7M07173 Мұнайхимия в М.Әуезов атындағы Оңтүстік Қазақстан университеті

УК, ИҚ және ЯМР-спектроскопияларының теориялық негізде-рін, газ-сұйықтық хроматографиясын және органикалық қосылыстарды талдаудың заманауи әдістерін; спектрлер мен хроматограммаларды анықтау жұмысының ретін; элементтік және функционалдық талдаудың негізгі әдістерін қарастырады. Зерттеулердің спектроскопиялық әдістері бойынша есептерді шешу, УК, ИҚ және ЯМР-спектрлері бойынша органикалық қосылыстарды сәйкестендіру дағдыларын қалыптастырады.

Жаратылыстану және техникалық ғылымдардың тарихы мен философия-сын, мәдениет пен өркениеттің жаңа еуропалық ғылымды, ғылыми таным құрылымын, нақты ғылымдарның философиялық мәселелерін, XXI ғасырдағы байланыс технологияларын және олардың заманауи ғылымдағы рөлін зерттейді. Жаратылыстану және техникалық ғылымдардың заманауи өзекті методологиялық және философиялық мәселелерін шешу жолдарын айқындайды, сыни ойлау мен логиканы дамытады.

Жоғары білікті мамандардың кәсіби қызметінде қажетті заманауи психологиялық ғылымның негізгі принциптерін қарастырады. Жеке тұлғаның психологиялық зерттеулерінің іргелі психологиялық ұғымдары, дағдылары мен қабілеттері туралы ғылыми-теориялық дүниетанымын қалыптастырады, эксперименталды-психологиялық зерттеулердің негізгі әдістерімен мен психокоррекциялық жұмыс бағыттарымен, ұжымдағы қақтығыстарды, күйзелістер мен оларды шешу әдістерін басқарумен таныстырады.

Мұнай-химия процестерінің негізгі көрсеткіштерін; шығыс коэффициенттерін есептеу әдістерін, бастапқы шикізаттың конверсиялану және мақсатты өнімнің шығымын; реакция өнімдерінің құрамын; мұнай-химиялық процестердің материалдық және жылулық баланстарын құрастыру принциптерін; мұнай-химия процестері реакторларын технологиялық есептеу элементтерін; мұнай-химия процестерінің реакциялық түйіндерін жобалауды; реакторларды есептеуді қарастырады. Мұнай-химия технологиялық процестерін есептеу дағдыларын қалыптастырады.

Көмірсутекті жүйелерді өңдеудің экологиялық проблемаларды, қоршаған ортаны мониторингін, көмірсутегі жүйелерін өңдегенде өнеркәсіптік және экологиялық қауіпсіздікті, қоршаған ортаның сапасын басқаруды, экологиялық сипаттамалары жақсартылған көмірсутекті жүйелер өндірісін қарастырады. Көмірсутекті шикізатын өңдеудің технологиялық процестерді, тіршілік қауіпсіздігі мен экологиялық тазалықты сақтай отырып органикалық заттардың өндірісін басқару дағдыларын қалыптастырады.

Жоғары білім берудің заманауи парадигмаларын, Қазақстанда жоғары кәсіби білім беру жүйесін таныстырады. Педагогикалық ғылымның әдістемесін, жоғары мектеп оқытушысының кәсіби құзыреттілігін қарастырады. Оқытудың кредиттік жүйесін, болашақ мамандарды даярлаудағы оқытудың жаңа әдістері мен формаларын меңгеруге, білімді және көшбасшылық қасиеттерге ие маман тұлғасын тәрбиелеуге және қалыптастыруға мүмкіндік береді.

Шетел тіліндегі ауызша қарым-қатынас дағдыларын дамытуға, мәдениетаралық құзыреттілік, іскерлік хат алмасу дағдыла-рына, өзге тілдегі түпнұсқа дерек көздерін оқудың негізгі түрлерін меңгеруге, мамандық бойынша ғылыми тақырыптаға жазбаша мәлімдемелер - шет тілінде ғылыми зерттеулер тақырыбы бойынша ғылыми баяндама, презентация, пікірталастар, тезистер және мақалалар; ғылыми мәтіннің аннотациясы, резюме жазу т.с.с. даярлауға мүмкіндік береді.

Білім беруде құзыреттілікті қалыптастыру, жеке, интеграцияланған және мультимедиялық оқыту технологияларын пайдалануды қарастырады. Мәселелік жағдайларды талқылау және шешу, топтық жобаны құрастыру, рөлдік ойындар жүргізу арқылы бейіндік пәндерді оқып үйретеді; оқу үдерісін, магистранттардың ғылыми жұмыстарын ұйымдастыруда дағдыларын қамтамасыз етеді. Бейіндік пәндерді оқып-үйренудің әдістемелік ерекшеліктерін меңгеруге, оқу-әдістемелік құжаттарды әзірлеуге және бекітуге мүмкіндік береді.

Заманауи химиялық процестерді, химиялық реакторлардың негізгі моделдерін, олардың жұмыс істеу принциптерін; химиялық реакторлардың жұмысын сипаттайтын теңдестірілген, кинетикалық және қосалқы теңдеулер түрлерін қарастырады. Осы процеске арналған технологиялық параметрлерді есептеу дағдыларын; химиялық реактордағы процестің оңтайлы параметрлерін, химиялық реакторларды таңдау әдісін игеруге мүмкіндік береді.

Модификациялаудың физика-химиялық негіздерін; полимерлік материалдарды модификациялау әдістерін; полимерлік материалдардағы құрылым түзуді; физикалық және химиялық модификациялау тәсілдерін; көпкомпонентті жүйелермен модификациялауды; композициялық материалдардағы армирленген талшықтар бетін модификациялауды, модификацияланған талшықтармен армирленген шыны пластиктердің шекаралық қабатында өзара әрекеттесу механизмін; органикалық талшықтарды модификациялауды қарастырады. Зертханалық жағдайларда модификацияланған композициялық материалдарды алудың практикалық дағдыларын қалыптастырады.

Мұнай-химия синтезі процестеріне арналған шикізаттың негізгі көздерін; ірі тоннажды мономерлерді өндіруге арналған карбонил тобы бойынша конденсациялау, алкилдеу, хлорлау, пиролиз, тотығу процестері технологияларын қарастырады. Мұнай-химия синтезіне арналған шикізат ресурстарының қолданыстағы өндірісін жетілдіру жолдарын табу дағдыларын қалыптастырады.

Беттік активті заттарды (БАЗ) және олардың негізінде синтетикалық жуғыш құралдарды (СЖҚ) алудың химиялық негіздерін; беттік-активті заттарды синтездеу процесінің механизмдерін, жуу әрекеті теориясын, жуғыш құралдар компоненттері ролін қарастырады. Белгілі бір қасиеттерге ие БАЗ мен СЖҚ құру бойынша теориялық және эксперименталды зерттеулерді жоспарлау және жүргізу; СЖҚ қасиеттерін жақсартуға арналған жаңа ингредиенттерді іздену дағдыларын қалыптастырады.

Көмірсутекті, табиғи газдар мен газ конденсаттарын, олардың негізіндегі тауарлық өнімдерді талдауға қолданылатын заманауи әдістер мен құрылғыларды; газ өңдеу өнімдерін өлшеу теориясының негізгі ережелерін; газ шикізатын өлшеудің түрлерін, әдістерін және құралдарын жіктеуді қарастырады. Газ өнеркәсібінің өнімдерінің қасиеттерін өлшеуге арналған заманауи құрылғыларда жұмыс істеу және зертханалық құралдарды калибрлеу дағдыларын қалыптастырады.

Негізгі ірі тоннажды лактар, бояулар маркілері мен композициялық жабындар ассортиментін, пайдалану, технологиялық қасиеттері мен құрамын, оларды өндіру технологиясының негізгі артықшылықтары мен кемшіліктерін; лак-бояу және композициялық полимерлік материалдарды алу технологиясының ғылыми негіздерін қарастырады. Лак-бояу және композициялық полимерлік материалдар рецептураларын құрастыру және физика-химиялық қасиеттерін теориялық және эксперименталды зерттеулер дағдыларын үйренеді.

Мұнай-газ кешенінің төрт негізгі сегментінде технологиялық инновацияларды қарастырады: барлау, ұңғымаларды бұрғылау және айдау, өндіру, ұңғымаларды жөндеу жұмыстарын ұйымдастыру. Жаңа техникалық шешімдерді енгізу кезінде жабдықтарды орналастыру, конструктивтік және экономикалық есептеулерді орындау; инновациялық өзгерістерді ескере отырып, құрал-жабдықтарды таңдау; зерттеу тақырыбы бойынша ғылыми-техникалық ақпараттарды өңдеу, жүйелеу және талдау дағдыларын қалыптастырады.

Мұнай-газ кешені технологиясының ғылыми негіздерін және мұнай мен газды іздену-барлау, бұрғылау, кен орындарын игеру және пайдалану, мұнай, газ және мұнай өнімдерін тасымалдау, сақтау, тарату технологиясын дамыту үрдістерін қарастырады. Мұнай-газ кешені объектілері мен процестерінің қауіпсіздігі мәселелерінде жаңа ғылымды көп қажетсінетін шешімдерді табу және енгізу дағдыларын қалыптастырады.

Қазақстандағы мұнай-химия өндірістерінің заманауи проблемалары мен дамуының инновациялық жолдарын; мұнай-химия мәселелерін шешудегі қолданбалы және іргелі зерттеулерді; мұнай өңдеу өнеркәсібінің екіншілік қалдықтарды пайдалануды; көмірсутекті шикізатты өңдеудіңполимерлік материалдар, пластмассалар, каучуктер өндірудің заманауи проблемалары мен инновациялық жолдарын; мұнай-химия өндірістері химиялық технологиясының экологиялық мәселелерін қарастырады.

Техникалық көміртек өндірісін ұйымдастыру принциптерін, оның иерархиялық құрылымын; өндіріс тиімділігін бағалау әдістерін; техникалық көміртекті өндіру тісілдерін; техникалық көміртекті синтездеу реакциясы механизмін; техникалық көміртекті алу процесінің аппаратуралық ресімделуін, олардың құрылу принциптерін қарастырады. Техникалық көміртекті синтездеу процесі сипаттамалын есептеу; техникалық көміртекті өндірудің ұтымды схемасын таңдау; өндірістің технологиялық нәтижелілігін бағалау дағдыларын қалыптастырады.

Парфюмерлік-косметикалық өнімдерді өндіруге арналған шикізаттың негізгі түрлерін, косметикалық өнімдер рецептураларын құрастыру тәсілдерін; парфюмерлік және косметикалық өнімдерді алу технологияларын қарастырады. Парфюмерлік-косметикалық өнімдерді өндірудің технология-лық процестерін басқаруға ғылыми білімдерді пайдалану; шикізатты талдау, рецептураларды құрастыру, парфюмерлік-косметикалық құралдарды алу технологиясы, дайын өнімдер сапасын талдау әдістеріне қатысты практикалық жұмыс жүргізу дағдыларын қалыптастырады.

Мұнай-химия шикізатынан органикалық өнімдер алудың жаңа тәсілдерін қарастырады. Синтетикалық материалдарға арналған маңызды мономерлер және мұнай-химия синтезіне арналған бастапқы көмірсутектерді алу химизмі мен технологиясы туралы білімдерін тереңдетеді. Құрамында оттегісі бар, галоген және нитротуындылы қосылыстар, синтетикалық жуғыш заттарды, каучуктер, пластикалық массалар мен талшықтар өндіру технологиясын меңгеруге мүмкіндік береді.

Энергияның жаңартылатын көздерін, оларды елдің және өңірлердің жалпы энергетикалық теңгерімінде пайдалануды; өнеркəсіптегі жаһандық энергияны үнемдеу мəселелерін; екіншілік энергия ресурстарын пайдалануды; экологиялық жағдайларды жақсартуды; энергияның жаңартылатын көздерін пайдаланудың техника-экономикалық көрсеткіштерін қарастырады. Энергияның жаңартылатын көздеріне негізделген энергия қондырғыларын практикалық есептеу мен таңдау; қондырғыларды пайдаланудың ұйымдастырушылық-техникалық шараларын әзірлеу дағдыларын қалыптастырады.

Органикалық тұтқыр заттарды әзірлеу саласындағы перспективаларды зерттеу; алу технологиялары, тұтқыр заттардың қасиеттері, қалдықсыз өндіріс технологиялары және басқа салалардың жанама өнімдерін кешенді пайдалану - тұтқыр заттардың қасиеттері мен сапа көрсеткіштерін анықтау дағдыларын қалыптастыру; өндірістің технологиялық процестерін және тұтқыр заттарды қолдану салаларын оңтайландыру.

Мұнай өнімдерімен қамтамасыз ету жүйелері сипаттамаларын; оларды тасымалдау, сақтау және тарату кезінде мұнай өнімдерінің ластану көздерін; мұнай өнімдерінің ресурстық шығындарының негізгі көздерін; ресурстық шығындарды болдырмаудың ұтымды әдістерін; мұнай өнімдерін тасымалдау, сақтау және таратудың инновациялық технологияларын қарастырады. Жаңа технологияларды, құрал-жабдықтар мен жүйелерді енгізгендегі инновациялық тәуекелдерді бағалау дағдыларын қалыптастырады.

Химия-технологиялық процестердің математикалық модельдерінің жіктелуін, химия-технологиялық процестердің детерминирленген, стохастикалық математикалық модельдерін әзірлеуді, химия-технологиялық процестердің математикалық модельдерінің баламалылығын бағалау және оңтайландыру әдістерін қарастырады. Мұнай өңдеу, мұнай-химия және газ өнеркәсібінің нақты процестері мен зертханалық зерттеулер нәтижелерін сандық өңдеу және түсіндіру дағдыларын үйретеді.

Техникалық диагностиканың жалпы сұрақтарын; терминдер мен анықтамаларды; құрал-жабдық жұмысының сапасына әсер ететін факторларды іріктеу және талдау мен бас тартудың жіктелуін; техникалық диагностика міндеттерін; диагностика-лық параметрлерді; диагностика қою әдістері мен құралдарын қарастырады. Магистралді өнім құбырларына диагностикалық қызмет көрсету жүйелерінің техникалық күйін талдау, оларды жетілдіру жолдарын талдау, оларды жетілдіру тәсілдеріне, диагностика әдістері және құралдарын қолдану саласында ғылыми зерттеулер жүргізуге дағдыландырады

Экологиялық сапа стандарттарына сәйкес өнім шығаруға арналған қолданыстағы технологиялық процестер мен жабдықтарды модификациялауды жүргізу.

тіршілік қауіпсіздігі және экологиялық тазалықты сақтай отырып органикалық заттар өндірісін, көмірсутекті шикізатты өңдеудің технологиялық процестерін басқару, өндірістің оңтайлы технологиялық режимін негіздеу

Кәсіби саладағы басқару психологиясының принциптерін қолдана отырып, ғылыми және педагогикалық қызметті жоспарлау және орындау

Алынған өнімді коммерцияландырумен ғылыми зерттеулерді жүзеге асыру үшін тиімді алгоритмдерді таңдау.

Шет тілін білуді қолдана отырып, ақпараттық ресурстарды тарта отырып, ғылыми-техникалық ақпаратты талдау және жалпылау; ғылыми-зерттеу жұмысының нәтижелерін жалпылау.

Химия-технологиялық процестер мен жабдықтарды инженерлік есептеулер мен модельдеуді жүргізу.

Кәсіби міндет жағдайында берілген қасиеттері бар лак-бояу және полимерлі композициялық материалдарды, парфюмерлік-косметикалық құралдарды алудың оңтайлы тәсілдерін ұсыну.

Тарих және ғылым философиясы саласындағы білімді пайдалана отырып, тұтас жүйелік ғылыми көзқарасқа негізделген жан-жақты және пәнаралық зерттеулерді жобалау және жүзеге асыру.

Стандартты емес өндірістік жағдайларда шығармашылықпен және логикалық ойлаумен басқарушылық шешімдер қабылдау.

Көмірсутек шикізатын қайта өңдеудің, техникалық көміртекті, беттік белсенді заттар мен синтетикалық жуғыш заттарды өндірудің ресурс үнемдейтін технологияларын әзірлеу, шикізат пен дайын өнімнің сапасын бақылауды жүзеге асыру.