7M04108 Іскерлік әкімшілік жүргізу в Қ. Жұбанов атындағы Ақтөбе өңірлік мемлекеттік университеті

Курсты оқу барысында магистранттар стратегиялық басқару сараптамасының заманауи әдіс-тәсілдерін, кәсіпорынның жұмысын бағалау және дамуына болжам жасауды үйренеді. Сондай-ақ, пәнді меңгеру арқылы өз бетінше экономикалық сараптама, экономикалық модельді жасау, кәсіпорынның шаруашылық қызметінің нәтижелі жұмыс істеу тетіктерін табуды үйренеді.

Бұл курстың негізгі мақсаты магистранттарда ұйымдық мәдениеттің теориялық-әдістемелік негіздері, оның базалық моделдері мен теориялары, сонымен қатар заманауи корпоративтік мәдениеттік ерекшеліктері туралы жүйелі білімдер кешенін қалыптастыру. Бұл курсты меңгеру компания ішіндегі мәдениеттердің өзара әрекеттерін зерттеу бойынша дағдыларды игеруге, ұйымның мәдениетінің қалыптасуына, оны сақтау және оңтайландыруға ықпал етеді

Бұл курс магистранттарда ұйым теориясы, кәсіпорынның қызмет ету механизмі, сонымен қатар кәсіпорын персоналының өзара әрекет етуі мен мінез-құлқының ерекшеліктері бойынша жүйелі білім кешенін қалыптастырады. Курсты меңгеру барысында ұйымдастырушылық мінез-құлықты тиімді басқару үшін, жұмыскерлердің тұлғалық ерекшеліктерінің негізінде және ұйым дамуының негізгі мақсаттарына сәйкес менеджменттің инновациялық инструменттері мен тәсілдерін қолдану бойынша практикалық дағдылар мен қабілеттер игеріледі.

Бұл курс магистранттарды жобалық талдау(экспертиза) және жобалық қаржыландыру саласында білім кешенін; жобаның қаржы-экономикалық талдау жүргізу, жобаның қарджылық моделін жасақтау қабілеттерін қалыптастырады. Әртүрлі типтегі жобаларды негіздеу деңгейлері, жобалық қаржыландыруды алу үшін қажетті құжаттар пакетін қалыптастыру

Аталған курсты оқыту барысында магистранттар оңтайлы шешім қабылдауда теориялық және практикалық ортақ әрекеттерді кеңінен меңгеріп, кейін ұйымдарды басқару кезінде соны кәдеге жаратуы тиіс. Курстың мазмұны, сонымен қатар, басқару шешімдерін оңтайландыруда ойын әдістерін, басқа да жоспарланбаған тәсілдерді қолдану арқылы қабылдауды үйретуге негізделген.

Бұл курсты меңгеру магистранттарда басқарудың заманауи ғылыми әдістеріне, ұйымдастырушылық жоспарлаудың алдыңғы қатарлы технологиялары мен құралдарына, инжиниринг және реинжиниринг концепцияларына, корпортивтік және әлеуметтік жауапкершілікке негізделген жаңа басқарушылық технологияларды қолдану саласындағы жүйелі білімдері мен дағдыларын қалыптастрады.

Курс магистранттардың бойында басқару туралы түсінікті қалыптастыру, жобаларды басқаруда ғылыми әдіс-тәсілдерге сүйенуді үйретеді. Пәнді меңгеру барысында жобалауды ұйымдастыру кезінде практикалық әдіс-тәсілдерді, сонымен қатар, жобаның әр кезеңінде басқару тұрғысынан тиімді әрекет етуді үйрету көзделген.

Бизнестің тиімді әрекет етуі үшін оның барлық құрамдас бөліктеріне зерттеулер жүргізу қажет. Бұл курс магистранттарда ғылыми зерттеулер мен негізгі экономикалық процестердің мәні туралы тұтастай ұғым қалыптастырады, экономика мен бизнестің әр түрлі сфераларында ғылыми зерттеулер жүргізудің практикалық дағдыларын қалыптастырады

Бұл курсты оқу барысында магистранттарда бухгалтерлік есеп саласындағы ақпараттық автоматтандырылған технологиялардың теориялық негіздері бойынша жүйелі білім кешені қалыптастады. Бұл курс экономиканың әрқилы саласындағы бухгалтердің есеп бағытындағы қойылған есептерді шешу барысында ақпараттық технологияларды жасақтау мен қолданудың практикалық дағдыларын игеруге мүмкіндік береді

Курсқа магистранттар оқу барысында стратегиялық мақсат және компанияны дамытуда балама таңдау жасау туралы концептуалды пікір қалыптастыруға дағдыланады. Пәнді меңгеру барысында магистранттар фирмаға іштей және сырттай сараптама жасау туралы білімдерін жетілдіріп, оның нарықтағы бәсекеге қабілеттілігі, табысқа жетуге жетелейтін факторлар, стратегиялық ұсыныстар дамытып, жүзеге асыру стратегияларын меңгереді.

Бұл курс аясында магистранттарда нарық жағдайында қазіргі экономиканың дамудың заңдылықтары мен экономикалық агенттердің (шаруашылық қатынас субъектілерінің) іс-әрекет принциптері туралы жүйелі көзқарас қалыптасады. Сонымен қатар, бұл пән басқарушылық шешімдерді қабылдау үшін өндірістік функцияларды, ұйымның табысы мен шығындарын талдаудан тұратын экономикалық ақпаратты жүйелендіру, талдау, қорытындылауды қамтитын дағдыларды игеруді қарастырады.

Бұл курс кәсіпорында процестік бағыттың әдістері мен тәсілдерін қолданудың, бизнес-процестерді моделдеудің әдістемесі мен инструменталдық құралдарын пайдаланудың дағыдылары мен қабілеттерінің кешенін қалыптастырады. Сонымен қатар, бизнес-процестердің тиімділігін арттыруға мүмкіндік беретін шараларды жасақтаудағы бизнес-процестерді жеке талдау, бизнес-процестерді оңтайландыру, реинжиниринг, автоматтандыру мен бақылау дағдыларын қалыптастырады.

Өзгерістерді басқару қоршаған ортаның динамикалық және болжанбайтын жағдайында ұйымдардың бейімделудің мүмкін болатын тәсілдерін игеруді білдіреді. Бұл курс ұйымдағы өзгерістерді жоспарлау және енгізу әдістері мен бағдарламалық әдістерді жүзеге асырудың алгоритмдері үшін қалыптасады. Өзгерістерге локалды қарсы тұру технологияларын қамтиды.

Инновацияларды басқару оларды жасау мен енгізуді қамтамасыз ететін шаралардың тұтас жүйесін білдіреді. Бұл курс магистранттарда қоғамда жүзеге асырылып жатырған инновациялық процестерді зерттеудің әдістемелік негіздері, инновацияларды басқару саласындағы тиімді шешімдер туралы кешенді білім қалыптастырады.

Пәннің мақсаты магистранттарға экономикалық дағдарыс, дағдарысқа қарсы менеджмент, кәсіпорынды қаржылық тұрғыдан оңалту туралы түсінік қалыптастыру және компанияның дағдарысқа қарсы саясатын жасауды меңгерту. Болашағы айқындалмаған кәсіпорынға экономикалық талдау жасау тәсілдері, дағдарысқа қарсы стратегиялық балама ұсыну және кәсіпорынды дағдарысқа қарсы басқарудағы тәсілдерді меңгертуді көздейді

Бұл курсты меңгеру магистранттарда бренд-менеджменттің теориялық аспектілері мен компанияның бизнес-стратегияларын ескере отырып бәсекеге қабілетті сауда маркаларын жасақтау туралы жүйелі көзқарас қалыптастыруға мүмкіндік береді. Бұл курстың мазмұны сауда маркаларының идентификациясы мен позициясын анықтауды, маркетингтік стратегияларды ескере отырып олардың дамуын басқаруды, фирма брендтерінің портфеліне аудит жүргізу мен оңтайландыруды қамтиды

Сандық маркетинг сандық технологиялар негізінде клиенттермен және бизнес-қосымшалармен өзара әрекет жасауды қамтамасыз етеді. Бұл курс сандық әлемдегі технологиялар арқылы стратегия, бренд-менеджмент, тиімділік, зерттеу, сегменттеу, белсендендіру дағдыларын қалыптастырады

Бұл курсты оқып-білу барысында кросс-мәдени менеджменттің теориялық-әдістемелік негіздері бойынша жүйелі көзқарас пен тереңдетілген білімдер кешені қалыптасады. Курс мазмұнына әр түрлі мәдениеттерді оқып-білу, ұйымның жұмыскерлерінің іс-әрекеттерін зерттеу кіреді. Сонымен қатар, курсы меңгеру барысында тиімді мәдениаралық коммуникациялар игеріледі

"Қаржылық талдау" курсы аясында қаржылық тұрақтылықты сипаттайтын қаржылық көрсеткіштер тобын зерттеуді қоса алғанда, қаржылық талдау негіздері қарастырылады. Сонымен қатар, курс кәсіпорындардың қаржылық қызметін талдау үшін қажетті іргелі білімді қалыптастыруды қамтамасыз етеді, сонымен қатар магистранттарға кәсіпорынның қызметін терең талдауға мүмкіндік беретін құралдарды қолдана отырып, шаруашылық жүргізуші субъектінің қаржылық тұрақтылығы мен тиімділігін анықтау үшін тиісті шешімдер қабылдау үшін қажетті есептеулерді қолданудың рөлін түсіну үшін қажет практикалық дағдылар жүйесін қалыптастырады.

Берілген курсты меңгеру барысында магистранттарда кәсіпорынның операциялық қызметін ғылыми-негізделген басқаруды жүзеге асыруға ықпал ететін тереңдетілген білімдер кешені қалыптасады. Пәннің мазмұны магистранттарда ұйымдағы операциялық қызметті басқару саласында талдау мен синтездің әдістерін қолдану дағдыларын, сонымен бірге олармен байланысты оперативті, стратегиялық, тактикалық шешімдерді қабылдау әдістерін игеруді қамтиды.

Бұл курс магистранттарға салықтық ағындар туралы терең білім алуға, салықтық жоспарлаудың принциптері мен кезеңдері туралы жүйелі көзқарасты қалыптастыруға мүмкіндік береді. Курс мазмұны магистранттарға салық заңнамасында туындайтын өзгерістерге баға беру қабілетін, қаржылық басқару жүйесіндегі салық менеджментінің стартегиялары мен ұйымдастыру әдістерін қолдану дағдыларын меңгертуді қарастырады

Бұл курсты меңгеру маистранттарда көшбасшылықтың базалық және дәстүрлі теориялары, көшбасшылық тәсілдері, оның әлеуметтік-психологиялық негіздері туралы тереңдетілген білімдерді қалыптастырады. Аталған пәннің мазмұны магистранттардың бойында лидерлдік имидж жасау, лидерлік қасиеттерді қалыптастыру, оларды дамыту мен жетілдіру секілді дағдыларды қалыптастыруды қарастырады.

Курста нарықтық ортада жетекші позициялардың күрделі бәсекелестік жағдайында жеңіске жету үшін тауарлардың, қызметтердің, компаниялардың брендтерін құрудың, нарыққа шығарудың, қолдаудың, нығайтудың және капиталдандырудың барлық кезеңдерінің теориялық және практикалық аспектілері қарастырылған.

Ұйымдастырушылық мінез-құлықта, ұйымдағы мәдениетаралық өзара іс-қимылда, басқарудың ұйымдастырушылық мәдениетінде, оның ішінде дағдарыс жағдайында көшбасшылық қасиеттерге ие бола отырып, басқарудың жаңа нысандары мен технологияларын әзірлейді

Жүйелі және сыни ойлау негізінде өзекті ақпаратты талдау, басқару және бизнес саласындағы дербес ғылыми зерттеу нәтижелерін түсіндіру қабілетін көрсетеді

Ұйымның сыртқы және ішкі ортасына cтратегиялық талдау, экономиканың, бизнестің және басқарудың әр түрлі салаларында бизнесті талдау, басқарушылық, қаржылық талдау жүргізеді

Бизнес үдерістерді басқаруды, өзгерістерді, инновацияларды, басқарушылық экономикадағы басқару шешімдерін қабылдауды және оңтайландыруды бағалайды

Сандық технология негізінде бәсекеге қабілетті сауда маркаларын, брендтерді, клиенттермен өзара әрекеттесуді және бизнес қосымшаларын дәйекті және жүйелі түрде жобалайды

Командалық жұмысты ұйымдастыру және басшылық ету дағдыларын, заманауи стильдер мен әдістерді пайдалана отырып, операциялық басқару, салық салу және бизнес саласында кәсіби функцияларды жүзеге асыруға қабілетті

Жобалық менеджменттің заманауи әдіснамасын, жобалық талдау және қаржыландыру дағдыларын, бухгалтерлік есептің негізгі міндеттерін шешу үшін жаңа басқарушылық технологияларды, бағдарламалық құралдарды қолдануды меңгереді