7M02102 Дизайн (н/п) в Mardan Saparbaev Instityty

Ғылым тарихы мен философиясының негізгі мәселелерін анықтайды. Ғылым және өркениеттің даму типтерін талқылайды. Орта ғасыр мен Қайта өрлеу кезеңіндегі ғылымның дамуын түсіндіреді. Өркениет пен мәдениет аясындағы ғылымды талдайды. Жаратылыстану және гуманитарлық ғылымдарының философиялық мәселелерін бағалайды. Қазіргі кезеңдегі ғылымдағы жаңа бағыттарды тұжырымдайды.

Отандық және шетелдік ғылыми методологияның педагогикалық негізгі мәселелерді сипаттайды. Педагогикалық үдерістегі педагогтың кәсіби іс-әрекетіне баға береді. Оқу-тәрбие үдерісінде тұлға дамуының қарама-қайшылықтарын талдайды, іс-әрекетін диагностикалайды, зерттеу әдістерін баяндайды. Оқу-тәрбие жұмыстарының жоспарын әзірлеу технологиясын, әдістемелік талаптарын ұсынады. Мамандық саласында білімгерлердің білім сапасын арттыруда өзін-өзі дамытуды жетілдіруде озық тәжірибелерді үйретеді.

Заманауи психологияның ғылыми-теориялық салаларын меңгертеді. Ұлтаралық қарым-қатынастағы әлеуметтік-психологиялық құбылысты анықтайды. Еңбек ұжымындағы конфликтіні реттеудің механизмдерін, тәсілдерін сипаттайды. Коммуникативтік технологияларды пайдаланады, диагностикалық коррекция жасайды. Тұлғааралық қарым-қатынасты, сапалы нәтижеге қол жеткізу ұмтылысын, білімін жетілдіру жұмыстарын ұйымдастырады. Көшбасшылық, жетекшілік қабілеттерге ие болуға дағдыландырады. Жаңа идеялар мен үдерістерді жасауға, ғылыми, кәсіби толықтығын, инновациялығын жетілдіреді.

Кәсіпкерлік және серіктестік келісім шарт жүргізеді. Ұжымдық жұмыста шеберлікті ұштастыру және коммуникация дамытуға мүмкіндік береді. Іскерліктегі этика мәселесі, жобаны басқару, стратегия, ғылыми мақала орындауда визуалды құралдарды негізге ала отырып академиялық мәтіндердерді пайдаланады. IT –технология және коммуникация: сайтқа ақпарат береді. Әлеуметтік мәселелер: ақпарат жинайды, ақпарат дайындайды. Ғылыми жұмысына презентация жасайды.

Көп деңгейлі жоғары білім беру жүйесінде магистрлік дайындық жұмыстарын жүргізеді. Магистрлік диссертацияны ғылыми шығарманың бір түрі ретінде қарастырады. Ғылыми зерттеудің жалпы әдіснамасын сипаттайды. Логикалық заңдар мен ережелерді қолдану жолдарын көрсетеді. Диссертация қолжазбасымен жұмыс жасау, диссертацияның тілі мен стилін таңдауға бағыт береді. Диссертациялық жұмысты рәсімдеу ережелерімен орындауға машықтандырады.

Заманауи бизнес жүйесін сипаттайды, бизнестің қағидаларын тұжырымдайды. Кәсіпкерлік қызметтің ұйымдық-құқықтық нысандарының түрлерімен таныстырады. Кәсіпкерлік қызметтегі бизнес-жоспарлау, маркетинг жоспары, бизнес-идея мен стартапты таңдау тәсілдерін үйретеді. Бизнес жүйесіндегі менеджмент және маркетинг, кәсіпорынның коммерциялық қызметі, коммерциялық мәмілелер ұғымы және түрлері туралы білімдерін дамытады.

Қазіргі мәдениеттегі зияткерлік меншік түсінігін береді, мағынасы мен ерекшеліктерін түсіндіреді. Қазіргі құқық жүйесіндегі, шығармашылық қызмет нәтижелеріне авторлық құқық туралы мағлұмат алады. Авторлық құқық туралы халықаралық келісімдер жасауға, авторлық құқық объектілерін пайдалануға үйретеді. Авторлық құқық объектілері және олардың жіктелуін зерделейді. Патенттік құқықты және тауар белгілерін қорғаудың жүйесін сипаттайды.

Киім дизайнындағы экологиялық бағыттарды анықтайды. Техносфера-киімдегі саналы қайта құру қызметінің нәтижесінде құрылған объектілер мен процестердің жиынтығын қарастырады. Адамның әлемге қарым-қатынасының өзгеруі, экологиялық құндылықтардың басымдылығын қамтамасыз етеді. Технологиялық экологияландыру, адамдардың қоршаған ортаға қатынасын өзгерту, сәндегі үрдістер – табиғи маталарға оралу, жаңа материалдарды пайдалану тәсілдерін ойлап табуға ықпал етеді. Жеке экоколлекциялар жобалайды.

Жазықтық және көлемдік-кеңістік пішіндерді құрылымдаудың теориялық негіздерін жіктейді. Сенімділігі мен эстетикалық мәнерлілігін ескеріп дизайн объектілерін пішіндеу мен үлгілеу жұмыстарын жүргізуге бағыттайды. Олардың элементтерін ажыратып, қосылыс түйіндерін конструкциялау әдістерін әзірлетеді. Қазіргі заманғы материалдар қолданысын, сонымен қатар сәулеттік, графикалық және өндірістік дизайн объектілерін көркем жобалаудағы тенденциялар мен бағыттарды саралауға дағдыландырады.

Дизайнды формальды қызмет және экономикалық жүйенің ажырамас элементі ретінде анықтайды. Өнер, қолөнер, техника және өнеркәсіптік өндірістің, дизайн проблемаларының қалай пайда болғанын баяндайды. Отандық дизайн өнері дамуының ерекшеліктерін түсіндіреді. ұйымдық нысандары жобалау, оқыту, аймақтық салалар бойынша өз пікірін дәлелдейді. Қазіргі дизайн: ерекшеліктері мен мәселелері туралы гипотезаны тұжырымдайды.

Дизайн сарапшылар қауымдастығының құрылымы: индустрия өкілдері, тәжірибелі дизайнерлер, оқытушылар, журналистер / блогерлер, «қоғамдық пікір көшбасшылары». авторлық қадағалау әдістері, қызмет ұсыну нарығында шығармашылық өнімді насихаттау тәсілдері және консультациялық сипаттағы рәсімдерді жүргізу тәсілдерін көрсетеді. Дайындау бағдарламасына сәйкес дизайн-өнімді авторлық қадағалау принциптерін зерделейді; Тапсырыс берушімен, орындаушылар ұжымымен консультациялар өткізуге машықтандырады.

Дизайндағы сандық технологияларды қолдану принциптерін түсіндіреді. Жобалық дизайнда қолданылатын бағдарламалық қамтамасыз ету әдістерін тұжырымдайды. Салыстырмалы әдістеме – технологиялық тізбектердегі бағдарламалық қамтамасыз етуді зерттейді: SKETCH, ADOBE XD, FIGMA, ADOBE, PHOTOSHOP, ADOBE ILLUSTRATOR, ADOBE INDESIGN

Дизайн нысандарын композициялық модельдеу негіздерін айқындайды. Аппликация техникасында жаттығулар орындатады. Форма құрудың конструктивті-техникалық аспектілерін қарастырады. Туындылардың белгілер жүйесін сараптайды. Шығармашылық жұмыстың тектоникалық жүйесін жіктейді. Бионикалық бейнелер жасауға машықтанады. Дизайн нысандарындағы стильдік, иконалық белгілер, индекс-белгілері, символдар құрастыру тәсілдерін меңгертеді.

ХХІ ғасырдағы объектілер әлемін қалыптастырудағы дизайнның рөлін анықтайды. Дизайнға экологиялық көзқарас қалыптастырады. Заманауи дизайнның міндеттерін өзгерту жолдарын түсіндіреді, экологиялық дизайндағы қайшылықтарды анықтайды; ұлттық дизайн туралы, жаңа дизайн әдістемесін әзірлеу жолдарын түсіндіреді. Брендинг туралы, брендинг үшін дизайн негізін анықтайды.

Жобалау тәжірибесіндегі тапсырыс пен аналогтарын зерттейді. Құрылыс нормативтері және ережелерін жобалау жұмыстарын жүргізуде қолдануды үйретеді. Жоба композициясын, құрылымын үйлестіру, қоршаған ортаның дизайн нысанын жобалау қасбетін, жоспарын, қимасын, жалпы түрін (аксонометриясын) және қажетті бөлшектерін құрастыру жолдарын қарастырады Әртүрлі формада, фактурада жобаның нобайларын жасап, конструктивті сызбаларын орындауға, жобалау-сметалық құжаттаманы дайындауға машықтандырады.

Тұтастық пен динамиканы жиынтықтың маңызды белгілері ретінде қарастырады. Жиынтықтағы идеяның әртүрлі даму нюанстары көрсетіледі. Жиынтық құрамы (ансамбльдер, комплектілер, жеке бұйымдар, толықтырулар, аксессуарлар), жиынтықты қалыптастыру тәсілдері және типтері аныталады (перспективалық, өнеркәсіптік базалық, авторлық, арнайы мақсаттағы).Авторлық шығармашылық топтамадағы стильдің, бейненің бірлігі, жиынтықтың эстетикалық мәнерлілігі тұжырымдамаланады. Жобалық авторлық жиынтық әзірленеді.

Жобалау тұжырымдамасын модельдеу технологиясының сипаттамасын, дизайнды іс-әрекет түрі, әрекет әдісі мен нәтиженің көрсеткіші ретінде анықтайды. Бейнені дизайндық өнімінің негізі ретінде тұжырымдайды. Тұжырымдамалық дизайн өнімінің өзегі ретінде қарастырады. Тұжырымдамалық дизайн өнімі бойынша жұмысты талдайды. Идеяның тұжырымдамалық қалыптасу процесіндегі метафора мен тақырыпты зерделейді.

Өнеркәсіптік өнімдерді жобалау талаптарына сәйкес талдайды. Жобалар барысында түрлі материалдарды пайдалану жолдарын қарастырады. Көркем және дизайнерлік талдау мен синтездеуді жүзеге асыруға бағыт береді. Модельдеудің муляжды тәсілімен күрделі пішудің авторлық модельдерін жасау жолдарын үйретеді. Нақты тақырып бойынша түпнұсқа пішіндегі киім үлгілерінің авторлық коллекциясын орындау тәсілдерін меңгертеді.

CorelDraw, Photoshop және Adobe Dreamweaver графикалық пакеттерінің, Internet технологияларын қоса алғанда, заманауи мультимедиа құралдарын қолдану аясы мен мүмкіндіктерін қарастырады. Web - дүкендердің түрлері және оларды құру ерекшеліктерін сипаттайды. Adobe Illustrator, CorelDraw, Photoshop және Adobe Dreamweaver, FrontPage және Macromedia Flash бағдарламасының көмегімен Web-беттерінде интерактивті компьютерлік бейнефильмдер жасауға машықтандырады.

Имидж қалыптастыру заңдылықтарын, функцияларын зерттейді. Әлеуметтік орта талаптарын ескере отырып, адамның жеке бірегейлігі негізінде қалыптасқан жеке бейне, стиль ойлап табу жолдарын қарастырады. Қоғамдық өмірдің түрлі салалары мен кәсіби қызметтің жеке және корпоративтік имиджін жасаудың теориялық-қолданбалы тәсілдерін әзірлей білуге дайындайды. Имидж-технологиялар пакетін жасауға бағыт-бағдар береді.

Сәулеттік композиция және жобалау әдістерін қарастырады. Дизайн эволюциясы және қалыптасу тарихын тұжырымдайды. Сәулеттік нысаналарының өндіріс түрлері мен типологиясын, қазіргі технологиясын сараптайды. Сәулеттік нысаналарының идеясын дайындауды жоспарлауды түсіндіреді. Өндірістік және қоршаған ортаны Сәулеттік - жобалау құралдары мен әдістемесін жүзеге асыруға дайындайды.

Брендті дамыту, табысты маркетингтік стратегияны құру үшін жаңа үрдістерді бақылайды. Инновациялар жасауда жаңа мүмкіндіктер ашу үшін тұтынушылардың мінез-құлқы мен қалауының заңдылықтарын анықтайды. Экономикалық және жалпы мәдени өзгерістерді, жаңа үрдістер мен бағыттарды, жаңа технологиялардың пайда болуы мен дамуын қадағалайды, зерттейді, талдайды. Өнім тұжырымдамаларына кеңес беруге және әзірлеуге дайындайды.

Жобаны басқару әдістемесін үйретеді. Жобаларды басқару объектілері ретінде қарастырады. Жобаның ұйымдық құрылымдарын, жобалар және стратегиялық жоспарлауды, жобаларды басқару стандарттарын түсіндіреді. Жобаны басқарудың негізгі стандарттарына шолу жасайды. Жобаны басқару құралдарымен танысып, жобалық инвестицияларды басқару және жобаны талдауды үйретеді. Жобаны Бизнес-дизайн және бизнес-жоспар құру туралы білімдерін дамытады.

Жобалауды бастамас бұрын жобаланатын объектіні өндірістік бұйымдардың қолданыстағы жіктемесін ажыратады. Оны сәйкес түрімен, тобымен және класымен дұрыс сәйкестендіреді. Өндірістік өнімдердің жүйелеу системасына сәйкес идеялар ұсынады.Үйлесімдік, көркембейнелік шешімі біртұтас кешен ретінде көрсетеді, оларды өндірудің технологиясы мен функционалды қажеттігін тұжырымдайды. Болашақ өндірістік өнімдерді құрастыру және дайындау технологиясын ойлап табады.

Кәсіби қызметтің нәтижелеріне жауапты болу қабілеті бар. Өзіндік даму мен идеяларды іске асыруда ғылыми зерттеулер нәтижесінде алынған білімдерді қолданады. Ұйымдар мен кәсiпорындардың экономикалық қызметiн ұйымдастыруда және басқаруда ғылыми талдау жасайды, практикалық проблемаларды шешеді, кәсiптік қарым-қатынас және мәдени байланыс орнатады.

Дизайндық жобалау барысында заманауи инновациялық бейнелеу технологиясын қолданады, шығармашылық жоба жасайды, оны талдайды және өз көзқарасын қорғайды. Дизайндағы үлгілеу проблемаларын зерттейді, жобалау барысында түрлі материалдарды пайдаланады, дизайндағы экологиялық бағыттарды анықтайды. Тапсырыс берушімен, орындаушылар ұжымымен жоғары деңгейде консультациялар өткізеді.

Сәулет және өндірістік бұйымдар дизайнының үлгілерін, экспозицияларды, ішкі көріністерді, өндірістік және тұрмыстық заттарды, сырттай бейнелеу коммуникациясын, жобалық дизайнда қолданылатын бағдарламалық қамтамасыз ету әдістерін пайдаланып түрлі дизайн нысаналарын жобалайды және көркемдеу жұмыстарын орындайды. Құрастыру мақсаты мен жеке жобаларын, жаңа ойларын қорғап, дәлелдейді. Дизайндық модельдеуде және жобалау саласында, заттарды неғұрлым тиімді әдіспен ұсынады.

Зерттеу барысында алынған ғылыми нәтижелерді коммерцияландыру тетіктері мен технологияларын біледі; Заманауи бизнес жүйесі негізінде графикалық өнімді жобалау, көркемдік модельдеудің принциптері, әдістері туралы теориялық білімді және қызмет ұсыну нарығында шығармашылық өнімді насихаттау тәсілдерін қолданады. Қазіргі қоғамдағы дизайн функцияларын кәсіби қызметтерінде іске асырады.

Ғылыми зерттеулер контексiнде идеяларды қолдану немесе өзіндік дамыту үшiн негiз болып табылатын жоғары бiлiмді деңгейінде меңгерген; психологиялық-педагогикалық ғылымдар саласындағы жүйелі және интеграцияланған бiлiмі мен түсiнігін көрсетеді; философиялық ойларды, дүниеге көзқарастарды, қоғамдық құндылықтарды саралайды; әр түрлі салалардағы ғылыми білімді біріктіруге қабілетті.

Академиялық және кәсіби ортада ғылыми пікірталастарға қатысады, сондай-ақ әртүрлі деңгейдегі академиялық басылымдарда зерттеулердің бастапқы нәтижелерін жариялау мүмкіндігіне ие; жоғары мектеп педагогикасының теориялық негіздерін талдайды; тәрбие жұмысын ұйымдастырады және психологияның инновациялық технологияларын пайдаланып, дұрыс бағытты ұсынады.

Сәулеттегі форманың теориялық мәселелері мен композициялық жобалау әдістерін біледі, сәулеттік форма мен кеңістікті модельдейді. Тұжырымдамалық дизайн өнімі бойынша жұмысты кәсіби деңгейде талдайды. Кәсіби және академиялық ортада идеяларды талқылау кезінде өз ойларын жазбаша және ауызша түрде дұрыс және қисынды түрде қалыптастырады. Жоғары білімнің барлық стейкхолдерлерімен (мүдделі тараптарымен), атап айтқанда, жұмыс берушілермен байланыс орнатады және өзара іс-қимыл жасайды

Сәулет саласындағы ҚР нормативтік құқықтық актілері мен нормативтік-техникалық құжаттарының талаптарынан, ҚР Білім және ғылым саласындағы заңнамалық базадан хабардар; шығармашылық қызмет нәтижелеріне авторлық құқық заңын қолданады; нарықтағы маркетингтік зерттеулерін жүргізеді, бәсекелестерді бағалау әдістерін игерген; мемлекеттік және басқа тілдерде табысты және позитивті іскерлік қарым-қатынас жасауға қабілетті;

Ақпараттық-коммуникациялық құралдар мен технологияларды пайдалана отырып, дизайн бағытындағы ақпараттарды іздеу және өңдеу үдерістерін ұйымдастырады; оқытуда инновациялық технологияларды қолданады; Жобаны жүзеге асырудағы проблемалар мен тәсілдерге ықтимал шешімдер жиынтығын саралайды. Жобаның талаптарын егжей-тегжейлі нақтылайды және тәжірибеде тұжырымдамалық, шығармашылық көзқарас негізінде жобалық идеяларды енгізеді.

Педагогикалық менеджмент, педагогикалық өзара іс-қимыл саласындағы интеграцияланған білімі бар; жеке тұлғаның әлеуметтік маңызды қасиеттерін тәрбиелеу үшін пәндік салалардың (оқылатын пәндердің) әлеуетін пайдаланады; кәсiби қызметтiң мәселелерi және кешендi ғылыми зерттеулерге қатысу барысында ғылыми зерттеулердi дербес жүзеге асырады; Ғылыми зерттеулердің нәтижелерін оқу материалдарына жобалайды.