6B07210 Тағам қауіпсіздігі в Қазақ ұлттық аграрлық университеті

Пән ресми хат алмасу негіздерін үйретуге арналған. Курс бағдарламасы экономика, сыртқы сауда және қаржылық қызмет саласындағы корреспонденцияның әртүрлі түрлерін аудару және құрастыру дағдыларын қалыптастыруға ықпал етеді.

Пәнді игеру мақсаты маманның математикалық білімінің негізгі іргетасын қалау болып табылады. Пәнді оқу барысында келесі бөлімдер қамтылады сызықтық алгебра, векторлық алгебра, аналитикалық геометрия және математикалық талдау элементтері. Қазіргі заманғы талдау әдістерін қамтиды және қолданбалы есептерде математикалық әдістерді қолдануға бағыт береді.

Кәсіпкерліктің этикалық негіздерін, хаттама, этикалық нормалар, тарихи практика негізінде қалыптасқан және ішінара нормативтік құжаттарда бекітілген этикет талаптары аясында ресми адамдармен және шетелдік серіктестермен іскерлік қарым-қатынастың психологиялық-этикалық аспектілерінің негізгі принциптерін игеру.

Сызбаларды құрудың теориялық негіздерін қалыптастыру; конструкторлық құжаттаманың бірыңғай жүйесі туралы, конструкторлық құжаттаманы ресімдеу ережелері туралы білімді қалыптастыру; бұйымдардың сызбаларын әзірлеу және оқу практикалық дағдылары мен біліктерін қалыптастыру. Студенттердің КҚБЖ талаптарын қанағаттандыратын конструкторлық құжаттаманы алу үшін инженерлік-графикалық жұмыстарды автоматтандырудың универсалды ортасын игеруі; AutoCAD жүйесінде сызбалар жасау әдістемесі; студенттерді конструкторлық құжаттаманы орындау және ресімдеу қағидаларына оқыту; сызбаларды жасау және оларды сақтау, дайын сызбаларды өңдеу; сызбаларды плоттерге немесе принтерге шығару.

Физиканың заңдары мен негізгі қағидаларын ауылшаруашылық кешеніндегі гылыми - техникалық прогресстің дамуына сай қазіргі заманның физикасы арқылы оқып үйрету, олардың өз ара байланыстарын, біртұтастығын, өзара тәуелділігінің мән мағынасын жеткізу.

Курс экология саласындағы теориялық білімді береді, студенттердің экологиялық сауаттылығын арттыруға ықпал етеді, экологиялық ойлауды қалыптастырады, сондай-ақ бұл білімді кәсіби және өзге де қызметте қолдану қабілетін қалыптастырады.

Пән компьютерлік графика түрлерін қарастырады және түстерді қалыптастыру, басқару мәселелерін сипаттайды. Ажыратымдылық және өлшемдер сияқты ұғымдарға, сондай-ақ графикалық ақпаратты сығу тәсілдеріне; бейнеконференцияларды ұйымдастыру әдістеріне; ақпаратты енгізу, шығару және көрсету құрылғыларына көп көңіл бөлінеді. Дыбыстық және бейнеақпаратпен жұмыс істеуге арналған бөлімдерде есту мен көрудің негізгі қасиеттері; дыбыстық сигналдар және олардың сандық ұсынылуы; теледидар негіздері; дыбыстық және бейнеақпаратты сығу әдістері; көп арналы дыбыстық жүйелер және дыбысты өңдеу әдістері сипатталған.

Қауіпсіздіктің кәсіби мәдениетін қалыптастырады және алған білімдерінің жиынтығын кәсіби қызметте қолданып, кәсіби қызмет саласындағы қауіпсіздікті қамтамасыз ету үшін біліктілік пен дағдылардың қабілеттілігі түсіндіріледі.

Курс бағдарламасы жалпы тамақ өнеркәсібі, салалар топтары және нақты сала бойынша статика мен динамикадағы негізгі экономикалық көрсеткіштер бойынша қазіргі заманғы параметрлер деңгейінде ақпараттық материалдың қажетті қорын көздейді. Экономиканы зерттеу тұтастай салаға, әсіресе кейіннен нақты экономикалық пәндер циклінен шығатын бөлімдерге бағытталған.

Тағам өндірісінің процестері мен аппараттарының негізгі түсініктері мен жіктелуін қарастырады. Гидромеханикалық, жылу, масса алмасу және механикалық процестердің теориялық және практикалық аспектілері зерттеледі, сонымен қатар осы процестердің тамақ өнеркәсібінде практикалық қолданылуы және құрылғылардың негізгі құрылымдары көрсетілген.

Курс бейорганикалық және органикалық химиялық қосылыстармен таныстырады, олардың химиялық қасиеттерімен, өмірде, өнеркәсіпте, ауылшаруашылықта және тағам өндіруде. Тағам өндірісте химиялық қасиеттерді білу адам немесе қоғам уланудан не басқа да қауіпті жағдайдан алдын алуға болады, әсіресе тағам көп өауымға дайындалса.

Курс бағдарламасы мемлекет пен құқықтың пайда болуының негізгі теоретиларын, ерекшеліктерін, мәнін, әдістерін анықтауды қарастырады. Қазақстан Республикасының конституциялық, әкімшілки, еңбек, азаматтық құқық, қылмыстық, отбасылық, жер, қаржо, салық, банк, сақтандыр құқығы сияқты құқық принциптеріны, салаларын, сыбайлас жемқорлыққа қарсы заңнам саласында студенттердің құқықтық сауаттылығын арттыра, сыбайлас жемқорлыққы қарс дүниетаный, сыбайлас жемқорлыққы қарс мінез -құлық стандартн, сыбайлас жемқорлықтың кез келген көрінісіне төзбеушілік қарым-қатынасты қалыптастыру.

Тамақтану ғылымы мен тағам индустриясының дамуына әртүрлі факторлардың әсерін ескере отырып, шикізаттың химиялық құрамының ерекшелігін, демографияны, тамақтану мәдениетін, тамақтану туралы ғылыми білімді қалыптастыру. Қазіргі заманғы көзқарастарға сәйкес тамақтану туралы ғылымның тарихы мен дамуы бойынша білімді тереңдету, тамақтану тұжырымдамасын қалыптастыру мәселелерін қарауға диалектикалық көзқарас дағдыларын үйрету, пәнаралық байланыстарды және тағам сапасы мен технологиясы туралы тұтас бағытты ашу.

Тағам даярлаған кезде қандай химиялық процестер жүретінін осы курс түсінуге мүмкіндік береді. Тірі организмдегі барлық ерітінділер коллоидты. Тағам дайындау, қабылдау, қорту физикалық және коллоидтық химия көзқарасынан түсіндіріледі. Сондықтан міндетті түрде термодинамика, жылу процестер, адсорбция, дисперстік, коллоидті болшек, мицелла, золь, гель дегенді міндетті түрде білу қажет осы мамандықты игеру үшін.

Пән тағам өнімдерін өндіру және сапасын бағалау саласында білім береді: азық - түлік шикізаты мен тамақ өнімдерінің химиялық құрамы, тамақ технологиясындағы және адам ағзасы үшін макро-және микронутриенттердің маңызы, тамақтану физиологиясының негіздері, тамақтанудың негізгі тұжырымдамалары. Тағам шикізаты мен өнімдерінің химиялық құрамын, өңдеу және дайын өнімдерін алу кезінде болатын химиялық процестердің жалпы заңдылықтарын қарастырады.

Биохимиялық құбылыстардың негізгі заңдылықтары туралы білімді қалыптастыру, осы білімді табиғатта болып жатқан процестерді түсіну және экологиялық мәселелерді шешу үшін қолдану. Пән жануарлар шикізатын тағамдық, дәрілік немесе техникалық препараттарды өндіруде шикізаттың құндылығының сақтай отырып ұтымды пайдаланудың қасиеттері мен мүмкіндіктерін білуді, технологиялық процесті жүргізу қажеттілігін түсінуді қамтамасыз етеді.

Тауарлардың тұтынушылық қасиеттерін, сондай-ақ тауар қозғалысының барлық кезеңдерінде өнімде болатын өзгерістерді зерттейді. Технология факторларының (шикізат, материалдар, өндіріс процестері) тауардың қасиеттеріне әсерін зерттеуге әдістерін әзірлеу.

Пән микроорганизмдердің морфологиясы мен физиологиясын, олардан туындаған биохимиялық процестерді зерттейді, шикізатты тасымалдау, сақтау, сату және өңдеу кезінде тамақ өнімдерінде дамитын микрофлораға экологиялық факторлардың әсерін қарастырады. Тағам өнімдерінің сапасының төмендеуіне немесе құндылығының жоғалуына әкелетін бірқатар патогендік, шартты патогендік аурулардың түрлері мен микробиологиялық процестердегі микроорганизмдердің рөлі.

Функционалдық мақсаттағы өнімдерді өндіру саласында теориялық білім алу, өндірістік-технологиялық және ғылыми-зерттеу қызметі үшін қажетті жұмыс біліктері мен дағдыларын қалыптастыру. Функционалды және десертті мақсаттағы тағам өнімдерін өндірудің ғылыми негіздерін ашу, технологиялық процестермен, функционалды мақсаттағы өнімдерді өндірудің технологиялық сызбаларын құру принциптерімен, қалдықсыз технологияларды құру мәселелерімен, шикізат пен өнім сапасына қойылатын талаптармен таныстыру.

Микроорганизмдердің патогенділігін, тағам өнімдерінің сақталуын, ыдырау және ашыту процестерін, тағамдық инфекциялар мен улануларды; сүт, ет, жұмыртқа, балық, өсімдік және консервіленген тамақ өнімдерінің микрофлорасын зерделейді, сондай-ақ олардың микробтық бүліну түрлері және өнімдерді сақтау процесінде оның алдын алу мүмкіндіктері көрсетіледі.

Қоғамдық тамақтандыру өнімдері технологиясы саласындағы негізгі ұғымдарды меңгеру, технологиялық циклдің негізгі кезеңдерінің мазмұнын және технологиялық принциптерді зерттеу, тағам дайындау процесінде негізгі тағамдық заттардың өзгеруі, дайын өнімнің сапасын қалыптастыратын процестер, олардың өнімнің құрылымына, тағамдық құндылығына әсері, көкөністерді, етті, балықты бастапқы аспаздық өңдеудің технологиялық процесін ұйымдастыруға және жүргізуге қатысу дайындау және босатудың технологиялық процесін санитариялық нормаларды, жұмыс орнын ұйымдастыру шарттарын сақтай отырып жүргізу, шикізаттың, жартылай фабрикаттардың және дайын өнімнің сапасын айқындау жөніндегі, шикізаттың түрін, кондициясын, өзара алмастырылуын және маусымдылығын ескере отырып, технологиялық және техникалық-технологиялық карталарды жасау жөніндегі, қажетті нормативтік құжаттарды пайдалану жөніндегі машықтар мен дағдыларды меңгеру шикізаттың, жартылай фабрикаттардың нормаларын және дайын өнімнің шығуын есептеу.

Сақтау кезінде азық-түлік өнімдерінің сапасы мен массасына әсер ететін факторлар (газ құрамы, температура, ауа ылғалдылығы; микроорганизмдер; тамақ өнімдерінің зиянкестері; ыдыс; биохимиялық процестер). Азық-түлік өнімдерін (ет және ет өнімдері; жұмыртқа және жұмыртқа өнімдері; сүт және сүт өнімдері; балық және балық өнімдері; бакалея тауарлары; нан және нан-тоқаш өнімдері; кондитерлік өнімдер; алкогольді және алкогольсіз сусындар; консервілер) сақтауды ұйымдастыру.

Пән кәсіпорында қолданылатын нормативтік құжаттарды, олардың мақсатын, кәсіпорынның жеке құжаттар базасын құру мүмкіндігін, сондай-ақ өнімнің сапасын растауды зерттейді. Кәсіби қызметте қолданылатын заманауи әдіс-тәсілдерді меңгеру.

Пән тағам өнімдерінің сапасы мен қауіпсіздігі бойынша курстарды, жаңа технологияларды қолдана отырып кейбір тағам топтарындағы жалғандықты, тағамды сәйкестендіруді және бұрмалауды, сондай-ақ өнімдердегі қоспалардың мөлшерін анықтау мүмкіндігін зерттейді. Практикалық сабақтар сенімділікті анықтау үшін сәйкестендіруді қолдануға бағытталған.

Пән функционалды және мамандандырылған өнімдерді өндіруге арналған шикізаттың химиялық құрамын, олардың тағамдық, биологиялық құндылығын, технологиялық қасиеттерін, шикізатқа әсер етудің физикалық, химиялық, микробиологиялық және басқа әдістерін қолдана отырып өндіріс технологиясын, шығарылатын өнімнің сапасы мен ассортиментін жақсартатын прогрессивті бағыттарды, заманауи экологиялық талаптарды ескере отырып, қалдықсыз технологияларды дамытудың негізгі жолдарын зерттейді.

Өсімдік, жануар тектес шикізаттың жаппай, химиялық құрамын, физикалық, жылу-физикалық қасиеттерін, тағамдық құндылығын, шикізаттың сапалылығын зерттеу. Консервілеу принциптері қарастырылады: БИОЗ, анабиоз, ценоанабиоз, абиоз, онда әртүрлі тамақ өнімдерін өндіру негізделеді. Өсімдіктер мен жануарлардан алынатын шикізаттан өндірілетін өнімдердің тағамдық технологиялары саласындағы, сондай-ақ олардың сапасының негізгі көрсеткіштерін айқындаудағы білімінің негізі қаланады.

Пән тағам өнімдерін бақылау саласында, тағам өнімдерін химиялық бақылау және оның маңызын түсіндірудегі аналитикалық химияның негізгі бағыты. Тамақ массаларының құрылымдық-механикалық қасиеттерін анықтау үшін технологиялық процестерді модельдеу, өлшеу және аспаптық техниканы модельдеу үшін реологиялық модельдерді құру әдістерін практикалық қолдану дағдыларын алу.

Пән нан-тоқаш және макарон өнімдерін өндірудің қазіргі заманғы технологияларын, технологиялық процесс операцияларын және өндірістің технологиялық схемаларын, нан-тоқаш өнімдерін илеу, пісіру кезінде болатын процестерді, ассортиментті, орау тәсілдерін, таңбалауды, бұйымдардың жарамдылық (сақтау) мерзімдерін, нан пісіруді жақсартқыштарды, өндірістің бастапқы есебін ұйымдастыруды зерделейді. Нан пісіру және макарон өндірісін дамыту перспективалары, нан-тоқаш және макарон өнімдерін өндіру технологиясы саласындағы отандық және шетелдік ғылымның жаңа жетістіктері, өндірістік санитария және еңбекті қорғау талаптары, тамақ өнімдерінің сапасы мен қауіпсіздігін (зиянсыздығын) арттыру мәселелері, өндірістің технологиялық процестерін жетілдіру, ресурс үнемдейтін технологияларды, азық-түлік және дәстүрлі емес шикізаттың жаңа түрлерін енгізу мәселелерін қарайды.

Тағам өнімдерін өндіруде қолданылатын дәстүрлі биотехнологиялық процестердің азық-түлік тауарларының тұтынушылық қасиеттерін қалыптастырудағы рөлі, тағам биотехнологиясының қазіргі жетістіктері және оны дамытудың негізгі бағыттары туралы білімді қалыптастыру. Биотехнологиялық процестер туралы білімді тағам өнеркәсібі саласындағы практикалық мәселелерді шешу және салдарын бағалау үшін қабілеттерді қалыптастыру.

Шикізат пен қосалқы материалдардың, жартылай фабрикаттардың өндірістік бақылауды, технологиялық процестердің параметрлерін және дайын өнімнің сапасын бақылауды жүргізу бойынша кәсіби міндеттерді шешу үшін қажетті теориялық және практикалық білімді қалыптастыру және іскерлік дағдыларды игеру.

Сынақтар мен бақылауды жоспарлау, ұйымдастыру және жүргізу әдістерінің негізгі ережелері туралы білімді қалыптастыру, өнеркәсіптің әртүрлі салаларының бұйымдарына зерттеу, анықтау және бақылау сынақтарын жүргізудің тәжірибелік пайдалануда, полигондарда, өндірістік кәсіпорындарда және жобалық ғылыми-зерттеу ұйымдарында ұйымдастырушылық, әдістемелік және техникалық сынақ нәтижелерін өңдеу.

Тағам концентраттарының жіктелуін, құрамын және ерекшеліктерін, оларды өндіру үшін шикізаттың сипаттамасын; тамақ концентраттарын өндіру технологиясын және пайдаланылатын технологиялық жабдықтың сипаттамасын зерделейді. Тағамдық концентраттарының рецептерін, кептіру, шикізатты дайындау, өңдеу және дайын өнімді сақтаудың негізгі режимдері мен әдістерін қарастырады.

Құрама жем өнімдерін өндіруге арналған шикізаттың, технологиялық процестер мен борпылдақ және түйіршіктелген құрама жем, құрама жем жармасы, премикстер, карбамидті концентрат өндіруге арналған жабдықтың сапасы мен қауіпсіздігін бағалау бойынша білімді қалыптастыру, құрама жем өнеркәсібі өнімдерін сақтау технологиясы.

Азық-түлік тауарларының сапалық белгілерінің номенклатурасындағы органолептикалық (сенсорлық) көрсеткіштердің жетекші орнын ескере отырып, ғылыми негізделген дәмдік талдаудың әдіснамасы мен негізгі әдістерін зерттеу. Азық-түлік тауарларының заманауи дегустациялық талдауын ұйымдастыру туралы ғылыми ақпарат беру; өнім сапасының көрсеткіштері жүйесіндегі сенсорлық белгілердің орнын көрсету; органолептикалық сапа көрсеткіштерінің номенклатурасын және ұғымдық аппаратты, органолептиканың психофизиологиялық негіздерін, сараптамалық әдіснаманың негізгі принциптерін және тауарлар сапасының органолептикалық көрсеткіштерін сандық өлшеу үшін квалиметрияны қолдануды қарастыру.

Пәнді оқу азық-түлік өнімдерінің адам денсаулығы үшін қауіпсіздігі тұрғысынан бағалау дағдысын қалыптастыру болып табылады. Қазіргі заманғы жабдықтар мен аспаптарды пайдалана отырып, жануарлар мен өсімдіктерден алынатын шикізат пен өнімдердің қауіпсіздігін бағалау; шикізат пен дайын өнімнің микробиологиялық және биологиялық қауіпсіздігін арттыру әдістері мен құралдарын әзірлеу; азық-түлік өнімдерінің биологиялық қауіпсіздігін қамтамасыз ету; экологиялық мониторинг жүргізу, тамақ өндірісінің қауіпсіздігін бақылау.

Болашақ инженерлік қызметке қажетті теориялық білім мен практикалық дағдыларды игеру. Нан пісіру, кондитерлік және макарон өндірісінің технологиялық жабдығын жобалау, есептеу, баптау және пайдалану кезінде пайдаланылуы қажет теориялық ережелерді меңгеруге ерекше назар аударылады. Зерттеу кезінде технологиялық жабдықтың тиімділігі мен пайдалану сенімділігін арттыруға үлкен мән беріледі. Өз бетінше және техникалық ойлау дағдыларын дамыту, әртүрлі техникалық жағдайларды талдай білу және қандай да бір дәрежеде қабылданған шешімдердің салдарын болжай білу.

Пәнді оқыту сүт өнімдерін өндірудің теориялық негіздерін; қаймағы алынбаған сүт өнімдерін, сары майды, ірімшіктерді, сүт консервілерін, балалар тағамы өнімдерін, майсыздандырылған сүттен, айраннан және сарысудан жасалған өнімдерді және олардың қоспаларын өндірудің технологияларын; сүт өнімдерінің қазіргі заманғы сыныптамалары мен ассортиментін; шикізат пен дайын сүт өнімдерінің сапасына қойылатын талаптарды – органолептикалық, физикалық-химиялық және химиялық микробиологиялық көрсеткіштер және қауіпсіздік көрсеткіштері; сүт өнімдерінің ақаулары (ақаулары), олардың пайда болу себептері және анықтау әдістері; сапаға сараптама жүргізу және жалғандықты анықтау.

Мал және балық өнімдерін қайта өңдеу технологиясы саласында қажетті базалық теориялық және практикалық білімді қалыптастыру және іскерліктер мен дағдыларды игеру, әртүрлі мақсаттағы тамақ өнімдерін өндірудің технологиялық процестерін жетілдіру жөніндегі іс-шараларды әзірлеу, технологиялық жабдықтың әртүрлі түрлерін пайдалану қабілеті талаптарына сәйкес, қауіпсіздік техникасы және тамақ нормативтік және техникалық құжаттаманы, регламенттерді, ветеринариялық нормалар мен ережелерді өндірістік процесте пайдалану, практикалық қызметте физика, химия, биохимия, математиканың іргелі бөлімдерін физикалық, химиялық, биохимиялық, биотехнологиялық игеру үшін мамандандырылған білімді пайдалану, жануарлардан алынатын және теңіз өнімдерін өндіру кезінде болатын микробиологиялық, термофизикалық процестер.

Сүт және ет өндірістерінің жаңа кәсіпорындарын жобалауды, тиісті техникалық қайта жарақтандыруды және қайта жаңартуды, сүт және ет өнеркәсібі кәсіпорындарында өтетін стандарттардың талаптарына жауап беретін жоғары сапалы бәсекеге қабілетті өнім шығаруды қамтамасыз етуге қажетті технологиялық жабдықтың жаңа аспаптарын жасау үшін техникалық жағдайларды және олардың конструкторлық шешімдерін әзірлеуді зерделейді.

Тағам өнімдерін өндірудің ғылыми негіздері саласындағы білімді, іскерлікті және дағдыларды меңгеру арқылы білім алушылардың кәсіби құзыреттерін қалыптастыру, студенттердің теориялық білім алуы және тамақтану өнімдерін өндіру саласында басымдықтарды белгілеу және айқындау, тамақтану өнімдерін өндірудің жаңа технологиялық процестерін әзірлеу кезінде нақты техникалық шешім қабылдауды негіздеу; оларды қолданудың экологиялық салдарын ескере отырып, техникалық құралдар мен технологияларды таңдау, Тамақ өнімдерін өндірудің жаңа технологиялық процестерін әзірлеу кезінде нақты техникалық шешім қабылдауды негіздеу; оларды қолданудың экологиялық салдарын ескере отырып, техникалық құралдар мен технологияларды таңдау.

Пән тағам өнеркәсібі кәсіпорындары жүйесіндегі технохимиялық бақылаудың рөлі мен орнын, тамақ өнеркәсібі саласын дамытудың қазіргі кезеңдеріндегі технохимиялық бақылау мәселелеріндегі ғылыми зерттеулердің негізгі проблемалары мен бағыттарын зерттейді. Сапа менеджменті негіздері бар тағам өнеркәсібі кәсіпорындарындағы технохимиялық бақылау.

Жалпы және өнеркәсіптік санитария, тамақ өндірісінің гигиенасы негіздерін терең зерттеу, микроорганизмдердің, санитария мен гигиенаның рөлі туралы ғылыми дүниетанымды қалыптастыру, Денсаулық сақтау туралы қазіргі заманғы кешенді ғылым ретінде санитария мен тамақтану гигиенасының тұжырымдамалық негіздерімен танысу, тамақ өнімдерінің қауіпсіздігі туралы білім негізінде гигиеналық дүниетанымды қалыптастыру болып табылады.

Пән тауар ақпаратының нормативтік құжаттама талаптарына сәйкестігін бағалау білігін қалыптастыру, буып-түюге және таңбалауға қойылатын талаптардың, тауарларды сақтау, тасымалдау және өткізу қағидалары мен мерзімдерінің, оларды кәсіпорында қабылданған мерчандайзинг стандарттарына сәйкес сату орындарында орналастыру қағидаларының сақталуына бақылауды жүзеге асыру қабілеті; тауар шығындарының алдын алу және қысқарту жөнінде ұсыныстар әзірлеу.

Өнімнің қауіпсіздігіне әсер ететін қауіпті факторларды жүйелі сәйкестендіру, бағалау және басқару негізінде тамақ өнімдерінің сапасы мен қауіпсіздігін басқару саласында теориялық білімдер мен практикалық дағдыларды меңгеруі. ХАССП қағидаттары негізінде тамақ өнімдерінің сапа менеджменті, қауіпсіздік менеджменті жүйелеріне қойылатын халықаралық және ұлттық стандарттардың талаптары, құрылымы, мазмұны және тағам өнеркәсібі кәсіпорындарында менеджмент жүйелері құжаттарын әзірлеуге қойылатын негізгі тәсілдері.

Өмір бойы салауатты өмір салтын қолдайтын, икемді ойлау қабілеті мен кең ой-өрісі бар заманауи білімді және тәрбиеленген маманның тұлғасын қалыптастыруда әлеуметтік - гуманитарлық және жаратылыстану-математика ғылымдары бойынша білімдерін көрсету.

Академиялық адалдық мәдениеті мен қағидаттарын сақтай отырып, еңбек заңнамасын, кәсіби қызмет саласындағы нормативтік және технологиялық құжаттарды және еңбекті қорғау стандарттарын меңгеру.

Ғылыми және кәсіби қызмет саласында презентация жасау үшін ақпараттық - коммуникациялық технологиялар білімін қолдану.

Шикізат пен дайын өнімнің сапасын бақылауда оқу-практикалық және кәсіби міндеттерді шешу үшін жаратылыстану пәндерінің білімін қолдану.

Шығарылатын өнімнің сапасы мен ассортиментін жақсарту және оларды өңдеу үшін тамақ өнеркәсібіндегі заманауи экологиялық талаптарды ескере отырып, теориялық және практикалық білімдерін көрсету.

Тамақ өнеркәсібінің технологиялық операцияларында сапаны бақылаудың тиімді эксперименттік - зерттеу әдістері мен құралдарын ұйымдастыру.

Санитарлық-эпидемиялық талаптарға сәйкес байытылған тамақ өнімдерін жасау үшін өнімдер мен ингредиенттерді таңдаудың қосалқы міндеттерін, инженерлік есептерді, технологиялық схемаларды қолдану.

Шикізат пен дайын өнімнің сапасы мен қауіпсіздігін ескере отырып, шикізат пен дайын өнімді сақтау, тасымалдау процесін ұйымдастыруда білім мен дағдыларды пайдалану.

Тамақ өндірісі кәсіпорындарында технологиялық процестерді, сондай-ақ Қауіпсіздік техникасының талаптарына сәйкес технологиялық жабдықтың әртүрлі түрлерін пайдалануды жүзеге асыру.

Экологиялық қауіпсіздікті ескере отырып, тамақ өнеркәсібі кәсіпорындарын жобалау.

Азық-түлік сапасының қауіпсіздігін жақсарту үшін кәсіпкерлік, зерттеу дағдыларын қолдану.