8D05402 Механика в ҚарМУ Е.А.Бөкетов

Пәнді меңгерудің мақсаты – деформацияланатын қатты дене механикасы саласында есептеу дағдыларын меңгеру, серпімділік, иілімділік және жылжымалық теориясы саласындағы докторанттардың білімін дамыту. Курс серпімділік теориясындағы негізгі гипотезалар мен формулаларды; серпімділік теориясындағы вариациялық әдістерді; ақырлы элементтер әдісімен серпімділік теориясының жазық және кеңістік есебін шешуді; иілімділік және жылжымалық теориясының негіздерін; кіші серпімді - иілімділік деформациялар теориясын; иілімділік ағын теориясы туралы түсінікті; иілімділік теория есебінің қойылуын; иілімділік есебін шешудің сандық әдістерін; жылжымалық теориясының негізгі тәуелділіктерін; қатты денелердегі жылжымалық пен релаксацияны; серпімді-тұтқыр дененің жалпыланған моделін оқытуды көздейді.

Пәнді меңгеру мақсаты – қатты денелердің кернеулік-деформациялық күйін зерттеудің негізгі сандық әдістерін докторанттардың меңгеруі және білімін қалыптастыру. Курс қатты дене механикасының жалпы теңдеулерін; ақырлы айырымдар әдісі мен ақырлы элементтер әдісін; шектік элементтер әдісін; серпімділік теориясының және Фламан мен Кельвин теңдеулерінің сандық шешімдерін; қатаң штамптың серпімділі жартылай жазықтыққа әсерін; серпімді жолақтың кернеулік күйін; арқалықтың кернеулік-деформациялық күйі мен рамалық конструкцияның кернеулік-деформациялық күйін сандық модельдеуді; кеңістіктік серпімділік теориясының сандық шешімдерін; Буссинеск және Черрутидің теңдеулерінің сандық шешімдерін; пластиналар мен қабықшалардың кернеулік-деформациялық күйін сандық модельдеуді оқытуды қарастырады.

Пәннің мақсаты - орындаушы механизмдер мен манипулятордарды жобалау және олардың жұмыстарын математикалық сипаттау саласында білім мен кәсіби құзыреттілікті қалыптастыру, орындаушы механизмдер мен манипуляторларды жобалау, сұлбасын әзірлеу және конструкциясын құрастыру; жобалық-конструкторлық құжаттаманы дайындау; патентке өтінім беру; көпзвенолы манипуляторлардың кинематикасын; орналасудың, жылдамдықтардың, үдеулердің тура және кері кинематикалық есептерін; есептерді шешудің матрицалық әдістерін; манипуляторлар механикасындағы күштік және динамикалық талдауды; динамиканың тура және кері есептерін шешуді; кинематикалық жұптардағы жалпыланған күштер мен реакцияларды анықтауды; орындаушы механизмдер мен манипуляторларды басқару алгоритмдерін; әртүрлі координаттар жүйелерінде роботтың қозғалыс траекториясын анықтау әдістерін меңгеру.

Пәнді меңгеру мақсаты - ғимараттар мен имараттардың құрылыс конструкцияларын есептеу және жобалау бойынша білімін қалыптастыру. Курс сандық әдістердің жалпы сипаттамасы;. ақырлы айырымдар әдісі; ақырлы элементтер әдісі; конструкциялардың үшбұрышты ақырлы элементтері; конструкциялардың төртбұрышты ақырлы элементтері; аппроксимация ретін көбейту; үш өлшемді есептер; сплайн функциялары; бір өлшемді сплайндар; үшінші дәрежелі сплайн әдісі;бесінші дәрежелі сплайн әдісі; конструкциялардың геометриялық және есептеу моделдерін құру; сандық әдістердің дәлдігін салыстырмалы талдау; LIRA, ANSYS кешендерінің ақырлы элементтері; LIRA және ANSYS пакеттерінде сызықтық емес есептерді шешу туралы білімді алуға мүмкіндік береді.

Пән аналитикалық ғылыми-зерттеу және мәтіндік қызметпен байланысты құзыреттерді; аналитикалық-синтетикалық, сыни және прагматикалық ойлау дағдыларын қалыптастыру мақсатында оқытылады. Пәнді оқу барысында ғылыми мәтіндерді жазудың түрлері, әдістемесі мен этикалық принциптері, ғылыми мәтінді құру және оны жариялауға дайындау принциптері, библиографиялық тізімді рәсімдеу, ғылыми әдебиеттерге сілтеме жасаудың негізгі ережелері, аннотация түрлері және оларды құрастыру ерекшеліктері, ғылыми мәтінді рецензиялау қарастырылады.

Пән докторанттарда дербес ғылыми-зерттеу қызметін жүзеге асыру дағдыларын қалыптастыру; диссертациялық зерттеуде қойылған міндеттерге қол жеткізу үшін ғылыми зерттеу әдістерін қолдану; өзінің диссертациялық зерттеу тақырыбы бойынша эмпирикалық деректерді өңдеу әдістерін қолдану мақсатында зерделенеді.

Пәннің мақсаты - робототехникалық жүйелерді динамикалық басқару әдістері бойынша жүйелі білімді және кәсіби құзыреттілікті қалыптастыру, робототехникалық жүйелердің динамикасын есептеуде қолданылатын негізгі ұғымдарды; робототехникалық жүйелердің классификациясын; жалпыланған координаталар мен күштерді; виртуалды орын ауыстыру мен жұмыс әдісін игеру, қозғалыс теңдеулерін және динамиканың тура және кері есептерін шешуді білу, сақталу заңдары мен негізгі принциптерін; робототехникалық жүйелерге арналған Эйлер-Лагранж әдісін; көпзвенолы робототехникалық жүйелер үшін Ньютон-Эйлер әдісін; робототехникалық жүйелердің қозғалыс теңдеулерінің қасиеттерін және оларды динамикалық талдауда, траекторияны жоспарлауда, басқару алгоритмдерін синтездеуде оларды қолдануды меңгеру.

Рецензияланатын журналдарда жариялау үшін ғылыми мақалаларды дайындайды, зерттеу тақырыбы бойынша ғылыми әдебиеттерді пайдалану дағдыларын қалыптастырады, ғылыми әдебиеттерді ағылшын тілінен аударады.

Диссертациялық жұмыс шеңберінде кешенді зерттеулерді, оның ішінде пәнаралық зерттеулерді тұтас жүйелі ғылыми дүниетаным негізінде жоспарлайды және жүргізеді, сыни талдауды суреттейді және қолданады, заманауи ғылыми жетістіктерді бағалайды, зерттеу және тәжірибелік мәселелерді шешеді.

Механиканың іргелі бағыттарының негізгі мәселелерін суреттейді және талдайды, келесі бөлімдер мен ұғымдарға қатысты мәселелерді шешеді: серпімділік, жылжымалық және иілімділік теориясы.

Зерттеу және педагогикалық тәжірибені синтездейді, иілімділіктің күрделі құрылымдық теориялары, иілімділік теориясы және жылжымалық теориясы туралы ақпарат берудің ұтымды әдісін қалыптастырады, докторлық диссертация тақырыбы бойынша ғылыми зерттеулердің нәтижелерін ұсынады.

Механика және робототехника есептерін шешудің сандық әдістерін, есептеу экспериментіндегі қазіргі заманғы өлшеу әдістерін, қолданбалы бағдарламалар пакеттерінің теориялық негіздерін, бағдарламада көзделген әртүрлі механика есептерін математикалық модельдеудің негізгі әдістерін қолданады.

Механика мен робототехниканың әртүрлі әдістерінің мәнін, қолдану әдістемесін, артықшылықтары мен кемшіліктерін, олардың төзімділігі мен үнемділігі жағдайында конструкциялық элементтерді есептеу тәсілдерін, белгілі бір конструкциялардың артықшылықтары мен кемшіліктерін негіздей алады.

Конструкцияларды есептеу әдістерін, деформацияланатын қатты дене механикасындағы сандық әдістерді, робототехникалық жүйелер динамикасының әдістерін зерттейді және реттейді, орындаушы механизмдер мен манипуляторларды жобалайды.