6B04201 Қолданбалы құқық в Сулейман Демирел атындағы университет

Заңгер-мамандарды дайындау кезінде "құқықтық ойлау негіздері және методология" курсы аясында, маман ретінде ойлауға, құқықтық мәселелерді шешу үшін талдау және заңның неғұрлым тиімді нормаларын анықтауға үйретеді. Осылайша, болашақ заңгерлер құқықтық талдаумен және оны шешумен байланысты әдістерді жүйелі түрде қолдануды үйренеді.

Пәнді оқу барысында құқықтың түсінігі, мәні және әлеуметтік маңызы, құқықтың басқа әлеуметтік нормалармен өзара байланысы талданады. Оның ішінде құқық нормасының құрылымын талдауға; құқық түсінігі бойынша түсініктемелер, талдау және логикалық қорытындылар беруге; осы мәселелер бойынша ғылыми ізденіс жүргізуге және ғылыми қорытындылар шығаруға; нақты істер бойынша нормативтік құқықтық актілердің нормаларын қолдана отырып шешімдер шығаруға назар аударылады

Пәнді оқу барысында студенттер жеке құқықтың негізгі институттары ұғымдарын, оларды пайдалану ерекшеліктерін және азаматтық құқықтың басқа құқық салаларымен арақатынасын қарастырады. Пәнді оқу нәтижесінде студенттер: жеке құқық ұғымы мен мазмұнын меңгереді; азаматтық құқықтық қатынастар ұғымы және оның құрамын айқынтай алады; азаматтық құқық қағидаттарын меңгереді және нақты мәселелерді шешу кезінде олардың мазмұнын пайдаланалады; жеке құқық көздері және олардың арақатынасын түсінеді; азаматтық құқықтардың пайда болу негіздерін және оларды жүзеге асыру тәсілдерін біледі; азаматтық құқықтарды қорғаудың нысандары мен тәсілдерін қарастырады.

Курсты аяқтаған соң студенттер түрік тілінде жазу, сөйлеу, оқу, тыңдау дағдыларымен қатар түрік тілінің грамматикалық ерекшеліктерін де меңгереді.

Бұл курс ғылыми жазудың әртүрлі формаларын, жазбалардан журнал мақалаларына дейін талдау мен қолдануды, сондай-ақ мамандарға және кең аудиторияға ғылыми ақпаратты беру стратегияларын зерттеуді қамтиды. Бұл курстың мақсаты студенттердің академиялық және кәсіби ортада жазудың тиімді дағдыларын дамыту.

Пәнді оқу барысында, қазіргі іргелі және қолданбалы юриспруденцияның соңғы жетістіктерін ескере отырып, қазіргі заманғы зерттеу әдістері мен ақпараттық технологияларды пайдалана отырып, заң ғылымдары саласында (бағдарламаның бағытына сәйкес) ғылыми зерттеулерді дербес жүргізу, алынған нәтижелерді ғылыми конференцияларда ұсыну және ғылыми зерттеулердің нәтижелерін отандық және шетелдік жетекші профильді журналдарда жариялау қабілетін қалыптастырады.

Отбасы құқығы оқу пәні ретінде неке ұғымын, оның құрылымы мен мөлшерін, отбасы ішінде қалыптасқан қарым-қатынастардың сипаттамасын (мүліктік, сондай-ақ жеке мүліктік емес), ерлі-зайыптылардың, ата-аналардың, балалардың, қорғаншылардың және қамқоршылардың негізгі құқықтары мен міндеттерін, неке қию мен бұзудың, оны жарамсыз деп танудың, ата-ана құқықтарын асырап алудың және айырудың құқықтық салдарларын зерттеуге мүмкіндік береді

«ҚР Конституциялық құқығы» пәнін оқыту барысында – студенттер конституциялық құқықтың маңызды ғылыми – теориялық ережелері, Қазақстан Республикасының конституциялық даму кезеңдері, демократиялық, құқықтық, әлеуметтік және зайырлы мемлекеттілікті құру процесінде мемлекет пен қоғамның негізгі заңы ретіндегі Конституцияның рөлі мен функциялары, Адам мен азаматтың конституциялық – құқықтық мәртебесі, сондай-ақ мемлекет пен жергілікті өзін-өзі басқару органдарының конституциялық жүйесі туралы іргелі түсініктерді игереді

Курсты аяқтаған соң студенттер түрік тіліндегі сөзжасам саласы бойынша білім алады, фразеологиялық, терминологиялық сөздердің және сөз тіркестерінің көмегімен тілдік лексиканы кеңейтеді.

Пәнді оқудың мақсаты студенттердің мұрагерлік құқығының мәселелерін зерттеу: мұраны құқықтық реттеу, мұрагерлік қатынастар субъектілерінің мұрагерлік негіздері, мұрагерліктің жекелеген әдістері, меншіктің жекелеген түрлерін мұра ету, сондай-ақ мұраны қабылдау, бас тарту, мұраны қорғау және басқару, мұрагерлік қатынастардан туындайтын істерді сот арқылы қарау тәртібін игереді.

Курста құқықтанудың дамуының тарихи шолуын көрсету және заң ғылымының әдістері туралы қазіргі заманғы ілімді баяндау. Оқу пәні жалпы кәсіби құзыреттілікті қалыптастыруға бағытталған "Құқықтану саласындағы ғылыми-зерттеу қызметінің әдіснамасын меңгеру " және таңдаған құқық саласында табысты жұмыс істеуге мүмкіндік беретін ғылыми зерттеудің әдістемесі мен әдіснамасы саласында кәсіби дайындықты қамтамасыз етеді.

Бұл іскери қарым-қатынас жағдайларында қолдануға болатын әртүрлі деңгейдегі түрік тілін жан-жақты зерттеу курсы. Бағдарлама түрік тілін іскерлік тұрғыдан игеруге және қарым-қатынастағы психологиялық кедергілерді жеңуге бағытталған.

"ҚР Міндеттемелік құқығы 1" курсын оқыту барысында, студенттердің негізгі білімдерін және міндеттемелерді орындауды қамтамасыз ету, міндеттемелерді тоқтату, азаматтық-құқықтық жауапкершілік ұғымдарын, түрлерін, негіздерін меңгеру және міндеттеменің бұзылуын қарастырады. Бұл курсты оқытудың негізі ретінде студенттердің міндеттемелер туралы жалпы ережелерін (азаматтық құқықтың жалпы бөлігі) меңгеруі болып табылады.

"Халықаралық сауда құқығы" курсын оқып үйренудің мақсаты қазіргі заманғы халықаралық сауда айналымына қатысушы коммерциялық ұйымдардың заңгерлерін экспорттық-импорттық операцияларды құқықтық реттеудің күрделі механизмдерін түсінуге дайындайды студенттерге халықаралық бизнестің жеке құқықтық қатынастарына халықаралық құжаттар мен шетелдік құқықтық жүйелердің құқықтық нормаларын қолдану білімін, іскерлігін және дағдыларын қалыптастыру болып табылады

ҚР Қылмыстық құқығы (жалпы бөлім) пәнін игеру аясында студенттер қылмыстық құқық саласындағы білімді меңгереді. Пәнді игеру кезінде студент қылмыстық заң, қылмыстық құқық бұзушылықтар түсінігі, қылмыс категориялары, жаза тағайындау тәртібі және басқа қылмыстық құқықтың негізгі категориялары мен институттарын зерттейді. Студент қылмыстық-құқықтық нормаларды қолдану дағдыларын дамытады, құқықтық мәдениет пен құқықтық сананың, қылмыстарға төзбеушіліктің жоғары деңгейін қалыптастырады.

“Халықаралық жария құқық” пәнін меңгеру аясында, студенттерді Халықаралық, мемлекеттер ынтымақтастығының құқықтық мәселелер кешенімен таныстырады; студенттердің адам құқықтары мен бостандықтарын қамтамасыз ету және қорғау, қылмысқа қарсы күрестегі ынтымақтастықты регламенттеу сияқты мемлекетаралық қарым-қатынастар салаларында олардың нормаларын бірлесіп қолдануға бағдарланумен халықаралық және мемлекетішілік құқық арақатынасының, өзара әрекеттесуінің арнайы мәселелерін зерттеу; құқықтық мәселелерді дербес шешу дағдыларын әзірлеуге көмектеседі.

Курс ұйымда заң қызметі қалай құрылды, ол басқа бөлімшелермен қалай өзара іс-қимыл жасайды, ұйымның өзі немен бизнес жасайды, басшы ретінде шешім қабылдайды, заң фирмаларының бизнесі қалай құрылады, ол қалай басқарылады, жаңа клиенттерді қалай табуға болады, серіктестермен қарым-қатынас жасай білу, заң бизнесінің қалай құрылғанын, кәсіби заң қызметінің қандай тәуекелдерін сүйемелдейді, заң индустриясы қандай бағытта дамиды, құқықтық қызметтер нарығында қандай жаңа мүмкіндіктер ашылатынын және тағы басқалар

Жер және заттық құқық оқу пәні ретінде жерді пайдалану мен қорғауға байланысты туындайтын қоғамдық қатынастардың құқықтық негіздерін, оларды тәртіпке келтіруге байланысты құқықтық реттеу мүмкіндіктерін, меншік және жер пайдалану құқығы субъектілерінің құқықтары мен міндеттерін, жер қатынастары саласындағы мемлекет қызметінің рөлі мен бағыттарын айқындау үшін қажет. Жер құқығы пәні жер құқығы қатынастары ұғымын, жерге меншік құқығы мен пайдалану құқығының пайда болу негіздерін зерделейді, жер санаттарының құқықтық режимін айқындайды. Сондай-ақ білім алушыларда заттық қатынастарды құқықтық реттеу туралы жүйелі түсінік қалыптастырады.

«Міндеттемелер құқығы II» (Келісімшарттардың кейбір түрлері) пәнді игеру барысында, студенттердің шарттық және шарттан тыс қатынастардың жекелеген түрлері туралы негізгі ережелерді біледі, азаматтық құқықтың ерекше бөлімінің институттарын талдап, салыстыра алады, алған теориялық білімдерін практикада қолданады, кәсіби қызметте пайдалану үшін азаматтық заңнаманы іздеу және талдау дағдыларын меңгереді, азаматтық құқық нормаларын қолдану арқылы құқықтық жағдайларға шешім қабылдай алады; әртүрлі азаматтық-құқықтық шарттарды жасау дағдыларын меңгереді

ҚР Қылмыстық құқығы (Ерекше бөлімі) пәнін игеру нәтижесінде жазалану шектерін көрсете отырып, қылмыстың нақты түрлерінің құрамын анықтауға, Қазақстан Республикасы Қылмыстық кодексінің тиісті баптары бойынша қылмыстарды дұрыс саралау қабілетін игереді

Курсты аяқтағаннан кейін студент дүниетанымға, дін және сенімге, әдебиет пен өнерге, түркі халықтарының тілі мен мәдениетіне, сондай-ақ қазіргі түркітілдес мемлекеттердің халықаралық қатынастарына қатысты әдебиеттерді еркін қолдана алады және өз бетінше оқи алады.

«ҚР Қылмыстық процестік құқығы» пәнін оқу барысында, алдын ала тергеу органдарының, прокуратураның және соттың қылмыстық процедуралары туралы студенттерінің білімін қалыптастыру, қылмыстық процестің барлық мәселелері бойынша ғылымның қылмыстық іс жүргізу заңнамасының теориялық қағидаларын меңгеру, Қазақстан Республикасының Қылмыстық іс жүргізу кодексінің нормаларын практикалық қолдану үшін практикалық дағдыларды меңгеру және студенттердің тергеу амалдарын және жағдайларын оңтайлы шешуге қабілеттілігін қалыптастыру және дамыту болып табылады.

Пәнді оқу барысында студенттер экологиялық құқықтың негізгі ұғымдарын, институттары мен принциптерін қарастырады. Олар қоршаған ортаны ұтымды пайдалану мен қорғауды, табиғи ортаны сақтау мен жақсартуды қамтамасыз етудің құқықтық шараларын анықтайды. Студенттердер нақты практикалық мәселелерді шешуде экологиялық құқықтың жалпы жүйесін бағдарлай біледі

"Азаматтық процесстік құқығы" пәнін игерудің мақсаты студенттердің жалпы юрисдикциялық соттарында азаматтық істерді қарау және шешу бойынша соттың және процеске өзге де қатысушылардың іс жүргізу қызметі туралы тұтас түсінігін қалыптастыру, құқықтық дерек көздермен, соның ішінде нормативтік құқықтық актілермен, құқық қолдану практикасы материалдарымен, арнайы әдебиеттермен дербес білікті жұмыс істеу дағдыларын қалыптастыру; соттарда дауларды шешу практикасын талдау, жалпы юрисдикциядағы соттар қабылдаған шешімдердің құқықтық салдарларын бағалау және іс жүргізу құжаттарын құрастыру болып табылады.

Пәнді игерген студент, ҚР банк жүйесінің құрылымын білуі керек; негізгі банктік операцияларды құқықтық реттеу; соттардың, төрелік соттардың және банктердің қызметін реттейтін заңнаманы қолдану тәжірибесін, құқықтық қатынастарды заңнамаға дәл сәйкестікте дұрыс саралау; банк қызметін реттейтін нормативтік құқықтық актілердің жобаларына сараптама жүргізе алу қабілеттіліктері болады

"Еңбек қатынастары және еңбек даулары" пәнін оқытудың мақсаты студенттердің ҚР Еңбек құқығы саласында тұрақты білім алуы және ҚР қолданыстағы еңбек заңнамаларында сауатты бағдарлану қабілеті болып табылады. Пәнді оқу барысында келесі міндеттер шешіледі: еңбек қатынастарын реттейтін заңдар мен басқа да нормативтік-құқықтық актілердің, - ең алдымен ҚР Еңбек Кодексі мен басқа да заңдардың мазмұнын түсіндіру; Еңбек құқығы бойынша әдебиеттерді талдау және қорыту дағдыларын үйрету; еңбек құқығы саласындағы құқық қолдану қызметінің дағдыларын тәрбиелеу; еңбек дауларын шешу, еңбек қатынастарына қатысушылардың – қызметкерлердің, қызметкерлердің (кәсіподақтардың), жұмыс берушілер мен олардың өкілдерінің, еңбек инспекциясының заңды құқықтары мен мүдделерін қорғау дағдыларын қалыптастыру.

Пән студенттерге заңгердің кәсіби қызметінің әртүрлі аспектілері, оның ішінде судья, прокурор, тергеуші, адвокат, нотариус ретінде, сонымен қатар құқық қолданудың негізгі түрлері мен инфрақұрылымымен оның ішінде сот төрелігі, құқық қорғау және адам құқықтары саласындағы қызметімен таныстыруға арналған

Пәннің мақсаты студенттерде адам құқықтарының әлеуметтік және заңды табиғаты туралы, заңнама, халықаралық актілер және қазақстандық және шетелдік азаматтардың құқықтарын қорғау механизмдері туралы жүйелі түсінік қалыптастыру болып табылады.

Пәнді оқыту барысында шаруашылық-құқықтық қатынастардың барлық кешенінің құқықтық режимі, корпоративтік құқықтың негізгі ережелері, корпоративтік дауларды шешу тәртібінің құқықтық негіздері, заңды тұлғалар қызметінің тәртібі, коммерциялық заңды тұлғалардың құқықтарын қорғау тәсілдері ашылады. Курс аясында кәсіпкерлік және корпоративтік қатынастар субъектілері, шаруашылық жүргізуші субъектілердің заттық құқықтары, кәсіпкерлік саладағы шарттық қатынастарды, кәсіпкерлік қызметті мемлекеттік реттеу және бәсекелестік құқықты құқықтық реттеу ерекшеліктерімен танысу мәселелерін зерделеуді көздейді.

Осы пәнді меңгеру нәтижесінде студент, халықаралық сипаттағы мәмілелер және халықаралық коммерциялық келісім-шарттар ұғымы, халықаралық келісімшарттық құқықтың коллизиялық мәселелері; халықаралық коммерциялық келісімшарттарды құқықтық реттеуді біріздендіру; тауарларды халықаралық сатып алу-сату шартының ерекшелігі; интернет-коммерцияны құқықтық реттеу тәртібін меңгереді

Пәнді оқытудың мақсаты – - азаматтық процестік құқық саласы бойынша кәсіби қызметке дайындау; - студенттерде азаматтық сот ісін жүргізудің түрлері мен сатылары туралы жүйелі, кешенді білімдер мен дағдыларды қалыптастыру. Пәннің міндеттері: - студенттерді азаматтық процестің жекелеген сатыларын, оның ішінде, атқарушылық іс жүргізуді, сондай-ақ шетелдік тұлғалардың қатысуымен іс жүргізуді реттейтін азаматтық-процестік нормалармен таныстыру; - азаматтық процестік құқықтың арнайы нормаларымен жұмыс істеуге дағдыландыру және оларды нақты өмірлік жағдайға қолдануға үйрету; - студенттерді азаматтық сот ісін жүргізу барысында туындайтын құқықтық жағдайларды талдауға және кәсіби міндеттерді дербес шешуге үйрету.

Курс цифрлық технологиялар элементтерін қамтитын құқық бағыттарын оқыту арқылы ақпараттық технологиялар құқығы саласын қамтиды. Оқу барысында студенттер ақпараттық технологияларды қолдану, киберқауіпсіздік, ақпараттық құқық және электрондық коммерция саласындағы құқықтық реттеудің проблемалық мәселелері бойынша пәнаралық сипаттағы арнайы білім алуға бағытталған.

Пәннің мақсаты студенттерді қылмыстық, азаматтық және әкімшілік құқық бұзушылықтар бойынша іс жүргізу барысында криминалистикалық маңызы бар объектілерді жинаудың техникалық-криминалистикалық әдістері мен құралдарын қолдануға үйрету; бағдарлы және дәлелді ақпарат алу мақсатында осы объектілерді алдын ала зерттеу әдістерін меңгеру; криминалистикалық тіркеудің ақпараттық-іздеу жүйелерін пайдалану

"Халықаралық жеке құқық" пәнін игеру барысында студенттер, - қолданбалы аспектіде халықаралық жеке құқық доктринасын зерттеу; - заңнаманы реформалау және құқық қолдану практикасын қалыптастыру жағдайында халықаралық жеке құқық институттары мен принциптерін тереңдетіп талдау; - коллизиялық мәселелерді қазіргі заманғы реттеудің тиімділігін бағалау; - халықаралық жеке құқық нормаларын қолданудың заманауи мәселелерін зерттей алады

Курс заңнама талаптарына сәйкес әр түрлі қызмет саласындағы ұйымдарда дербес деректерді жинау, өңдеу және қорғауды ұйымдастыру үшін қажетті білім мен дағдыларды қалыптастырады. Дербес деректерді қорғау жүйесін құру кезеңдері, деректері өңделетін субъектілердің санына байланысты дербес деректердің ақпараттық жүйелерін жіктеу тәртібі және дербес деректердің санаттары келтірілген және дербес деректерді қорғау жүйесін құру кезеңдері және оларға сәйкес ұйымдастыру-техникалық іс-шаралар қарастырылған.

Осы пәнді игеру барысында әкімшілік жауапкершілікті құқықтық реттеу, оның негіздері мен мазмұны; субъектілер туралы, әкімшілік жауапкершілік шаралары және оларды қолдану тәртібі қарастырылады. Сонымен қатар, студенттердің әкімшілік жауапкершілік туралы заңнамалық нормалармен жұмыс істеу дағдыларын дамыту: оларды түсіндіру және қолдану дағдылары; әкімшілік құқық бұзушылықтардың құрамын саралау дағдылары; дәлелдеу дағдылары қалыптастырылады.

Осы пәннің нәтижесінде студенттер әр түрлі елдердің Интеллектуалды меншік құқығына салыстырмалы талдау жүргізеді, интеллектуалды және инновациялық қызмет туралы түсінік, Интеллектуалды меншік құқығы туралы түсінік қалыптастырады, «Интеллектуалды меншік құқығы» жүйесінің, оның институттарының, тұжырымдамаларының, субьектілерінің жұмысын зерттейді, тақырып, әдіс және дереккөздер, авторлық құқық негіздері, оның принциптері, объектілері, субъектілері, шығармалар авторларының жеке мүліктік және мүліктік емес, сабақтас құқықтары туралы түсініктерді анықтайды.

"Қаржы құқығы" пәнін меңгеру кезінде қол жеткізетін негізгі мақсаттар студенттердің қазіргі заманғы қаржылық құқықтың негіздері, мазмұны және ерекшеліктері туралы теориялық білім алуы және қаржы құқығының дерек көздерін талдау және заңгерлердің практикалық қызметінде қаржы құқығының нормаларын қолдану дағдыларын игеру болып табылады. Курста студенттер қаржы құқық қатынастары саласындағы негізгі құқықтық санаттармен танысады; мемлекеттік шығыстар мен кірістер туралы, сондай-ақ жария кредит, бюджеттік және салық құқығының негіздері, эмиссиялық құқық, ақша айналымы құқығы және валюталық құқық туралы білім алады. Курсты игергеннен кейін білім алушы міндетті төлемдердің түрлері мен нысандарында, қаржылық, салықтық және валюталық бақылау мәселелерінде, көрсетілген салалардағы құқық бұзушылықтар үшін жауапкершілік, мемлекеттік сатып алу туралы түсініктері болады.

Пән іс жүргізу құжаттарын құрастыру сапасына қойылатын жалпы талаптарды меңгеру, іс жүргізуге қатысушылардың құқықтарын қамтамасыз ету процедурасын сақтаудың маңыздылығы және құқық қорғау органдарында жұмыс істеу үшін жоғары білікті маман даярлығының маңызды құрамдас бөлігі болып табылатын қылмыстық сот ісін жүргізу саласында іс жүргізу құжаттарын құрастыру бойынша практикалық дағдыларды меңгеруге көмектеседі.

Пәнді оқу нәтижесінде студенттер салық және төлемдер туралы заңнамаларда қолданылатын терминологияны және негізгі ұғымдарды; Қазақстанның қазіргі салық саясатын қалыптастырудың негізгі нормативтік көздері мен тарихын; салық құқығының дамуының негізгі кезеңдерін; салық құқығының принциптерін, категорияларын, ұғымдарын, институттарын білуі тиіс. Салық және алымдар туралы заңнаманы қолдану мәселелері бойынша сот органдарының қолданыстағы құқықтық ұстанымдарын түсіндіре білу; салық құқығының негізгі мәселелерін талқылау, сот дауларын шешу тәжірибесін талдау, нақты даулар бойынша Соттар қабылдаған шешімдердің құқықтық салдарларын бағалау. Салық құқығы саласындағы нормативтік актілермен, сот-төрелік практикамен жұмыс істеу дағдысы болуы; нормативтік құқықтық актілердің жобаларын дайындау, олардың техникалық-экономикалық негіздемесі; нақты міндеттер мысалында салықтар мен алымдар сомасын есептей алады

Пәннің мақсаты студенттердің сыбайлас жемқорлыққа қарсы тұру және оны болдырмау бойынша профилактикалық дағдыларын, сондай-ақ сыбайлас жемқорлыққа қарсы дүниетанымды қалыптастыру. Оқыту барысында «сыбайлас жемқорлық», «сыбайлас жемқорлық мінез-құлқы» ұғымдары, олардың себептері мен салдары ашылады, сыбайлас жемқорлықтың негізгі мысалдары қарастырылған: парақорлық, алаяқтық, олардың түсінігі, құрамы мен түрлері талданады.

Бұл пән аясында, халықаралық құқық фирмаларының тәжірибесінен кейстерді зерттеуді және оларды талдауды меңгереді. Нəтижесінде студенттерге теориялық білімдерін тәжірибе жүзінде пайдалануға мүмкіндік беріледі. Процедуралық құжаттарды (талап арыздар, тапсырмалар, анықтамалар, шешімдер мен шағымдар) жасау дағдыларын қалыптастырады.

Бұл пәнде оқыту нәтижесінде қылмыстар мен құқық бұзушылықтарды анықтауға, жолын кесуге, ашуға және тексеруге қабілетті болады. Пәнді оқыту мақсаты: студенттерді қылмыстылықты талдауға, оның себептерін, қылмыскердің жеке басын, жәбірленушілердің жеке басын және мінез-құлқын, яғни Виктимологиялық аспектілерді, қылмыстың динамикасы мен құрылымын және қылмыстың алдын алу бойынша шараларды әзірлеуге үйрету.

Бұл пәнді меңгеру нәтижесінде студенттер іс жүргізу құқығының нормаларын қолдану бойынша білім мен дағдыларды меңгереді, іс жүргізу нормаларын қолдануға тән белгілерді, іс жүргізу қатынастарындағы құқық қолдану қызметінің ерекшеліктерін анықтай алады, азаматтық іс жүргізу құқығының нормаларын дұрыс түсіндіріп, іс жүргізу құқығының нормаларын іс жүзінде қолдану.

Пәннің мақсаты әкімшілік рәсімдер саласындағы қоғамдық қатынастарды реттеуге, оның ішінде мемлекеттік органдардың ведомствоаралық қызметін ұйымдастыруға және жария құқық саласындағы даулар саласындағы әкімшілік сот ісін жүргізу тәртібі туралы түсінігін қалыптастыру. Мемлекеттік органдардың ішкі әкімшілік рәсімдерін, әкімшілік рәсімдерді жүзеге асыруға байланысты қатынастарды, сондай-ақ әкімшілік сот ісін жүргізу тәртібін реттеуге байланысты құқықтық қатынастар оқытылады.

Курсты оқу барысында білім алушылар ғылым, әдебиет, өнер туындыларын және ЭЕМ, фонограммалар, орындаулар, қойылымдар, эфирлік және кабельдік хабар тарату бағдарламаларын жасау мен пайдалануға байланысты туындайтын құқықтық қатынастарды зерттейді. Курстың мақсаты: студентке сандық экономиканың даму жағдайында авторлық қатынастардың ерекшеліктері туралы түсінік қалыптастыру; ақпараттық қоғамда авторлық құқықтың концепциясын оқып үйрету

Студент атқарушылық іс жүргізу заңдарының нормаларына талдау жүргізуді, атқарушылық іс жүргізу тәжірибесінде өз бетінше қолдануды, процестік құжаттарды құрастыруды, азаматтық істер бойынша шығарылатын сот актілерінің орындалуы тәртібін, мүліктен өндіріп алу бөлігінде қылмыстық істер бойынша шығарылатын үкімдердің орындалу ерекшеліктерін, аралық сот және халықаралық коммерциялық төреліктердің шешімдерінің орындалу дағдыларын меңгереді.

«Халықаралық арбитраж» курсын игеру нәтижесінде студент игеруі тиіс: - Халықаралық арбитражда экономикалық сипаттағы дауларды қарау тәртібін реттейтін заңнаманы білуге тиісті; іс жүргізу құжаттарын (іс жүргізу сенімхаттарын, талап арыздарын, талап арыздарға жауаптарын, анықтамаларын, шешімдерін және т.б.) құрастыруды білуге тиісті.

Пәннің мақсаты - студенттердің заңгер этикасының жалпыға бірдей танылған қағидаттары мен ережелеріне сәйкес кәсіби іс-әрекеттерді жүргізу үшін қажетті білімі мен дағдыларын дамыту. Студент заңгердің кәсіби этикасының негізгі қағидаларының мазмұнын, негізгі құқықтық қызметінде осы принциптерді іске асырудың ерекшеліктерін біледі;

Бұл курстың мақсаты студенттерді даралау құралдарын (тауар таңбаларын, фирмалық атауларды, тауар шығарылған жерлердің атауларын, коммерциялық белгілерді), өнертабыстарды, пайдалы модельдерді, өнеркәсіптік үлгілерді құқықтық қорғау және зияткерлік құқықтарды сот арқылы қорғау мәселелері болып табылады.

Курстың мақсаты-білім алушыларға электрондық коммерция, АТ келісім-шарттары және тұтынушылардың құқықтары саласында АКТ-мен байланысты құқықтық мәселелерді нақты түсінуді ұсыну. Білім алушылар электрондық коммерция мақсатында жасалатын құқықтық стратегияларды сыни талдау мен жоспарлауға, сондай-ақ тұтынушылардың құқықтарын қорғауға, ақпараттық қоғам қызметтері мен онлайн-сатылымдарға байланысты талаптарды, халықаралық және ұлттық құқықтық құралдарға және жергілікті реттеуге сәйкес қолданылатын құқықтық режимдермен онлайн-транзакциялардың негізгі түрлерін салыстыра отырып (осы саладағы ішкі және халықаралық құқық арасындағы өзара іс-қимылды ескере отырып) қарауға үйренеді.

Күрделі құқықтық мəселелерге заңнамалық сараптама жасап, кешенді шешу жолдарын ұсына алады

Құқықтық ұғымдар мен санаттарды, құқық саласындағы нақты зерттеу әдістері мен техникасын, оның ішінде салыстырмалы әдістерді еркін қолдана алады

Практикалық және теориялық проблемаларды шешу үшін бастапқы және қайталама құқықтық ресурстарды пайдалана отырып, құқықтық зерттеулер жүргізуге қабілетті болады.

Азаматтардың құқықтарын, бостандықтары мен заңды мүдделерін қорғау және іске асыруға жәрдемдесу мақсатында заң көмегін көрсетуге, сот процестеріне қатысуға және оларды талдауға, ұлттық деңгейде заң бизнесін жүргізуге қабілетті болады.

Халықаралық және ұлттық заңнаманы дамытудың ықтимал перспективалары мен қазіргі заманғы құқықтық ғылымды дамытудың негізгі теориялары мен тұжырымдамаларын талдай алады

Құқықтық мəселелерді шешуде қолданылатын құқық нормаларын дедуктивті құқық логикасы мен таргетті құқық қолдану метологиясына сəйкес қолдана алады

Құқыққолдану актілерін талдау арқылы білікті құқықтық қорытындылар (баға) мен құқықтық сипаттағы құжаттарды жасауға қабілетті болады.

Ғылыми баяндамаларды, мақалаларды қорғауға қабілетті болады, ғылыми талқылауларға, халықаралық конференцияларға белсенді қатысады, құқықтық мәселелерді талқылайды. Ғылыми жұмыстарды зерттеу, жариялау және әлеуметтік өзара әрекеттесу арқылы қоғамның ғылыми және мәдени дамуына ықпал етеді.

Коммуникативтік байланыстарды құруға және қолдауға, келіссөздер жүргізуге қабілетті болады.

Құқықтық қызметті этика мен жалпы және кәсіби мәдениет талаптарына сәйкес жүргізеді, сыбайлас жемқорлыққа төзбеушілік танытады.

Мемлекеттік органдардың құрылымы және қызметіне талдау жасай алады