6B01501 Математика в Шымкент университеті

«Элементар математика» пәні - айнымалы, функция, шек туралы жалпы ұғымдарды қолданбайтын, бірақ математикалық талдау пайда болғанға дейін қалыптасқан жалпы ұғымдарды (абстракцияларды) пайдаланатын математиканың бөлімдері, тапсырмалары мен әдістерінің жиынтығын үйретеді. Элементар математикада тек тұрақтылар ғана емес, сонымен қатар геометриялық фигуралар, тригонометриялық функциялар сияқты айнымалы шамалар да қарастырылады. Студент бұл пәнді оқыту нәтижесінде функция мен шек туралы жалпы түсініктер, сонымен қатар қисық, бет, нақты конструкциямен берілмеген фигура туралы жалпы түсініктерді үйренеді.

Математикалық талдау пәні шектер теориясы, Функцияны зерттеу, Функцияның шегін, туындысын, интегралын табу, қатарларды жинақтылыққа зерттеу сияқты негізгі есептерін шешуге, оларды практикада пайдалануға, басқа да математикалық пәндерде, математикалық зерттеулерде қолдана алуға үйретеді.

Көп айнымалы функциялар теориясы жалпы функциялар (бір айнымалы, көп айнымалы, нақты және комплекс айнымалы) туралы білімдерін толықтырады. Дифференциалдау, интегралдау әдістері қарастырылады, Көп айнымалы функциялар теориясының негізігі қасиеттері мен теоремаларын дәлелдеуді, элементар функциялар мен кері функциялар ұғымдарын енгізе алады. Бір мәнділік парақтарын анықтау, конформды бейнелеу теориясын ұғымдарын қалыптастырып есеп шығаруға қажетті білім,білік, дағдыны қалыптастыра алады.

Пәннің мақсаты мектеп жасындағы балалардың анатомиялық, физиологиялық ерекшеліктері, әртүрлі жастағы өсу, даму заңдылықтары, өскелең организмнің қоршаған ортамен қарым – қатынасы, мектеп оқушыларының денсауығын сақтау мен нығайту, олардың оқып-білім алу барысында жұмысқа қабілеттілігін жоғары деңгейін қамтамасыз ету жолдарының, баланың жасына лайық білім беріп, ақыл ойын дамыту, дені сау, сымбатты етіп өсірудің ғылыми негіздері туралы педагогикалық мамандықтар бойынша оқып жатқан білім алушыларға білім беру.

Озық технологияларды дамыту және дүниетанымның өсуі негізінде руханилыққа, білімге, ғылымға, елді әлеуметтік, саяси және экономикалық жаңғыртуға заманауи тәсілдер негізінде адамның ұлттық санасын жетілдіреді. Білім алушы рухани жаңғырудың бәсекеге қабілеттілік, прагматизм, ұлттық бірегейлікті сақтау, білімге табыну, сананың ашықтығы сияқты бағыттарын игере алады

«Сандар теориясы» пәні білім алушыларға бүтін сандардың бөлінгіштік қасиеттерін, ең кіші ортақ еселік және ең үлкен ортақ бөлгішті, Евклид алгоритмін, сызықтық теңдеулердің бүтін шешімдерін, жай және құрама сандарды, Арифметиканың негізгі теоремасын, Чебышев теоремасын, Мультипликативті функциялар және олардың қасиеттерін, трансценденттік сандарды, Алгебралық сандар өрісін үйретеді.

Бұл курста педагогикалық ойдың даму тарихы; педагогиканың негізгі категориялары, функциялары мен әдістері; педагогика ғылымдарының жіктелуі; педагогиканың басқа ғылымдармен өзара байланысы; тұлға және оның дамуы; педагогикалық іс-әрекеттің ерекшеліктері; оқыту теориясы мен әдістемесі; Тәрбие теориясы мен әдістері; заңдылықтар мен принциптер; педагогикалық зерттеулердің әдістері мен әдіснамасы; білім беру жүйесінің мәні мен ерекшеліктері қарастырылады.

Экономика негіздері курсы білім алушыларға әр түрлі экономикалық жүйелердегі қоғамның әлеуметтік-экономикалық даму заңдылықтары мен эволюциясы және шектеулі ресурстар жағдайында адамның экономикалық принциптері мен себептері туралы теориялық білім береді, сондай-ақ оларда экономикалық дүниетаным мен мемлекеттік экономикалық және әлеуметтік саясатты жүзеге асыруда азаматтық бағытын ұстануды қалыптастырады.

Қатты дене қозғалысын, қозғалыс мөлшерінің моментін, айналған қатты дененің кинетикалық энергиясын, дененің жазық қозғалысын, кейбір денелердің инерция моментін, жазық қозғалыстағы дененің кинетикалық энергиясын, еркін осьтерді, инерцияның басты осін, қатты дене динамикасының заңдарын қолдануды, гироскопиялық күштерді, еркін гироскоптың қозғалысын, термодинамика және статистикалық физиканының заңдарын меңгертеді.

Интегралдық ұғымдарын түсіну үшін математикалық талдаудың қолданылуын көрсету. Көп айнымалы функциялар теориясын терең түсіну; Шек және үзіліссіздік ұғымдарын жалпылау; Функцияның дербес және толық өсімшелері, Көп айнымалы функцияның экстремумын зерттейтін ғылыми пән.

Физиканың келесі бөлімдері қарастырылады: механика, молекулалық физика, электродинамика, оптика және кванттық физика. Қолданбалы есептерді шешу үшін физикалық теориялардың математикалық аппаратын қолдана білу, сапалық және есептік есептерді шешу, өлшеу қателіктерін ескеретін физикалық эксперименттерді жоспарлау және жүргізу.

Экология-тірі организмдердің бір-бірімен және олардың тіршілік ету ортасымен өзара әрекеттесуі туралы ғылым. Бұл әртүрлі деңгейдегі биожүйелердің (популяциялар, қауымдастықтар, экожүйелер) ұйымдастырылуы мен жұмыс істеуін зерттейтін биологиялық ғылым. Экологияның үш бөлімі бар: аутэкология, демэкология, синэкология. Тіршілік қауіпсіздігі-адам қызметінің барлық салаларында адамды қауіпті және зиянды факторлардан қорғау теориясы мен практикасын қамтитын, тіршілік ету ортасында қауіпсіздік пен денсаулықты сақтайтын ғылыми білім саласы.

Кәсіпкерлік: түсінігі, мәні, негізгі түрлері және ұйымдастырушылық формалары. Кәсіпкерлік қызмет жүйесіндегі Бизнесті -жоспарлайды. Кәсіпкерлік қызметтегі тәуекелдер. Кәсіпкерлік қызметті қаржыландыру. Кәсіпкерлік қызметте кадрлық қамтамасыз ету. Кәсіпкерлік мәмілелерді ұйымдастыру. Коммерциялық құпия және оны қорғау тәсілдері. Кәсіпкерлік мәдениеті мен этикасы. Кәсіпкерлік қызметтің тиімділігін талдайды және бағалайды.

Конституцияның негізгі ережелері, Қазақстан Республикасының қолданыстағы заңнамасы, басқару жүйесі, техникалық тапсырма, мақсаттар, экономиканы мемлекеттік реттеудің әдістері, экономикадағы мемлекеттік сектордың рөлі; қаржы құқығы және қаржы; материалдық және іс жүргізу құқығының өзара әрекеттесу механизмі; сыбайлас жемқорлықтың мәні, оның пайда болу себептері; сыбайлас жемқорлық құқық бұзушылық үшін моральдық, заңды жауапкершілік шарасы; сыбайлас жемқорлыққа қарсы қолданыстағы заңнамаларын үйретеді..

Ғылыми зерттеу әдістері пәнін меңгерудің мақсаты білім алушылардың өзіндік идеяларын құрылымдық түрде баяндау дағдыларын қалыптастыру, академиялық дискурстың ерекшелігін ескере отырып, әр түрлі ғылыми және ғылыми-ақпараттық дереккөздерімен жұмыс жасау жолдарын меңгереді.

Бағалау жəне олардың түрлері, білім беру үдерісіндегі бағалаудың орны мен рөлін анықтайды. Тұлғаға бағытталған оқытудың бағалау жүйесінің ерекшеліктерін, критериалды бағалаудың мəнін, мақсаты мен ұстанымдарын түсіндіреді. Критериалды бағалау бойынша білімді кəсіби іс-əрекетте қолдану жолдары сипаттайды. Оқушылардың оқу жетістіктерін бағалаудың түрлерін (диагностикалық, қалыптастырушы, жиынтық бағалау) ажыратуды талдайды.

Осы пән барысында білім алушы кешенді педагогикалық, психологиялық әдістерді қолдана отырып, ұжымдағы тәрбие жұмысын ұйымдастыруға бейімделеді. Мектеп ұжымында сынып жетекшісінің тәрбие жұмысының жүйесін жоспарлайды. Оқушылар ұжымды тәрбиелеудің әртүрлі формалары мен әдістерін қолдана алады. Балаларды тәрбиелеуде мұғалімдердің, ата-аналардың, қоғамдық ұйымдардың қызметін басқарады.

Алгебра және геометрия пәні басқа барлық математикалық пәндерді оқытуға іргелі база болып есептеледі, сонымен бірге теориялық және қолданбалы бағдарламалау мен тығыз байланыстырады. Курс сызықты алгебра мен аналитикалық геометрияның негізгі әдістері мен нәтижелерін жүйелеп баяндайды.

Модульдік есептеу пәні — кез келген құбылыстарды немесе күрделі физикалық процестерді, аппараттарды олардың математикалық модельдерін құру арқылы зерттеу тәсілін анықтайтын обьект. Модульдік есептеу пәнінде дифференциалдық немесе интегралдық теңдеулерді, жиындар теориясын, абстрактылық алгебраны, логиканы, ықтималдықтар теориясын пайдаланады.

Негізгі математикалық пәндерді оқып білуге дайындау, теориялық және тәжірибелік мағлұматтармен студенттерді таныстыру, студенттердің мектептегі математика курсы бойынша алған білімдерін, машықтарын, икемділіктерін жүйелеу, математкалық есептерді шешу техникасында тәжірибелік дағдыларды игеру, оқу-танымдық белсенділігін дамыту және қалыптастырады.

Білім беру саласында стратегиялық тұрғыдан ойлай алатын, басқарудың заманауи технологияларымен құралдарын меңгерген жаңа буынның менеджер-практиктерін дайындау. Тыңдаушылардың бойына кәсіби және басқарушылық құзыретін қалыптастыру, сонымен қатар тиімді ойлау мен оңтайлы шешім қабылдау дағдыларын оқыту.

Квадрат функция және оның графигін, функция графигін түрлендіруді, теңдеуді екі айнымалысы бар теңдеулер жүйесін графиктік тәсілмен шешуді, екі айнымалысы бар теңдеулер жүйесін графиктік тәсілмен шешуді қарастырады және шешуге үйретеді.

Студент функциялар теориясының және функционалдық анализдің негізгі ұғымдарымен негізгі заңдарын біліп үйренеді. Функциялар мен функционалдық кеңістіктерде шешілетін мəселелерді қоя біліп шешу əдістерін үйренеді. Операторлар теориясы мен əр түрлі функционалдық кеңістіктердің толық болуы туралы, нормасы туралы теоремалардың қолданылуы, есептер шығару əдістерін меңгереді.

«График теориясы» пәнін меңгерудің мақсаты болашақ мамандардың қазіргі күрделі жүйелерді талдау және басқаруда, классикалық графика теориясын зерттеуде, сонымен қатар графикалық теория әдістерін қолдануда оқытылатын әдістерді қолдана білу және білімдерін дамыту болып табылады.

Евклидтік геометрияның, Лобачевский геометриясының, аффиндік және проективтік геометрияларының аксиоматикалық құрылуымен байланысқан негізгі сұрақтар қарастырылады. Атап айтқанда сөз етілген геометриялардағы аксиомалар жүйесінің тәуелсіздігі, қарама-қайшылықсыздығы,толымдылығы мәселелері қарастырылады. Онымен бірге мұнда Лобачевский геометриясының, аффиндік және проективтік геометрияларының маңызды жәйттері мазмұндалады.

Анықтауыштар теориясының негіздері және олардың негізгі қасиеттерін қарастырады. Сызықты алгебралық теңдеулер жүйесін шешу үшін Крамер формуласын қолдана біледі. Анықтағыштардың арнайы түрлерін еркін меңгереді. Вронский, Вандермонд, Грамм, Якоби анықтауышын меңгереді. Анықтауыштарды есептеудің ең жақсы әдісін таңдай біледі.

Математикалық физиканың дифференциалдық теңдеулерін талдау элементтерін, теңдеуді канондық түрге келтіруді, айнымалыларды Фурье әдісімен бөлуді, ішек тербелісінің теңдеуін, бастапқы шекаралық есептерді, жылу өткізгіштік теңдеулерді, Даламбер әдістерін меңгертеді.

Инклюзивті білім берудің тұжырымдамасын, ерекшеліктерін, педагогикалық процесті, тәрбие мен оқытуды түсіндіреді. Әр түрлі жастағы бұзылулардың әртүрлі кезеңдерінде психикалық және психофизиологиялық дамудың нақты заңдылықтарын бағалайды. Мүмкіндігі шектеулі балаларға арналған білім беру және дамыту ортасын талдайды.

Негізгі геометриялық ұғымдар мен анықтамалар қарастырылады. Теориялық жағдайларды дәл және сауатты тұжырымдай білу және жазықтықта есептерді шешу барысында өз ойларын баяндай білу. Есептер шарттарымен берілетін геометриялық фигураларды суреттеу, есептерді шешу кезінде толық негіздеуді жүргізу, геометриялық түрлендірулердің қасиеттерін қолдана білу.

«Математиканы оқыту әдістемесі» пәні болашақ мұғалімдерді оқыту мен тәрбиелеудің жалпы теориясын математиканың көмегімен жүзеге асыратын пән. Болашақ математика мұғалімі математиканы оқытудың жалпы заңдылықтарын, мақсаттары мен мазмұнын, әдіс-тәсілдерін, әдістемелік зерттеулерді, есеп шығарудың және оларды түсіндірудің жолдарын үйретеді.

Есепті сандық шешу және зерттеу үшін математика пәні бойынша теориялық білімдерін қолдануды студенттерге үйретіп, қолданбалы есептерді электронды есептеуіш машинасы арқылы пайдаланып жуықтап шешу үшін сандық әдістерді пайдалана білу іскерлігін қалыптастырады.

Ықтималдықтар теориясы және математикалық статистика – бiртектi кездейсоқ құбылыстардың ықтималдық заңдылықтарын зерттейдi. Ықтималдықтар теориясының тәсiлдерi жаратылыстану мен техниканың әртүрлi салаларында: сенiмдiлiк теориясында, көпшiлiкке қызмет көрсету теориясында, теориялық физикада, геодезияда, астрономияда, ату теориясында, бақылаудың қателiктерi теориясында, басқаруды автоматтандыру теориясында, байланыстың жалпы теориясында қолданылады.

Жоғары математика инженерлік-техникалық зерттеулерде өте маңызды қызмет атқарады. Пәннің негізгі мақсаты - студенттерге басқа пәндерді оқу үшін қажет математикалық білімді үйретеді, игерілген математикалық әдістерді өз саласында іскерлікпен қолдануды меңгертеді. Математика мамандығының студенттерін математикалық талдаудың, ықтималдықтар теориясы мен математикалық статистиканың негізгі түсініктерімен таныстырып, оларға математиканы физика, информатика, қолданбалы есептерін шешу құралы ретінде оқытады.

Студенттерді мектеп геометрия курсының логикалық құрылымын, Теоремаларды дәлелдеу, «Параллельдік», «Параллель көшіру», «Векторлар», Геометриялық түрлендірулерді. «Фигуралардың теңдігі», «Көпбұрыштар», Үшбұрыштағы метрикалық қатынастарын үйретеді.

Студенттерді дискретті математиканың негізгі бөлімдері және олардың қолдануларымен таныстырады, басқа пәндерді меңгеруге теориялық және тәжрибелік тұрғыдан дайындайды. Осы курсты оқыту кезінде студенттер Буль функциялары, айтылымдар алгебрасының формулалары, комбинаторикалық алгоритмдер, графтар мен желілер сияқты дискретті объектілермен жұмыс істеуге дағдыланады, одан басқа олардың кодтау теориясының мәселелері туралы көз – қарастары қалыптасады.

Сандык әдістер курсының мақсаты қолданбалы есептерді шешудің жуықтау әдістерін, математикалық моделдеу әдістерін, қате көздері және нәтиже дәлдігінің әдістері жайындағы түсінікті студенттерге жүйелендірілген түрде үйретеді. Сондай-ақ таным үрдісінде пайда болатын математикалық есептерді электронды есептеу машинасының көмегімен шешудің есептеу алгоритмдерін құрып, қолдана білуге дайындау.

«Цифрлық Қазақстан» бағдарламасына сәйкес, орта, техникалық және жоғары кәсіби білім беру ұйымдарында цифрлық сауаттылықты арттыруды үйретеді. Студенттерді цифрлық технологиялардың тілін түсініп, түрлі электрондық жүйені қолдануды үйренеді.

Мектептегі математиканың оқытудың ерекшеліктерін ескере отырып, математиканың негізгі мәселелерін: арифметика мен геометриядағы аксиомалық әдістер, математикалық индукция принциптерін, алгебралық теңдеулермен теңсіздіктерге шолу олардың шешу жолдарын, функция туралы түсінікті, элементар және күрделі функцияларды, сонымен қатар трансценденттік теңдеулерді, көрсеткіштік, логарифмдік теңдеулер және олардың жүйелерін үйретеді.

Аналитикалық геометрияның негізгі элементтерімен танысып, олардың қасиеттерін жете меңгертеді. Әртүрлі кеңістік туралы көзқарасын қалыптастырады. Жазықтықтағы және кеңістіктегі аналитикалық геометрияның міндеттерін, сызықтық кеңістіктер және сызықтық бейнелеулер, квадраттық формалар, аффиндік, евклидтік және унитарлық кеңістіктерді жетік меңгертеді.

Алгоритмдер теориясын қолдана отырып алгоритмдерді құруды, құрастыру негізінде теориялық ұғымдарды меңгертеді. Алгоритмнің негізгі кластарын, оларда қолданылатын деректер структурасын, сол негізде шығарылатын есептердің схемасы туралы ұғымдарды сипаттайды. Алгоритмнің, программаның күрделілігін анализдеу әдістерін, әдістемелерін тәжірибеде қолдануды жобалайды.

Орта мектептегі математика пәндерінің ғылыми негіздерін жан-жақты ашып, тригонометриялық ұғымдарды қалыптастыру тригонометриядағы жалпы формулалардың мазмұнын ашып, оны есептер шығаруда тиімді қолдануға дағдыландыру.

Математика пәні оқулығының маңызды ерекшеліктерін және өскелең өмір талабына сәйкестігін зерттейді. Оқулықтардың мазмұны мен құрылымын авторларын т.б отандас ғалымдарды аша біледі. Оқулықтың мазмұнының мәнін, зерттеу нысанын, оған қойылған дидактикалық талаптар мен ұстанымдарды, әдіснамалық мәселелерді, ғылымдардың зерттеулерін талдайды.

Функционалдық мазмұнды есептерді шығара алуға үйретеді, сызықты функцияға келтіретін мәселе есептерді, квадраттық функцияға келтіретін мәселе есептерді, әртүрлі функцияналдық мазмұнды есептерді математиканы оқыту барысыныда функция ұғымын қалыптастыра алады.

«Мектеп математикасына бейіналды және бейіндік дайындық» пәні 12 жылдық мектепте бейіналды және бейіндік оқытудың ерекшеліктері қарастырады. Оқу материалын іріктеу принциптерін, пәннің базалық және бейінді мазмұнының өзара байланысын ұйымдастыруды, оқу бейінінің аспектісінде оқушылардың белсенді танымдық, зерттеу және тәжірибелік қызметін қамтамасыз ететін оқытудың оңтайлы жолдарын үйретеді. Бейініне сәйкес математика бойынша оқу процесін ұйымдастыра біледі.

Стереометрия курсының теоремаларын, Евклидтік геометрияның аксиомаларын, Евклидтік емес геометриясын, Погорелов бойынша евклидтік геометрияның аксиомалар системасын, Лобачевский геометриясын, Кеңістіктегі денелерді, Пирамида, Призма олардың көлемдерін, Айналу денелерін және олардың көлемдерін меңгереді.

Алгебралық және трансценденттік теңдеулерді сандық шешу әдістерін, сызықты және сызықты емес теңдеулер жүйесін шешудің теориялық негіздерін, интерполяциялық алгоритмдерді құруды үйретеді. Қойылған тапсырманы талдай біледі және оны шешу жолдарын біледі. Қолданылатын есептеу алгоритмдерін оңтайландырады. Математикалық қолданбалы пакетінің құралдарын пайдалана отырып қолданбалы есептерді шешудің практикалық есептеу түрлерін меңгертеді.

Геометриялық фигуралардың қасиеттерін қарастырады. Ойлаудың математикалық стилін қалыптастырады, планиметрия бойынша геометриялық есептерді шеше біледі. Ойды ауызша және жазбаша түрде сауатты баяндай біледі, тапсырманың шарттарын дұрыс талдай біледі, тапсырманың сауатты сызбасын орындайды. Тапсырманы шешудің ең тиімді әдісін таңдайды, күрделі есептерді қарапайым және стандартты есептердің бірізділігіне орналастыра біледі.

«Дифференциалдық теңдеулер» пәні екінші ретті дифференциалдық дербес туындыдағы теңдеулер мен жоғары ретті дифференциалдық теңдеулерді, дифференциалдық теңдеулердің жүйелерін, квадратураларда шешілетін теңдеулердің түрлерін, коэффиценттері тұрақты сызықтық дифференциал теңдеулерді, тұрақтыларды вариациялау әдісін, Эйлер теңдеуін, түйіндес теңдеулерді шешуді үйретеді.

"Жазықтықта салу" пәні координаталық жазықтықта нүктелерді салу, осьтік, симметрия тақырыптарына есеп шығара білу дағдыларын қалыптастырады. Есеп шығаруда координатаны қолдана білуге үйретеді. Координаталық жазықтықтағы берілген нүктенің координаталарын таба білу арқылы, координаталары берілген нүктені координаталық жазықтықта сала білу дағдысын қалыптастырады. Суреттер бойынша нысананы көздей отырып, нүктелердің координатын табу және оны жаза білуге дағдыланады.

«Компьютерлік желі технологиясы» пәні студенттерге жаңа ақпараттық желілік технологиялардың түрлерімен, компьютерлік желі құрудың принциптерін үйретеді. Компьютерлік тораптардың ұйымдастырылуы мен жұмыс атқару негіздерін, дербес компьютерлердің торапта жұмыс істеу ерекшеліктерін үйренеді, қазіргі кездегі тораптық технологиялармен танысады, жергілікті тораптардың жұмысын игере алады.

Мектептегі оқу кабинеті туралы ережелерді, жалпы ережелерді, кабинет жабдықталуының талаптарын,кабинеттің жағдайын, оқу кабинетіндегі оқу техникалық құралдарының мәліметтік тізімін, оқу кабинетінің оқу жылында жасалатын жұмыс жоспарына қойылатын талаптарды меңгереді.

«Комплекс айнымалы функциялар теориясы» пәні - айнымалы шамаларды зерттеудің іргелі тәсілдерімен танысу, бұл тәсілдер ақырсыз аз шамалардың талдауына және комплексті сандар өрісінің қасиеттерін пайдалануға негізделген. Бұл пәнде зерттеу объектісі ретінде ең алдымен бір комплексті айнымалы аналитикалық функциялар алынады. Комплексті айнымалы функциялар теориясы математикалық талдау, жоғары алгебра және аналитикалық геометрия пәндеріне негізделеді де «Функционалдық анализ», «Дифференциалдық теңдеулер», «Математикалық физика теңдеулері», «Ықтималдықтар теориясы мен математикалық статистика» пәндеріне негіз болады. Студент «Комплекс айнымалы функциялар теориясы» пәнінің негізгі ұғымдары мен әдістерін үйреніп, маңызды анықтамаларды, теоремаларды және негізгі формулаларды біліп, теоремаларды өзінше дәлелдей алатын және нәтижелерін есеп шығаруға қолдана алатын болып шығады.

Қазіргі білім беру технологияларының даму тенденциялары тұлғаның өзін-өзі тануы, оқыту технологиясы – белгіленген мақсатқа нәтижелі қол жеткізуді қамтамасыз етуде оқытудың формасын, әдістері мен құралдарын ашып көрсетіп, оқу бағдарламасында белгіленген оқытудың мазмұнын жүзеге асырады.

пәннің нақты өмірдегі, ғылымдар жүйесіндегі орны мен рөлін дәйектей біледі;

академиялық адалдық принциптері мен мәдениетінің маңызын бағалайды.

оқушының тұлғалық дамуын қалыптастыруда, өмір бойы білім алуда пәнаралық білімді интеграциялай біледі;

математикалық заңдылықтар мен тұжырымдарды дәлелдеу мен ой-қорытулар жасауда, мәселелерді шешуде сыни тұрғыдан қарау және жүйелі ойлау негізінде білімін практикада қолдана алады;

математика ғылымының базалық идеялары мен заманауи әдістер жүйесіне негізделген білімі мен түсініктерін көрсете білу;

математика пәнін оқытуда АКТ-ны пайдалану арқылы оқушының жеке мүддесіне сай оқу үдерісін ұйымдастырады;

ғылыми зерттеулердің әдістерін және академиялық хатты біледі және оларды оқытылатын салада қолдана алады

инновациялық технологияларды оқытудың мақсат-міндеттеріне және оқушылардың дара ерекшеліктеріне сәйкес қолдана алады;

критериалды бағалаудың, диагностикалаудың, қысқа мерзімді сабақ жоспарын жасаудың технологияларын пайдалана алады;

танымдық, кәсіби және ғылыми зерттеулерде модельдеуді қолдану негізінде мәселелерді шешу жолдарын талдай біледі;