8D02303 Орыс филологиясы в А.Байтұрсынов атындағы Қостанай өңірлік университеті

Пән докторанттарға гендерлік лингвистиканың теориялық негіздерін меңгертуге арналған. Бұл курста «гендер» терминінің ғылымға енуі, гендерлік лингвистиканың қалыптасып дамуы, шетелдік және қазақстандық ғалымдардың гендерология жайындағы тұжырымдары, гендерлік лингвистиканың когнитивтік сипаты, гендерлік жіктелімнің тіл деңгейлеріндегі көрінісі қарастырылады.

Пән докторанттарға академиялық хат негіздерін меңгертуге арналған. Бұл пәнде академиялық хаттың құрылымы мен түрлері, әдеби басылымдармен жұмыс істеудің әдістері мен тәсілдері, ғылыми мәтіннің композициясы мен сегментациясы, ғылыми әдебиеттің функционалдық стилі қарастырылады. Докторанттар академиялық хатпен іс-жүзінде жұмыс істей білуді меңгеріп шығады.

Бұл пән бойынша ХХ ғасырдың екінші жартысы мен ХХІ ғасырдың басындағы филология ғылымындағы дәстүрлі бағыттар мен жаңашыл, басым бағыттардың тұжырымдамалары, қалыптасқан ғылымимектептері қарастырылады. Сонымен қатар қазіргі филолог-ғалымдардың ғылыми зерттеулерінде сөз болып жүрген ғылыми жетістіктер сарапталады. Филологиялық негізгі басымдықтар, дискуссиялық мәселелер ескеріледі.

Бұл пән жеке тұлғалар, елдер мен ұлттар арасындағы тілдік және мәдени, қоғамдық қарым-қатынастардың тілдік контактілер арқылы жүзеге асырылуын қарастырады. Тілді немесе тілдік тұлғаларды өзгертудегі белгілі бір факторлар жиынтығын талдайды. Тілдік байланыстар аясында өзгеріске ұшырағын тілдердің тарихы оқытылады.

Пән бойынша мәдениетаралық қарым-қатынасты аударма мәселелері арқылы жүзеге асыру қарастырылады. Аударма жұмыстары мәдениетаралық коммуникацияның бір түрі екендігі сарапталады. Түрлі халықтардың мәдени салаларындағы ынтымақтастықтары тіл аясында талданады. Коммуникациялық теориялар тілдердің қатынасы, тілдік қатынастағы мәдениеттің маңызы психология, әлеуметтану шеңберінде түсіндіріледі. Докторанттарға мәдениет пен коммуникация тоғысындағы проблемалардың теориялық және практикалық мәселелері меңгертіледі.

Ғылыми жұмысты ұйымдастыру және жоспарлау дағдыларын қалыптастыру, ғылыми эксперимент жүргізу және ғылыми-практикалық зерттеулер нәтижелерін өңдеу тәжірибесін, ғылыми таным әдіснамасын алу, ғылыми зерттеуді жоспарлау және жүргізу, гипотезаны, жаңа ұғымдарды қалыптастыру және тексеру; заңдылықтарды анықтау, теорияны құру.

Бұл пән дискурсты тілдік коммуникация түрінде, оның ауызша және жазбаша формаларын қарым-қатынас құралы және лингвистикалық категория ретінде қарастырады. Тіл біліміндегі дискурс теориясын зерттеуші қазақстандық және шетелдік ғалымдардың еңбектері сараланады. Докторантар мәтіндерге дискурсивтік талдау жасауды меңгереді.

тілдік қарым-қатынасты зерттеудің әдістерін білу, елдер мен ұлттар арасындағы тілдік және мәдени, қоғамдық қарым-қатынастарды жүзеге асыру үшін мәдениетаралық, когнитивті, семантикалық, прагматикалық және коммуникативтік құзыреттіліктерді меңгеру, аударманы мәдениетаралық коммуникация құралы ретінде қолдану

филологиялық зерттеулердің негізгі жетістіктерін, филологияның ғылыми басымдықтарын білу, қазіргі филологияның ғылыми жаңалығын кәсіби қызметінде қолдану;

ғылыми-зерттеу ұстанымдарын білу; зерттеудің қажетті ғылыми әдістері мен тәсілдерін пайдалана білу; филологиялық зерттеу нәтижелерін болжау, лингвистика және әдебиеттану теорияларының әдіснамалық негізін түсіну

академиялық хат түрлерінің құрылымын білу, мәтін талдау әдістемесін меңгеру, кәсіби тақырып бойынша мәтіннің стилистикалық және жанрлық мәнін білу; ғылыми жұмыстарды даярлаудың ғылыми-практикалық дағдыларын меңгеру

мәдениетаралық қарым-қатынасты жүзеге асыру үшін сапалы аударма жасау тәсілдерін білу, тілдерді қолданудың психологиялық, әлеуметтік-лингвистикалық аспектілерін меңгеру; мәдениет пен коммуникация тоғысындағы проблемаларды шешу

тілдік формалардың дискурсивтік ерекшеліктерін түсіну, дискурсивтік талдау және контент-талдау әдістерін білу, ғылыми дауда диспут жасау шеберлігін меңгеру; ғылыми хат және ғылыми коммуникация дағдыларын меңгеру

гендерлік лингвистиканың теориялық-практикалық негіздерін білу, ғылым мен қоғамдағы гендерлік мәселелерді шеше білу

ғылыми зерттеулерін қолданбалы лингвистикамен байланыста қарастыру, ғылыми коммуникация дағдыларын меңгеру