандарттарын қолдайтын табиғатты пайдалануды басқару принциптерінен тұрады. Студенттер кәсіпорынның экологиялық саясатын, экоменеджментін ұйымдастыру мен ендіру жөніндегі құралдармен қоршаған ортаның сапасын басқару жүйесін зерттейді, кәсіпорынның экологиялық аспектілерін қарастырады, экоаудит жүргізу бойынша нақты кейстерді шешеді. ISO 19011 экоаудитті және стандартты жүргізу бойынша сарапшылармен қонақ дәрістер қарастырылған.

Өндірістік практика оқыту үдерісінде алынған білімді бекітуге, тәжірибелік дағдыларды меңгеруге және озық тәжірибені меңгеруге бағытталған. Практика білім алушылардың кәсіби қызметтің барлық түрлерін кешенді меңгеруін, жалпы және кәсіби құзыреттерді, сондай-ақ командалық жұмыс дағдыларын қалыптастыруды мақсат етеді. Практика студенттің бастамасы бойынша және білім беру бағдарламасының бейініне сәйкес келетін ЖОО ұсынған немесе таңдалған мекемеде/ұйымда өтеді. Практика аяқталғаннан кейін студенттер жоспарланған оқу нәтижелеріне қол жеткізуді көрсете отырып, есепті тапсырады және қорғайды.

Курс өсімдіктер, жануарлар және басқа да ағзалардың географиялық орналасу және таралу заңдылығын қарастырады. Студенттер жер бетіндегі ағзалар және олардың қауымдастығының қазіргі таралуы ме түрлік құрамындағы өзгеріс себептерін түсіндіреді. Тәжірибелік сабақтарда ареалдардың кадастрлық-анықтамалық картасын түзеді және сыртқы белгілері бойынша тірі ағзалардың мүмкін мекен ету ортасын анықтайды.

Пән ландшафттардың қалыптасуын, типологиясын, құрылымын, жер бетіндегі ландшафттық дифференциациясын, динамикасы мен дамуын қамтиды. Студенттер жазбаша тапсырмаларды орындау арқылы табиғи-шаруашылық кешенді және оның бағынушылығы, табиғи-аумақтық кешенді анықтайды., ландшафттық профильді талдай отырып, ландшафттық картаны оқи отырып, ландшафтты жіктейді және типология жүргізеді.

Мазмұны: экологиялық сараптаудың құқықтық және нормативтік-әдістемелік негіздері және жоспарланған әрекеттің экологиялық негіздемесі. Студенттер ҚР НҚА номенклатурасын, ҚОӘБ жататын халықаралық келісімдер мен стандарттарды қарастырып талқылайды; жалпыміндеттемелік нормативтерді айқындай отырып, салыстырмалы талдаулар жүргізеді. Экологиялық қауіпсіздік туралы сараптау барысында сәйкес бақылаушы органдарға ұсынылатын кәсіпорынның құжаттамалық түрлерінен тұратын нақты кейстер жинағы портфолио жасауға арналған негіз болып табылады.

Пәнде табиғи және антропогендік әсерлерден пайда болатын географиялық ортаның және оның компоненттерінің қалыптасуының, динамикасының және дамуының геоэкологиялық ерекшеліктері қарастырылады. Студенттер геоэкологиялық мониторинг пен егістіктік және экспериментальды геоэкологиялық зерттеулер, соның ішінде карталау (геоэкологиялық көріністер) көмегімен әртүрлі аудандардағы геоэкологиялық кешендердің антропогендік өзгерістерінің деңгейін талдайды және бағалайды.

Дипломалды практикасы дипломдық жұмысты (жобаны) дайындауға және жазуға бағытталған. Дипломалды практикасы кезінде білім алушы кәсіпорын қызметімен және зерттеу міндеттері контекстіндегі есептілікпен танысады; зерттеу тақырыбы бойынша қаржылық-экономикалық және практикалық материалдарды жинауды жүзеге асырады, өз тақырыбы шеңберінде компанияның негізгі мәселелерін зерттейді. Практика есепті тапсырумен және қорғаумен аяқталады, ал практика нәтижелері дипломдық жұмысты (жобаны) жазу үшін пайдаланылатын болады.

Экология және табиғатты пайдалану экономикасы саласындағы кәсіби іс-әрекеттерді жүзеге асыру үшін, мәліметтерді талдау және болашақты болжамдау, табиғатты пайдалану және экологияның іргелі салаларындағы теориялық әзірлемелерді, парадигмаларды, негізгі тұжырымдарды үйлестіруге қабілетті.

Сәйкес сандық технологияларды, құралдарды және теорияларды пайдалана отырып, экологиялық басқару саласындағы кәсіби іс-әрекеттерді жүзеге асырады.

Командамен жұмыс істеуге, ауызша және жазбаша коммуникативті дағдыларды меңгере отырып, тұлға ретінде және ұйымның мүдделі тараптары атынан шешім қабылдауға.

Экологиялық қауіптердің алдын-алу тәсілдерін болжамдауды қоса алғанда, экологиялық-экономикалық жобаларды әзірлеуге.

Ішкі және сыртқы мүдделі тараптар үшін, аналитикалық, кәсіби және басқарушылық ақпараттарды талдауға және ұсынады.

Экологиялық зертханаларда әртүрлі қолданбалы зерттеулерді жүргізе отырып, әртүрлі ортадағы әртекті ластаушыларды айқындауға.

Қоршаған орта сапасының нормативтері және жүргізілген экологиялық мониторингтің нәтижелерін ескере отырып, экологиялық көрсеткіштері бойынша ұйымның есептлігін құруға.

Ұжымдық әлеуметтік жауапкершіліктің принциптерін және этикалық салдарын ескеріп, әртүрлі аналитикалық әдістерді пайдалана отырып, өзекті ақпараттарды талдау арқылы шешім қабылдауға және оның салдарын.

Қоғамға қызмет ету, кәсіпкерлік сананы қалыптастыру және жеке әлеуетті ашу үшін, өзіндік оқытуға үйрету және көшбасшылық сапаның пайда болуына.

Қоршаған ортағы әсер етуді бағалай отырып, ақпараттық технологияларды және алуантекті әдістерді пайдаланумен ластаушыларды экологиялық-экономикалық есептеулерді жүзеге асыра отырып, экологиялық аудит пен сараптама жүргізуге.